|~ ديوان الشاعر احمد الصانع|~متجدد

[الدووووخي]

مــدخــل{

من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !

شــاعر آعشـق كــلمــاته

فــا أحببت ان تشــاركــوني

تذوقــها




...مــوَّت غيـــاابك ســـوالف !...




تدري وش سوَّى غيابك ؟!
مـوَّت غيابك سوالف ..!


ما يخوِّفني زماني
بس من فرقاك خايف ..!


فجأه أصحـى ومـا أشوفك ..
لا تهددني ... ظروفك


إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!


تسمح بكلمه ؟! بغيتك
قبل لا تبدي غيابك ..!



/

/
.
.

تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!


/

/
.
.
تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!



/

/
.
.
تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت

/

/
.
.

مــخرج }
ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!

[الدووووخي]

••






ما أبي من زود حُبي .../ أربكك !
_______ لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
_______ أدري إنِّك واقع / وتطري البيوت ..

يا عيون الريم وشلون أشبكك ؟!
_______ من يشوفك قال : ما شا الله توت ..!



••

[الدووووخي]

موَّت غيابك سوالفـ في [ حشاي ] !
كيف ترضى غيبتك تقسى علي ؟!

ماني متخيِّل أشوفك مو معاي !
ياللي تسوى في عيوني " كل شي " !

الشتا , فرقى عيونك يا دفاي !
ما يموت الحُب ونبض القلب حي !


••

[الدووووخي]

قلتي ..
" أحبك "
من بعيد و ....... ضعت
شوفي عاد , لو من قريب ؟
ما تغيب أحلام قلبي في وجودك
لك أسلِّم نفسي , أربطني بقيودك
جابك الله ..؟
مدري لي جابك نصيب !


••

[الدووووخي]

إختلفنا
وماعرفنا شنهو الراي السديد ..
يا تضحِّي في عنادك ..!
أو أضحِّي في سبيلك !

ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !

[الدووووخي]

••








[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك


••

[الدووووخي]

••





فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]


••

[الدووووخي]

••





قالوا ( بلادك ) قلت قلبه : بلادي
يعني أحبه ومن دواعي سروري

قالوا الركاده قلت مجنون : غادي
عقلي يحبه , ورايكم مو ضروري

قالو تبيه ..؟ وقلت حتَّى : فؤادي
طاريه دهن العود .. وطيفه بخوري

آنا بـ وادي وهـ الخلايق بـ وادي
أغيب عن هـ الناس أخفي حضوري

••

[الدووووخي]

••





لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] , ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

إذا لِك يُوم مِتضايـق ..؟ أنـا الضِيقـات أيامـي
وإذا لِك يُوم تذكِرنـي ..؟ أنـا النسيـان زعَّلتـه



••

[الدووووخي]

••






أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!


••