مستشفى الخفجي العام

[الدكتور231]

اشكر جميع الاخوان اللي ردو في موضوع مستشفى الخفجي وكنت اتمنى ان يتم نقاشة من جميع اعضاء المنتدى كلى امل بان يصل هذا الصوت الى محافظ الخفجي



اخوكم / الدكتور 231

[الشنش]

مرااحب
تدرون شنو احلى في مستشفى الخفجي العام انه جنب مخطط ارامكو ههههههههههههههههه

..... تحياتي للجميع...

[ابو عبدالعزيز]

السلام عليكم ورحمة الله وبركاته

اخوي الدكتور بالنسبه للموضوع الرائع والجميل والفائق بقمة الجمال
انا اقولك انت دكتور قرأة مواضيعك وانا اتمعن خاصة بموضوعك هذا
المستشفى سيء للغاية والموظفين لايهتمون الا بالترقيم والله العظيم
انا كنت ناسي البلوتوث مال الجوال مفتوح وبرهه من الزمن وانا انتظر الدكتور يطلب مني الدخول
الا وانا اسمع الموظفات يقولن لقد وجدنا جوال N70 شغال الا والجوال يرن اخرجته من جيبي لارد الا وانا انتظر قبول ملف وعليه اسم الجوال الاااااااااااااخر؟؟؟ اميرة(رقم الجوال) العود
والعاياذ بالله وهن يتبادلن الضحك قائلات سيستقبل والله العظيم وانا انفجر من القهر هل لايوجد رقابة على الموظفين لماذا لايوجد رقابة صدق الدكتور بقولة ((( وبعد انتظار دام مايقارب خمسة عشر عاما على اكمالة ))) بنتظرون اهالي الخفجي متى يفتح المستشفى حتى يلاقو العلاج فية فجأة ؟؟؟؟؟
والمستشفى بأبشع مانرى اهمال عدم تنظيم موظفون مشغولين بالترقيم؟؟؟
لاحول ولاقوة الا بالله انقلب الستشفى من علاج للجرحى والمرضى الى ؟؟؟؟ والله اني استحي ان اقول ؟؟؟ لاحول ولاقوة الا بالله ؟؟؟ الى ساحة ترقيم ومبادلة الغزل بين الموظفين والموظفات والناس اجمع؟؟؟؟
ارجو من اخواني ان ينتبهوا من هذا المستشفى الغير لائق دينيا ودوائيا؟؟؟
انصحكم ؟؟؟؟(مستشفى العمليات المشتركة) هو الافضل من الناحية الطبيه والعناية بالمرضى
وانا ااكد على المستشفى الواقع بشركة الزيت وبذات الدكتور منير جراح بالمستشفى دكتور ماشاء الله عليه ممتاز والله يوفق الجميع اخوي الدكتور موضوعك هذا؟؟؟؟ لفت الانظار من روعته وانا اقولك
الا الامام يادكتور هذا الموضوع ولابلاش وانت بهذه الصورة وجهت الأخوان واهالي الخفجي من ناحية المستشفى العاهر وجزاك الله خير
والسلام ختام

[العطر]

لا حول ولا قوة الا بالله

شي غير مقبول لكل من لة غيره على دينه ووطنه

مافيها شي لما النسااء تعمل بالمستشفى

بس يكون العمل في قسم خااص بالنسااء بالمستشفى لا يدخله الرجاال

لكن اللي شفته شي خطير

انا اعرف واحد باااي مكاان اشوف لبسه عادي جدا بالاحواال بالمرور بالجوازااااات

لكن بقدرت قاادر بالمستشفى يتغير 180 درجه

والله يعدل الامور انشااء الله

دعواااتكم

[nori]

