اتمنى القى منو يساعدني

[روزآ بيلآ]

السلام عليكم

ترددت كثير انزل الموضوع مو عارفه اي قسم مناسب له
واخترت هالقسم ان شالله تفيدوني

منتدى حلو وتو ادري عنه واحلا شي انو للخفجي

مشكلتي يالغوالي اني محتاجه لوظيفه

بس مو عارفه شلون احصل على وظيفه تناسبني او تتوفر لي

وماعندي معارف عشان ينفعوني بالي ابيه

اولا انا مطلقه وساكنه ببيت ابوي
واحس اني عاله عليه

حتى بوجود راتب الضمان الاجتماعي الي ابد مو مكفيني
والله يطول بعمر ابوي مايقصر معاي باي شي

بس المشكله قاعده افكر بأشياء كثيره وان الوالد من بعد عمر طويل مو باقي لي طول العمر اذا الله اعطانا عمر
واذا طلبت منه ابي وظيفه يقول ماانتي محتاجه اذا بغيتي شي انا موجود

والزواج ماقدر انتظر حتى يجي نصيبي هذا اذا جا

وحافز رفضوا قبولي

ابي اشتغل واعين ابوي بدال مايصرف علي

انا مو مكمله دراستي

بس عندي شهادات حاسب

ونفسي اشتغل بوظيفه بنك لانو مدري في بالي انها شغلات كمبيوتر ادخل بيانات وكذا وتوقع راح تناسبني


ياريت القى الي يوجهني ويساعدني بالحصول على وظيفه مناسبه

والله يجزاكم خير

بانتظاركم

[عبدالعزيز الحاوي]

اسئل الله العلي القدير لكي بالتوفيق
اختي الفاضلة ربنا يخلي ليكي الوالد وتعيشين بظلة بعزك وكرامتك دائما
اختي لاتحسين أنك ثقيلة علي أبوكي ابدا مستحيل أنه يوما من الأيام يفكر بهالتفكير
وربنا يرزقك بابن الحلال والذرية الصالحة
اختي اي عمل اقبلي فية ولا تختارين شئ معين
انسخي ملفك وجهزية وقدمي علي اي مكان يناسبك وتشوفين انه مافية اختلاط
اختي ترا التدريس الخاص الابتدائي تراه له دخل كويس اذا قدرتي تحطين ليكي غرفة بالبيت تستقبلي فيها كم طالبة
وتسلين نفسك وتكسبي شي وانتي معززه بمنزل ابوكي العامر
ترا فية شغلات كثيرة جدا يقدر الانسان يسويها مثل انه يكمل تعليمة لو بالانتساب
واستعيني بالله ثم بقرايبك وتلقين خير كثير
واهل المنتدي انشالله مايقصرون وبالتوفيق يارب

[عبدالمنعم]

الله يكون بعونك بالخفجي حتى الشباب ماعندهم وظايف
لو شركة ارامكو تفتح قسم نسائي زي المناطق الثانيه كان انحلت مشكلة البطاله النسائيه بالخفجي
اقترح عليك تقدمين على المستوصفات الاهليه زي مملكة الطب والمناروالأراك بما أن عندك شهادات حاسب يحتاجونك كثير


والله يوفقك ويطول بعمر الوالد

[عذب خافقي ذكراك]

اقتباس المشاركة الأصلية كتبت بواسطة روزآ بيلآ السلام عليكم ترددت كثير انزل الموضوع مو عارفه اي قسم مناسب له واخترت هالقسم ان شالله تفيدوني منتدى حلو وتو ادري عنه واحلا شي انو للخفجي مشكلتي يالغوالي اني محتاجه لوظيفه بس مو عارفه شلون احصل على وظيفه تناسبني او تتوفر لي وماعندي معارف عشان ينفعوني بالي ابيه اولا انا مطلقه وساكنه ببيت ابوي واحس اني عاله عليه حتى بوجود راتب الضمان الاجتماعي الي ابد مو مكفيني والله يطول بعمر ابوي مايقصر معاي باي شي بس المشكله قاعده افكر بأشياء كثيره وان الوالد من بعد عمر طويل مو باقي لي طول العمر اذا الله اعطانا عمر واذا طلبت منه ابي وظيفه يقول ماانتي محتاجه اذا بغيتي شي انا موجود والزواج ماقدر انتظر حتى يجي نصيبي هذا اذا جا وحافز رفضوا قبولي ابي اشتغل واعين ابوي بدال مايصرف علي انا مو مكمله دراستي بس عندي شهادات حاسب ونفسي اشتغل بوظيفه بنك لانو مدري في بالي انها شغلات كمبيوتر ادخل بيانات وكذا وتوقع راح تناسبني ياريت القى الي يوجهني ويساعدني بالحصول على وظيفه مناسبه والله يجزاكم خير بانتظاركم

