[align=center]
مصآفحَه أولى أتمنى أن تنال إعجابكم
جفت غصون الشوق وبين حناها
واوراق صبري يابسه مارويته
(ياساقي الضامي غصوني ضماها
من عامي الي فات) ليه ماسقيته
هو مني خطا يوم أعشق لقاها
أو المصيبه ماهواني" ( وبغيته) ..!!
حب من طرف واحد وسبب شقاها
وانا احسب اني غايته يوم جيته
سنتين اسولف للقمر عن غلاها
سنتين اصبر مدمعي لاطريته
سنتين اوصف للزهر عن شذاها
واغيض بأسمه كل زهره خذيته
اسهر واسولف للفجر عن حلاها
اسهر واشيد حلمي الي بنيته
واليوم ياساقي غصوني (تراها)
بتموت بين ايدين منهو هويته
وحلمي الي منبني من وراها
محدٍ بيسكن داخله ؟ ( هذا بيته )
ياساقي الضامي وصيه تراها
تروي غصون الي بمكاني لقيته
قله يحاول يجتهد في رضاها
وصه وصيه طالبك لاسقيته
وقله ترى زود الشرف هو نباها
ماطمعن في قربها كود صيته
الحب قصه من سلم من شقاها !!
وأكبر دليل الهم شفني شكيته
قصة محبه والعزى لمن رواها
عظم الله اجري في منهو بغيته
.
.
.
أحمد فنيخ الأسلمي
[/align]
المواضيع المتشابهه
العرض الشجري