رسالة عتاااب لبعض الاصحاب
[poem=font=",7,,normal,normal" bkcolor="transparent" bkimage="http://www.alraidiah.com/vb/mwaextraedit2/backgrounds/11.gif" border="double,4," type=2 line=0 align=center use=ex num="0,black""]
ياهاتفي وصل سلامـي لشخصيـن=اعز واغلى اثنيـن قلبـي عرفهـم
انشد وتلقاهم بدار السلاطيـن=باقصى شمال المملكه اليـوم شفهـم
الليث ابوخالد سعوط المجانيـن=وسالم وريث المجـد نعـم بخلفهـم
ربعن على كسب المراجل حريصيـن=ياسعد عين اللي يعيـش بكنفهـم
ياهاتفي باالحـال لاتقـول بعديـن=عطني الخبر وش قصدهم وش هدفهم
ابي اعرف اسبـاب صـد المحبيـن=محتارمـدري عننـا وش صرفهـم
اشوفهـم ماهـم معانـا وفيـيـن=لاخط لامرسال جاء مـن طرفهـم
وانابلاي القلب يقـول لـي ويـن=اصحابك الوافين منهـو خطفهـم
واقولـه ياقلـب يجـوز لاهـيـن=واكيد فيه ظروف عنا تحرفهـم
ومهما حصل يبقون عندي عزيريـن=لاكن تعبت القلب وشلـون يفهـم
انا وقعـت اليـوم مابيـن ناريـن=نار الفراق ونـار قلبـن عرفهـم [/poem]
فرحاان الفدعاني
وجاء هذا الرد الوااافي للشاعر سالم السويلمي
[poem=font=",7,,normal,normal" bkcolor="transparent" bkimage="http://www.alraidiah.com/vb/mwaextraedit2/backgrounds/13.gif" border="double,4," type=2 line=0 align=center use=ex num="0,black""]
يـاحـبـنـيـلــه (n95)=دامه يجيب الخط لي من طرفهـم
ناس ٍ لهم بيـن المحانـي مياديـن=حتى حكيم المرجله لي وصفهـم
منهم ابو فايز عـذاب المعاديـن=اليا اينعت روس العداه ايعسفهم
ربعه اليا دارت رحاها على الدين=فدعان بالوقفات كلـن عرفهـم
ناسن على العز وسما العز ضارين=يوم المواشـي لاهييـن بعلفهـم
لافعالهم عجزت تعد الدواويـن=بالطيب والنوماس دايم شغفهـم
قدرك يابو فايز على الراس والعين=وحقك علينا واجب ٍ ياخلفهـم
تنشد عن اللي حيرته المضاميـن=تهافتت فيه الاسـس ماعرفهـم
في غربته فارق جمـوع المحبيـن=حتى بنومـه مابحلمـه صدفهـم
صحه غلط وايساره ايشوفه ايمين=اذنوبه وماهـو بمـن يقترفهـم
نظامي ومير الغلـط بالقوانيـن=ومخالفاته في ضميـره رصفهـم
صاحي يشوف الكون كله مجانين=متشتت وهمّـه يلملـم شعثهـم
من لاهبٍ مخلف علي الموازيـن=ايميّل العدل وعـدل منعطفهـم
لاشاكيٍ جاه ٍ ولا شاكي ٍ ديـن=وشرواك يافرحان واعي ويفهـم
الحب يافرحان . ملعون الآبيـن=مشاعري بيـن المحانـي غرفهـم
(والحب يرتع في قلوب البعارين=حتى الحمير السود يلعن جدفهم)
وانا بشر مقوى على ميسم البين=وسود الليالي كيف انا بلتحفهـم
ماهي بذي . المشكله بالمساكيـن=اللي مع الوقت العبوس اكتشفهم
اللي حوالينـي تغـز النياشيـن=ياويلهم من مدفعـي لاندفهـم
مكثور خيرك ياطواش الوراعيـن=دوم ايتقفون الحصـاة بأسفهـم
يستعرضون بنفث سم الثعابيـن=ودابي لهم ديبانهـم وارتشفهـم
هذا بلاي وعلتي مـن هكالحيـن=مشاكلن ربـي عليّـه حدفهـم
لاماتنسّينـي لناسـن عزيزيـن=وحقك علينا واجب ٍ ياخلفهـم [/poem]
الشااعر ساالم السويلمي
المواضيع المتشابهه
العرض العادي
