شبك الشركه

[الحياة مدرسة]

شبك الشركة

صراحه انا لا اعلم لماذا الشركه واضعه الشبك هذا الي جنب مصلحة المياة ,, يعني شركة واضرب واطرح وشبك ولا حاطين فوق الشبك شايك ,, يعني مع احترامي لها هذا الشايك ما ينحط الا للشبوك الغنم ،،

هل يعني الكلام هذا ان الشركة عاجزه عن بناء سور للبيوت الجديده والادهى من هذا صراحة والذي اشوفه ان الشركه خاطئه وتحتاج الى ان تراجع نفسها هو المساجد الي حاطينها على الشارع ومسكرينها بالشبك يعني يمنعون الناس من الصلاة فيه ولا حول ولا قوة الا بالله ..

[مســاعد]

اقتباس المشاركة الأصلية كتبت بواسطة الطنايا شبك الشركة صراحه انا لا اعلم لماذا الشركه واضعه الشبك هذا الي جنب مصلحة المياة ,, يعني شركة واضرب واطرح وشبك ولا حاطين فوق الشبك شايك ,, يعني مع احترامي لها هذا الشايك ما ينحط الا للشبوك الغنم ،، هل يعني الكلام هذا ان الشركة عاجزه عن بناء سور للبيوت الجديده والادهى من هذا صراحة والذي اشوفه ان الشركه خاطئه وتحتاج الى ان تراجع نفسها هو المساجد الي حاطينها على الشارع ومسكرينها بالشبك يعني يمنعون الناس من الصلاة فيه ولا حول ولا قوة الا بالله ..

ياخي مدري احسك من موضوع يا انك مهندس يا انك معماري واحد من الاثنين


ماشاء الله انت المرفوض في الشركه تصمم لهم المباني والمشاريع



.......................................



اخي الكريم


ووينك ووين الشبك الشبك تم وضعه حتى يستطيع من في داخل الشركه النظر الى الحياة الخارجيه لابناء العساكر وابناء المدنيين حتى يحس بالنعمه الي هو بها من ترفيه ووناسه والشي الثاني ان الشركه تبي توري اخوننا الطلاب الي في المراحل الاخيره من الدراسه انهم اذا جتهدو بالحصول على الواسطه فان حياتهم سوف تكون بهذه الطريقه من الترفيه


......................


عندي موضوع قريباً عن الشركه وان شاء الله ما راح اظلم احد

[حزن الأمواج]

منـعـطف آخـر""شــطـحـه"

يا نآس ,,لو سألنأ عن الأسبآب..اولأ الشـركه حرّه..تبـغى تحمي موظفيـها.."ما اقتنـعتوا"..؟؟

طيـب نجي لسبب مقـنع جدأ جدأ..

وأسألوأ اهل حي الخلـيج عنّـه..

يآنآس..فعلأ مازلنا نعاني من المخرّبين

لو الحي ماهو محوّط..كان بتدخل وتشوف بيت فلان متكسر ..وبيت فلان مسـروق..

والمسـجد..مسروقه مايركوفوناته..وهادمين مكتـبتـه..واسألـوا ..وراح تعـرفون

انا مع الشـبك..ابـسط حقـوقـهم..ماحطوا الشبك الا وهم عآرفين ان فيه نآس <==حرام فيهم كلمه نآس..

عشقها وهوايتها التخـــريــب...

ويكفي مانرآه من مهازل وتخريب بالخفجي

[سلطان هاشم]

الشبك الحالي بمقاييس

وأستاندر واحد من الهيئة العليا

للأمن الصناعي ، بوزارة الداخليّة (ومعايير عالمية للمنشئات الصناعية.

ولاهو بكيفهم يحطون

أي شبك أو جدار من مزاجهم..

هل تعلم أن مقاسات الفتحات بالشبك لها قياس

موحد .. حتى الصبة التحتيّة لها قوة ضغط معينة!!

هل تعلم أن سمك السلك محدد بالمليمتر!!

