السلام عليكم
مساءكم الله بالخير
هذي اول مشاركه شعريه معكم بقسم (( الشعر))
وقد تكون اقل بكثيير مما يقدم هنا..ولكن تقبلوها مني كما هي..,,,
وان شاء الله تحوز على رضاكم:
صـارتـلي الـذكـرى عـذابن بـقـالي
جرحن كوى قلبي بناره من العام
لاجيت ابنسى ماكان اول وتالي
تطاردني الذكرى حتى بالاحلام
ياليتني مارحتله داله وسالي
ولاعرفت الحب ودروب الهيام
احسب الوناسه تنشرى بالريالي
فيها الفرح لحظة بلذة اوهام
وشريت انا جرحي واشغلت بالي
في سوق الهوى مابين بايع وسوام
احسبني بنساه واعيش سالي
لكن زاد الجرح والعين ماتنام
اثر الهوى طاغي ولاهو يبالي
عبد قلوب اهل الهوى عبادة اصنام
كم مرتن العن زمانن مضالي
والوم نفسي من عرض من لام
ونبون اعذر النفس رغم ماجرالي
واقول الضروره تبي تبيح الاحكام
وزود علي الجرح واشقيت حالي
واسوق الحسايف واسوق التندام
انوح كل ماحل ذكره وطرالي
نوحت حزب البعث من عقب صدام
بعد المعزه مسهم ذل الانذالي
واكبر قهر ضحوبه بعيد الاسلام
حالي مثل حالهم ياعز تالي
تعبت اداري قلبن تولع به وهام
غصبن علي احبه قلبي ومالي
اللي غيابه جرح القلب الاسقام
قلبن بعد البعد يرجي الوصالي
ويرقب لشوفه على الدرب قدام
ادور على الفرصه واقرب مجالي
لاساقني شوقي واسوق الاقدام
مشتاق انا وطالت علي الليالي
يافلان لك وحشه على مر الايام
ابصبر لو الصبر فوق احتمالي
واخفي عناي لوني معذب ومنضام
وســـلامــتــــكـــم
اخوكم/ عبدالرحمن الحربي
الـــذكـــرى...!!
العرض العادي
