مدخل /
هاك كلي بعد اذنك وأعطني بعضك شوي
مدني باجزل كثيرك لوهو بعيونك قلــيل
أروني من فيض نبعك واسكبك قطره بيْدي
بشربك كلك وكلك يشفي القلب العليل..
.
.
.
.
عطني يدينك بآخذك نروي ضمانا بالأمل
..................... يمكن تطيب اجروح ما / بلل شفايفها السماح
عطني يدينك بــ / قتل العبره وباكيد الزعل
....................... وازرع على خــد المســـــا ورده يورّقها الصباح
مبطي على طيف الفرح ما مر بالي أو سأل
....................... ومعانـقة حلـمٍ رسم قلبٍ تخطــــراه الرمــــــاح
يا حلم وش خان الحزن في آخر حدود الوجل
....................... وش مغني البسمه على مرفئ تكابده الجراح
وش حدها ذيك العيون اتهل دمع ٍ من زعل
....................... وش مانع أطراف الجفن ترخي هدبها في براح
وش مجبر الراحه تمر احدود دربي في عجل
....................... وانا انتظر طاري غلاك ابحزة أهبوب الريـــــــاح
أرض المحبه اشتاقتك امطار وفياض ووصل
....................... وانفاس تدفعني على اقصى حناي بلا سلاح
واحساس طاغي داخله عالم براءه في طفل
....................... لا من نطق في مشيته حرّك شفاته ثم طاح
الوقت من دافي حنان احضان صدرك ما عدل
......................... والحظ ياخذني على طيبة مشــــاعر تستباح
وينك تعال أحنّ لك قـرّبت دونك أنهبل
....................... واروي مشـــــاريه الزمان ابنظرتك عذب القراح
دامك مـعي ما عاد باقي للـحزن فيني مـحل
....................... ركَزت فـي صـدر الحزن رمحي الين الدم ساح
الـدنيـــا حلوه بجـيـتـك يا نـفـحـة انفاس النفل
....................... أطـغـي على قلبي رضا بَـ ذوق طـعــم الارتياح
مخرج /
قد يكون الغيب حلواً انما الحاضر احلى
لكن خساره وش يفيد أعيش حاضر في غياب..
للعذب/محمد عسيري..
المواضيع المتشابهه
طاري غلاك ..
وفقكم الباري 
العرض العادي