هل تعلم أن الإنارة من داخل الشبك لها ميول معيّن .. بحيث

أن رجل الأمن بالداخل يرى أكثر وضوح للمقتحم من الخارج!!

وهناك أشياء كثيرة لو ذكرتها لك يبي لي يومين أشرح..

وإلا الشركة تستطيع(<ماديا) وضع جدار أرتفاعه 100 متر

أتقاء شر (بعض) ملاقيف بزران عشيرق..

(بس مجبرا أخاك لابطل)

شكرا ونأسف للإطالة..

[الحياة مدرسة]

اشكر الجميع صراحة على الردود الرائعه ..

لكن والله يا اخوان ما قصدي اني استهزاء فيهم بس انا اقصد المنظر الحظاري وين يبوننا نتطور وهذي الشركة وكذا وانا مقدر ان في مخربين لكن اذا وجدت الحراسات اجزم مليون بالميه ان محد راح يخرب والمساجد لها هنود يحرسون المسجد ،، زين مافي مشكله دامهم ما يبون نصلي بمساجدهم يا اخي على الاقل لو مدخلينها شوي بعيد عن الشارع والله في ناس ما تعرف الخفجي يمشون يبون المسجد لما يوصلون الا يتفاجأ انه محوط يعني بالله هذا شئ صحيح ..

على العموم الله يوفق الجميع..

[طريق ابو حدرية]

كاتب الموضوع هذا صغير سن يا أخوان
معقولة هذا كلام انسان عاقل او كبير
هذا يستهبل

[حزن الأمواج]

طريـق أبو حدريّـه...بغض النظر كبير او صغيـر..

ارتقّ بردّك..

لايهمّك يا "الحيآه مدرسـه"

قل خيـرأ او أصـمت..

لاحول ولا قوّه الا بالله

[الضيغم]

::

::

أنا أشوف أن الموضوع مافيه أستهبال الأخ الكريم الحياه مدرسه بين وجهة نظره والأخ الكريم سلطان هاشم بين لنا ما عنده من معلومه الله يعطيه العافيه ..

وبالنسبه لحي الخليـــج مع الأسف الشديـــد يا اخ حزن الأمواج ما حصل قبل فتره يندى له الجبيــــن ..

قام بعض الأشخاص ( المجهولين ) بأقتحام المسجد شر أقتحام بيت من بيوت الله يفعل به هكذا ..

قاموا بتحطيمه من الداخل وكسر كل ما يلمع من زجاج زينه بالسقف ومن نوافذ ومن مرايا بدورات المياه أجلكم الله ..

وقاموا بتحطيم المكتبه وكأن لو دخل بها ثور أهوج خبل ..

وأيضا مصلى النساء لم يسلم ..

هل نقول أن فاعل هذه الفعله هم يهود قدموا من أسرائيل لأجل جامع حي الخليج ..

كلا بل هم من حي المحدود السمرمد الشرذمه القليله ..

الله يصلح أحوالهم عاجلا ..

مع أحترامي لشباب المحدود فلي أصحاب كثر ولاكن هؤلاء لا يمثلونهم ..

الشبك مطلوب وآمن بعد الله سبحانه ..

شكرا الحياه مدرسه ..

وبالتوفيق للجميـــــع ..

::

::

[مطلق الشمري]

اليوم الموضوع عن الجدار العازل

ههههههه

ياعالم خلو الشركة بكيفها ان شاءالله تحط اسلاك موصلة بالكهرباء

اتذكر قبل سنة كان فية اولاد مابغى اقول شباب ينطوون مع الشبك اللي بجنب المصلحة ويحسوون ويكسرون البيوت ويمحطون ورعان الشركة ويطلعون

طبعا عيال الشركة ماعندهم خبرة بالهواش والمشاكل زي ابناء المجتمع الخارجي

هالحين بعد الشبك اتوقع انه ارتاحوا خلاص

[الحياة مدرسة]

اشكر جميع الذين ردو باحترام ولهم مني جزيل الشكر والتقدير

وارجو ياحبا ذا لو تكون الردود باحترام لنعكس صوره طيبه عن المنتدى ...