ياحظ ذاك الطريق اللي تمرينـه..!!
لاصرتـي مداومـه يـم العديليّـه
يفز صبـح الكويـت لكـل غافينـه
ويفرح فنا الجامعه .. بااحلا صباحيّه
متشفقينـك كثـر ماالملـح تحوينـه
كثر الحلا فيك.. واكثر يمكن شويّـه
كثر التفنـن بلبسـك فـي تلاوينـه
وكثر الهدب لاطعن طعنات عفويّـه
ياعمري الحاضر.. ومافات بسنينـه
واللي بقى منه.. فـي باقـي تواليّـه
ياأعذب الحب .. ياأجمـل عناوينـه
ياموج الاشواق .. والعشق وموانيّـه
يالعنبو الشعر اذا ماانتـي دواوينـه
وش فايده كان ماأهديتك قوافيّه ..!!
إي والله إن المطر يهل في حينه..!ّّّ!
لامن لمحتي غيومه.. جـاك باديّـه
وإي والله إن القمر شافك تخزينه..!!
ثم إستحى من جبينك وإختفى ضيّـه
وإي والله إن الدلـع فـن ٍ تعزفينـه
غطى على ( بيوتهوفن ) في غناويّه
وأي والله إنك بقلبي فـي شرايينـه
وإي والله أنك ملكتـي كـل مافيّـه
أحب .. وأعشق .. وأود اللي تودينه
وأفز لامـن طريتـي فـزة ٍ حيّـه
فزة صباح الكويـت لكـل غافينـه
لارحتي مداومـه يـم العديليّـه..!!
ضحوى الاسلمى
العرض العادي
