أحداث شغب اليوم الوطني في الخبر رابع العيد‏

[الكـــاتمM]

اللهـ يعطيكـ العافيهـــ

[همسات ورده]

الله يديم على هالبلد الامان والاستقرار

[سليط]

اقتباس المشاركة الأصلية كتبت بواسطة ×|| حلمـ الطفوله ||× [align=center] ألف شكر للجميع ع المرور === أخوي سليط موضوعنا بعيد كل البعد عن حكمـ الاحتفال باليوم الوطني وهل هو حلال ولا حرامـ موضوعنا يتكلمـ عن حدث صار وهل هو تصرف حضاري أو لا يعني هاللي تكسر مهي أموال ناس ؟ هالهجوم اللي صار صح بنظركـ ؟؟ السرقات والتخريب كله برأيكـ فرحه ؟ إذا كانت أجوبة الأسئلة عندكـ ( نعمـ ) فـ على الدنيا السلامـ كلامنا لاراح يقدمـ ولا راح يأخر بشي أبد وعقولنا بتبقى مقفله ماراح ترتقي أبد تحيه عطرهـ للجميع . . [/align]

اسال الله ان يجعلنا مفاتيح للخير مغاليق للشر ,,,

العلماء المسلمين حذروا قبل فتره من الوقوع في ازمه اقتصاديه .. اذا استمر وضع البنوك الربويه ... وصار المتوقع ...

وما اشبه اليوم بالبارحه ...
حذروا من الاحتفال بهذا اليوم وانه تشبه بالكفار ولا يجوز ولكن بعض المسئولين مرضى القلوب .. ولديهم فساد في المنهج .. اصر ولم يكن نصاح لولي الامر حفظه الله .. على ان تتم هذه الاحتفالات ....

وهذا بعض اسباب مخالفة امر الله عز وجل

قال تعالى :
فليحذر الذين يخالفون عن امره ان تصيبهم فتنه او يصيبهم عذاب اليم

ولكن بعض الناس لا يتعض حتى يبتليه الله ... يعني اقرب لك الفهم لان بعض الناس فهمهم قاصر ويحتاج لبعد نظر .. وعقولهم مقفله

المرابي (اكل الربا) لا يتوب عنه الا بعد الخساره
المدخن (صاحب التدخين) لا يتوب عنه الا اذا اصيب بالسرطان

وهنا لا يتركون الاحتفال الا اذا رأو مظاهره السلبيه ...


الظاهر ان الفكره وصلت ... واذا تبين مزيد من التوضيح ... مستعد لذلك ..

[راعي الشعلاا]

اقتباس المشاركة الأصلية كتبت بواسطة ×|| حلمـ الطفوله ||× السلامـ عليكمـ ورحمة الله وبركاته كل عامـ والجميع بخير إن شاء الله موضوعي هو عن عمليات التخريب اللي حصلت في مدينة الخبر رابع أيامـ العيد وبالتحديد في اليومـ الوطني وتحديداً في الواجهة البحرية بالخبر اللي صار شي مو معقول من جد مدري كيف بنرتقي إذا فيه ناس إلى الآن تفكر بهالعقليات لو كان الاحتفال باليوم الوطني والوطن بهالطريقه خلاص ماعاد نبغى نحتفل اذا كان الاحتفال بيعمل خساير ويدمر ناس وبيأذي اوادمـ ماعاد نبغى احتفالات مجموعه من الشباب من حبهمـ لوطنهمـ احتفلوا فيه بطريقه جدا غريبه اللي صار ياجماعه إن واجهات المحلات هناكـ والمطاعمـ كلها تمـ تكسيرها وأذكر منها على سبيل المثال التميمي , باسكن روبنز , البشاوري , قزاز , هارديز , تشيليز , بيتزا هت , ستار بكس , فرايديز ............ الخ همجيه وتخلف الله المستعان بس وفيه غير هالمقطع مقاطع كثير على اليوتيوب بجد حاجه تقهر وماكتبت هالموضوع إلا لأني مرهـ متنرفزه قبل فترهـ نتفرج على برنامج خواطر لأحمد الشقيري وكان يقارن بيننا وبين اليابان وكنا نقول بأنفسنا ليه مانتطور ليه مانصير زيهمـ إن شاء الله نغير حياتنا .. ونغير بأنفسنا علشان نقدر نحاكي هالتطور وأنا متأكدهـ إن هـ الفكرهـ دارت بعقول ناس كثير مو بس أنا واليومـ احنا نسوي العكس تماما لـ / المعلوميه : اللي أعرفه إن الشارع الآن كله مقفل بسبب اللي صار أمس حسبي الله ونعمـ الوكيل فيهمـ . .