هلابك اختي روحي لمعهد الموارد البشريه قدام المتوسطه السادسه طالبين معلمات حاسب وانقلشش وتجميل وبالتوفيق لك ودعووووووووووووووووووواتك لي

[روح البداوه]

قدمي ع الكليه طالبين معيدات
شوفي الروضات والمدارس الخاصه
او قدمي ع الكويت

والله يرزقك ويرزق الجميع

[أبتلشنـA]

إختي روزآ ... فيـه وظـائف نســــــــائيه . ولكن ليس في بنوك على حسب طلبك

ولكن لايشملها الاختلاط ..


إذآ تبين تعرفين التفاصيل اتمنى تكلمين آحد آلآداريين ... يآخذ مني آلتفـآصيل ويوصلهآ لك ..

وآلله يوفقك وآشجع نفسك آلطموحه وروحك آلبـآره بوآلدك ..

ويجعل منك ملآيين .

[جوري نجران]

اختي الموارد البشرية طالبين موظفات حاسب الي ووتدريس وتجميل...روحي لاتترددين ...الله يوفقك ....

[العطيعط]

ااهلين سيدتى فيه وظائف عند المستشفى التخصصى باصناعيه وتحياتى لكى

[توم وامونة]

وعليكم السلام والرحمة : شوفي عزيزتي موظفة الحاسب أو مدخلة بيانات ماهي رسمية صحيح ولكن لابأس بهاو 1200حليوة

وأناشخصياً أعرف مدرستين محتاجين ع الفصل الدراسي الثاني إن شاءالله

بس إذا انتي :- جادة ، تحبين العمل ، كتوم للسر ،محافظة ع أوقات

الدوام ....أما العمل راح تتقنينة الممارسة والإستفادة من زميلات المهنة

نسيت أقول لتس إذا مديرة المدرسة رأت فيك ماسبق راح هي اللي تتمسك

فيك وتزيدك فالراتب ،،،الله يوفقني وإياك وخواتنا جميييييع يارب

[روزآ بيلآ]

اقتباس المشاركة الأصلية كتبت بواسطة ساري الليل اسئل الله العلي القدير لكي بالتوفيق اختي الفاضلة ربنا يخلي ليكي الوالد وتعيشين بظلة بعزك وكرامتك دائما اختي لاتحسين أنك ثقيلة علي أبوكي ابدا مستحيل أنه يوما من الأيام يفكر بهالتفكير وربنا يرزقك بابن الحلال والذرية الصالحة اختي اي عمل اقبلي فية ولا تختارين شئ معين انسخي ملفك وجهزية وقدمي علي اي مكان يناسبك وتشوفين انه مافية اختلاط اختي ترا التدريس الخاص الابتدائي تراه له دخل كويس اذا قدرتي تحطين ليكي غرفة بالبيت تستقبلي فيها كم طالبة وتسلين نفسك وتكسبي شي وانتي معززه بمنزل ابوكي العامر ترا فية شغلات كثيرة جدا يقدر الانسان يسويها مثل انه يكمل تعليمة لو بالانتساب واستعيني بالله ثم بقرايبك وتلقين خير كثير واهل المنتدي انشالله مايقصرون وبالتوفيق يارب

شاكره لك على وجودك وردك الجميل
بس مشكلتي أنا مو راعية تدريس عارفة نفسي وامكانياتي

الله يجزاك خير ودمت بود