لا منتمي .. أو منتمي كل المعاني .. واحده
لاصار معنى الانتما .. حبرٍ على سطر الورق
الطفل عاده يرتمي .. في حضن شوق الوالده
والجاهل اللي إرتمى .. في حضن جاهل واحترق
واللي تعبّث بالرمي .. ما اشوف انا له فايده
والعاقل اللي لا رمى .. صاب الهدف بأول طلَق
والشـــــــوق لامنّه حمي .. حرّك قلوبٍ جامده
هذاك لامنّه حما .. خجل الظلام من الفلَق
لا لا تلـــــــــوم الآدمي .. سلم عليه وعايده
بعض العرب مثل الدمى .. وتحركه كيف اتفق
هذي صور من عالمي .. متقاربه متباعده
ناسٍ ثرا وناسٍ سما .. سبحان خّلاقٍ خلق
والرابح اللي لا ظمي .. يلقى العدود البارده
هذاك لا منّه ظما .. شْرِبْ بسكينه ما شرَق
كسرت ريشة مرسمي .. مثل المياه الراكده
ارم الحجر في حوض ما .. شف ناسها مثل الحلق
صور صور تملا فمي .. ذي ناقصه ذي زايده
دنيا بلا سطح وغما .. ولكل دربٍ مفترق
قـــــروب : الترمومتر
بقــــــــــلم : أمواااج
للشاعــــر: فهد المبدل
من ديوان: قُـطُـــوف
المواضيع المتشابهه
لا لا تلوم الآدمــــي !!
العرض العادي