اولا : احب اني اقول لكم ان مثل هاذه التصرفات لاتدل على عدم تربيه الاهل دليل على انهم مراهقين تقول اختنا فاعله خير انهم ليسو متربين وانا اخلفك الراي بدليل يخرج من ظهر العالم فاسد ومن ظهر الفاسد عالم يعني ان التربيه مهو دليل على تصرفهم هذا يدل على انهم مراااهقين


ثانيا : بعض اسماء المحلات ترجع لملكيه يهوديه بحته يعني زين ما سوو فيهم وانا مع احترام الاديان ولكن المتاجره باسم شركات يهوديه مرفوض بالعكس اقول بيض الله وجهيكم يا مراهقين


ثالثا : تعقيبا على كلام اخووي حلم الطفوله عن برنامج خواطر لاحمد الشقيري عفوا مسرحيه احمد الشقيري الرمضانيه انا كنت متابع للمسرحيه مادور الفايده لا بالعكس لارى انك ما ينقله ليس من اليابان الذي ينقله من السعوديه ان كان مفبرك اولا وفعلا رايت ان ما ينقله عن السعوديه مفبرك
ومعد له مسبقا خصوصا حلقه الله يكرمكم الاحذيه الذي كان يتكلم فيها عن منظر الاحذيه
في المساجد اجل يصارخ ويرفع صوته على اب كبير في السن انا اقتنعت انه المدعو احمد الشقيري قليل ادب وتربيه رجل كبر ابوه ويرفع صوته عليه ياخي انظر الى وقار الشيب في لحيته


واخيرا : تدري ماهو سبب تطور اليابان طبعا السبب سياسي بحت لانه بعد القاء القنبلتين النوويه
اصبحت اليابان دوله ضعيفه عسكريا وكانت عليها قيود امنيه واتجهت الى الصناعه وتطورت
تقبلو مروري

[سمو كبريآء *]

ت خ ل ف


هذي نتائج تقليد الغرب عيد وطني وعيد الام وعيد شجرة وعيد نخلة !!
ماكنا نعاني من هالمشكلة قبل 5 سنوات مثلا ..!
والله ان حقهم يرمونهم في صحراء الدهنا يصيدون ضبان هذولا ماهم كفو وطن !!


ونفس الشي كان العام الماضي .. وبيكون كل سنة ....
وواصلي يا بلادي تخلّف شبابك !!

إذا كذا يحبون وطنهم لايحبونه أبد الله يعافيهم بهالشكل !! .. هذي بعض الصور









واحس ان موضوع اليابان والشقيري ماله اي علاقة هنا ولا !!


...

[سعودي1]

المفروض يمنع الاحتفال بهذا اليوم

اسوء يوم في حياتي مو بالسعودية بفلسطين وربي اطلاق نار ظ؟؟ اعوذ بالله

[سعودي1]

^
والله تخلف فعلا

اي شقيري والله مااحد درى عنه شعب متخلف فعلا

انظف ارض واوسخ شعب

جيل تعبان للاسف

ان لله وانا اليه راجعون

هاذي ثقافات الغرب والانفتاح !!

