"
"
"
ودّعت همٍّ يومه فعمري شهَر
والشهْر رحّب في همومي واحتفى
همٍّ كساني هم به ضاق الصدر
و همٍّ يهلي بالجديد اللي لفا
كان العسل يوم ٍ شفا مرضى البشر
وش في مريض الهم عمره ما شفى!؟
أضحك وانا قلبي تجرَّع بالقهر
وأبكي بدمع ٍ في وسط عيني خفى
أبرد و تجْمد عبرتي عند الجمر
واستعذِب الآهــات في برد الدفا!
ماللسهر داعي إذا غاب القمر
مير إن غفت عيني ؟ عذابي ما غفى
مصباح أحلامي تحطـّم وانكسر
وسراج أحزاني ولا مرّه طفى !
ياما عطيت الحظ من إسمي عطر"
يقطع حظوظ ٍ ما بها ريحة وفا !
لا من سكـنـِّي الهم وش باقي عمر
لا من تساوى العام مع لحظة جفا ؟
لا العمر يكفيني ولا فيني صبر
قلت أكتب الأحزان بالحبر ..وكفى
لـ : عبير آحمد .."
المواضيع المتشابهه
العرض العادي