انا تعاملت مع المدير الطبي دكتور مصري

بالامانه انه انسان رائع ويسهل اجراءات المرضى الى ابعد الحدووووود

على عكس الاخوه ابناء وبنات البلد
تصوروا تم تحويلي من وحدة غرب الخفجي ورحت للمستشفى المذكور
حتى ادخل على الدكتور وعند الاستقبال استقبلتني الفاتنه(,_____,)
وهي من بنات البلد وطلبت مني الاوراق قدمتها قالت اي اثبات عطيتها
بطاقة العمل يوجد بها الاسم والعنوان والرقم المدني والتلفون وقالت
عطني البطاقه المدنيه
طيب مو موجوده
لا لازم البطاقه
طيب البطاقه بالبيت وهذي بطاقه فيها نفس المعلومات يااموره
والساعه الحين 3 العصر لو رحت البيت ورديت راح يسكر المشفى
وانا محتاج اقابل الدكتور!لان بكره خميس وبعده جمعه وصعب انتظر

لا ياعيوني ماقدر روح المدير الطبي وقله عذرك!!(هي ماقالت ياعيوني بس انا ادلع نفسي)ههههه
قلت في نفسي اخ منكم هذي نهايه 15 سنه انتظار!!!

رحت المدير الطبي الدكتور المصري ماقصر على طول تفهم الامر
واخذ اوراقي وعالجني والله الشافي

بس بنفس الوقت صراحه رجال كبير بالسن عند دكتور الخشم والاذان والبلاعيم ههههههههه
(انف اذن حنجره) تاخر مانادوا على اسمه وجاء للبنوته يطالب بملفه وقال لها انتي ماوديتي
ملفي لاني رحت سالت الممرضه وقالت ملفك ماجانا من الاستقبال للان!
وجا المجني عليه يستحث الموظفه لارسال ملفه للدكتور وهو يقول لي ساعه واقف انتظر
وانتي مارسلتي ملفي للحين ؟
قالت ايش تقول انت ؟تعال معاي؟ واطلعت من الاستقبال وراحت لعيادة الدكتور
والمجني عليه يمشي وراها بخطى متثاقله!!شكله يقول يارب نصرك! انا وش لقفني ووهقت نفسي
مع هالبودي قارده؟
المهم وصولوا للعياده القريبه جدا من الاستقبال ولكن الوقت مر طويلا جدا على المجني عليه!!
وصلوا للعياده!
من سوء حظ المجني عليه انها لقت الملف بعيادة الدكتور والممرضه كانت غلطانه يوم قالت له
ملفك ماجاء من الاستقبال!!
المهم قالت له(عيني بعينك اذا تقدر تقول شئ) ههههههههههه مزحه هذي!!
المهم وهي تشرشحه شرشحه المسكين طاب وبرا قبل لايدخل على الدكتور!!
هو دخل على طبيب الانف والاذن قال للدكتور بطني يعورني ههههه

واكل تهزيئه منها (والله قويه) وكانت زميلتها تقولها شفيج عليه ؟ وهي ترد بصوت عالي
وبتقليد للهجة اهل لكويت (خليه يولي شنو يقدر يسوي)
وفي هذه الاثناء نادوا على اسمي وهربت الى نعيم الدكتور المصري المحترم
ولا جحيم بنت البلد المهذبه التي تجيد التعامل مع جميع الفئات والاعمار

بس اللوم اولا واخرا على مديرالمشفى اللي همه فقط لاتدخل الشاي والقهوه!!
طيب تصدقون لو حب الزائر يدخل معاه قطعة مخدرات لاسمح الله لكان عادي
يحطها بجيبه ويدخل اهم شي لاتحط قطعة المخدرات في ترمس الشاي او القهوه!!!(يصيدونك)
ههههههههههههه لاتصدقون تسوووونها ترى هذي مزحه لان المخدرات حرام!!وممنوعه!!
ولله في خلقه شؤؤؤؤؤؤؤن

بس للامانه انا مالاحظت الكلام اللي تتكلمون عليه غزل وخلافه ابدا
وكان التعامل اللي اشوفه وانا موجود عادي وطبيعي



المهم والعجيب والغريب

ليش مانحذف الموضوع حتى هذه اللحظه