--( زهور متناثرة .. من بساتين الحياة )--

[الدووووخي]

[ 13 ] ..

:

" الثالث عشر " هجري
وميلادي ..
شهر تسعه
سنة ( 2007 )

إبتدى يوم [ المواطن ]
في تمام الساعه سبعه
صح قدر يصحى ولكن
هو يحب النوم , طبعه

" الثالث عشر " هجري
وميلادي ..
شهر تسعه
سنة ( 2007 )

كان يقول إنَّه : سليم ..
ومنتشر فيه المرض !
من تَعَب والله العظيم
ما يداوم " يُفترض "
المواطن .. هذا وضعه !

" الثالث عشر " هجري
وميلادي ..
شهر تسعه
سنة ( 2007 )

كان يراجع , ذكرياته
" مركب " بليا مواني
الأمل .., فاقد حلاته
شخص ما عنده أماني !
المواطن .. وين ربعه ؟

" الثالث عشر " هجري
وميلادي ..
شهر تسعه
سنة ( 2007 )

:

[الدووووخي]

[ 14 ] ..

:

جرح .. ممكن يترك الناس ويجيني
وجرح ثاني , يمرِّني عابر وطايف

يوم صار ( القلب ) , مابينك وبيني
إنعمت عيني عليك .. وإنت شايف !

كنت ضايع فيك , ما أدريني ويني !
وكنت أصدِّق كل شي يا حُب زايف

وش بعد أقسى .., من إنِّك ما تبيني ؟
شفت موتي .. يصير قدامي وعايف !

شُوف عينك بـ الأمانه وشُوف عيني
من هو عادي ما يهمه ومن هو خايف ؟

ليه ساكت ..؟ يا مضيِّع لي سنيني
كل هذا صار من إيدك ! " حسايف "

إنت أصلاً .. لو تحس , شوي فيني
كلمة " آسف "
ما تفارق هـ الشفايف ..

:

[الدووووخي]

[ 15 ] ..

:

مدخل :

تعال لا ضقت من همِّك وأحزانك
دنياك هذي إذا شانت .. تحايلها

تعال ماهو على شاني
.. على شانك
قبلك , همومي الثقيله كنت شايلها

لا تستحي وإعتبرني أكبر أخوانك
مدام كلمة " حبيبي " , منت قايلها

:

يا ويل حالي صار لي قلب مطفوق
يا عيني من هذي الكوابيس , فوقي

إنسان من كُتلة أحاسيس مخلوق
لكنِّي مالي حظ .. ضاعت حقوقي

راسي رغم كل التَعَب مرتفع فوق
أشتاق , وأكتم داخل القلب شوقي

أختار لك , أجمل هديَّه من السوق
وإنتي هديتي من ..[ تحبيه ] ذوقي !

:

مخرج :

" الحلم " هذا حلمتـه .. ليلة البارح
شفتك عروسه ,, وسال الدمع من عينك

وقفت أسأل عن اللي .. يُعتبر جارح
مخلوق جالس معاك .. ويمسك إيدينك !

اللي صدمني بـ حلمي كنت أنا سارح
وقلتي لي :
من رحت عنِّك تضحك سنينك !

:

[الدووووخي]

:: من كلام بعض أهل العلم من السلف ::

[الدووووخي]

الحسن البصري
كثيرًا ما كان يعاتب نفسه ويوبخها فيقول :
تتكلمين بكلام الصالحين القانتين العابدين ، وتفعلين فعل الفاسقين المنافقين المرائين ، والله ما هذه صفات المخلصين .

[الدووووخي]

يوسف بن أسباط
يقول : ما حاسبت نفسي قط إلا وظهر لي أنني مراءٍ خالص.

سفيان الثوري
كان يقول: كل شئ أظهرته من عملي فلا أعده شيئاً ؛ لعجز أمثالنا عن الإخلاص إذا رآه الناس .

[الدووووخي]

الفضيل بن عياض
كان يقول : إذا كان يُسأل الصادقين عن صدقهم ، مثل إسماعيل وعيسى عليهما السلام ، فكيف بالكاذبين أمثالنا ؟!!

[الدووووخي]

أبو عبيدة معمر بن المثنى كان يقول:
من أراد أن يأكل الخبز بالعلم فلتبك عليه البواكي .

[الدووووخي]

الذهبي ـ رحمه الله ـ :
ينبغي للعالم أن يتكلم بنية وحسن قصد ، فإن أعجبه كلامه فليصمت ، وإن أعجبه الصمت فلينطق ، ولا يفتر عن محاسبة نفسه فإنها تحب الظهور والثناء .

[الدووووخي]

وقال على بن بكار البصري الزاهد ( ت 207 هـ) ـ رحمه الله تعالى
" لأن ألقى الشيطان أحب إليَّ من أن ألقى حذيفة المرعشي ، أخاف أن أتصنع له ، فأسقط من عين الله "