والان هالجامعه اللي ماتسوا

ناس ,, خيرنا لغيرنا !!

[راعي الشعلاا]

اقتباس المشاركة الأصلية كتبت بواسطة سعودي1 ^ والله تخلف فعلا اي شقيري والله مااحد درى عنه شعب متخلف فعلا انظف ارض واوسخ شعب جيل تعبان للاسف ان لله وانا اليه راجعون هاذي ثقافات الغرب والانفتاح !! والان هالجامعه اللي ماتسوا ناس ,, خيرنا لغيرنا !!

السلام عليكم ورحمه الله وبركاته
انا ارى ان الاخ سعودي 1 اشك انه قادم من كوكب اخر ماحترم نفسه كون النك نيم الذي يحمله يحمل اسم السعوديه ويصف شعب السعوديه بانه اوسخ شعب .

انت ياخ سعودي حكمت على الجامعه انها ما تسوى ممكن تفيدنا من اين استنتج عدم نجاحها اذا انك تعلم عن عدم نجاحها فانني سوف اكون على يقين انك من كوكب اخر
لماذا لانقر ان مثل هالتصرفات لاتخرج الا من اناس مراهقين كاننا لم نعش سن المراهقه لازم تكونون عون للشباب المراهق لاننا ان لم نكون عون لهم فسوف يكونون فراعنه هالزمن
تقبلوووووووووو مروررررررررري
ودمتم بووووود

[×|| حلمـ الطفوله ||×]

ألـف شكـر لـ الجميع على التعليق والمرور

لازلت أقول إن هذا التصرف مهو حضاري أبد أبد

وأننا كل البعد عن الحلال والحرام في هذا الموضوع

وبعدين من ضمن المحلات اللي تمـ تكسيرها محلات سعوديه 100%

يعني الهدف من التكسير كان تخريب فقط وسرقه

مو الهدف يالله تعالوا نكسر المحلات اليهوديه ومن هالكلام

وبعدين للمعلوميه تم تكسير المحلات والناس داخلها

وفيه صور لمحلات فيها حريم ياكلون

وش يكون موقفك لو أهلك داخل ؟؟

وش يكون موقفك لو هالمحل اصلا لك

مو بتنقهر ؟

يعني اصحاب المحلات تعبانين بالديكورات والتأثيث يجي واحد اقل مايقال عنه انه مو متربي ويكسرها كذا بالساهل ويروح

ليه حلال ابوه هو ؟؟

هذي مو أموال ناس

ربي مايرضاها

ثانياً / بالنسبه لأحمد شقيري

ماجاب الا واقع

ومشكله والله اذا احنا مانعترف بهالشي

واذا 1 ولا 2 بالميه ماعجبه كلامه فأننا ابصم ان ع الأقل 95% انبسط ع البرنامج ويتمنى اننا نوصل لمستوى الثقافه والتفكير اللي هم وصلوا له

وبعدين انا ماكتبت الموضوع هذا علشان اسب بلدي ولا اجلس اتكلم بطريقه سيئه عنه

انا كل اللي في الموضوع ضايقني هالتصرف الهمجي اللي صار

احنا نبغى نرتقي في بلادنا

نرتقي بسلوكياتنا

وناس للأسف تجي تهدم كل اللي بنيناه

طيب ليه ؟؟

يعني هل من المفروض اننا ننبسط باللي صار ؟؟

مو هذي بلدنا ؟

مو المفروض اننا نفرح لما يسوون فيها حاجات حلوه

بجد مستغربه من بعض ردود الأفعال

ع العموم

انا اللي في بالي كتبته كله وارجع وأقول انا لما كتبت الموضوع كنت متضايقه من هالتصرف عموما سواء كان هالشي صار باليوم الوطني ولا يوم ثاني

تحيه عطرهـ

[سليط]

[motr]حصـــــل خيــــــــــــر [/motr]