أنآ هنآ بشآش البلوشي ...’

[بشاش]

[بشاش]

ـــــــــ

ماهي على كيف
العطش، والسحابه
اما سكنتي [الحب]،
والا تركتيـِه !!

تعبت من خوّة
( جنون الكتابه )
كل ماغفا حرفي تصحيه
[ يا هييـِه ] ..!

وادوّر لجاامـه
وانـوّخ ركااابه
واسافر فـ [ حلمي ]
من وجيه لوجيـِه ..

يالصاحب اللي ما سأل
( في غيابه )
تبحر مراكب حسرتي
في شواطيـِه ..

لي خافق(ن)
شتت أنين الربااابه
ياخي برحيلك،
خافقي وين اوديـِه!؟

ــــ

[بشاش]

جيتك , وأنا في داخلي زحمة كلام
ألف أبو مليون .. قصه , وسالفه !

شي حزن, وشي بوح, وشي ملام
وأكثره (( آهات روح ٍ )) .. تالفه

قلت أسولف لك عساي أقدر أنام
وأستريح .. من العنا .. وموالفه !

طارت أسراب الحكي بإسم السلام
تحلم بـ (غصن السماع) .. تحالفه

ماتحقق حلمها ,,, ومات الـحمام
والبقيه ,, بـ رأس (باقي السالفه)!

ــــ

[بشاش]

ذااابت ضلوعي .. من كثر ماانتظرتك ..
كن انتظآرك نار .. وضلوعي الشمع ..!!

ــــ

[بشاش]

أخاف ان قلت لك:
والله، ورب الكون
أنا أحبّك

تشحّ بـ جيّتك يمّي
و "تتبغدد" /
وتجفاني !!

[بشاش]

صباح الخير / بس اللي يجي منك !!
صباح النور لامن جا بـ ضحكاتك

صباح الورده اللي نامت ب حضنك
صباح السكر اللي فاق بـ شفاتك

ــــ

[بشاش]

لي شعورٍ ليت قلبك / يوصله
مايكفّي عنه أعبّر بالكلااااااام !

حتى جرحك في حشاي ّ/ مدلّله
حط راسه فوق قلبي، لييين نام!

ــــ

[بشاش]

الهدايا تساقط من غصن..رفي
ياخريف الغلا...لاطاحت اوراقي !

هو انا اللي هنا..والا انك مقفي
صرت احس اني مسافر وانا باقي!

من كثر مابكيت اعشوشبت كفي
من كثر ماوقفت... اتعتقت ساقي !!

ياترى جيت في بالك وانا آخفّي
دمعتي عنك..واضحكلك من اعماقي

هالحزن مر..وانته منت في صفي
لين صرتوا عليّ وخربت اخلاقي!

حي برّا...ومن جواي متوفي
احسن الله عزاك..بركض خفاقي!

ــــ

[بشاش]

مسا الخيرات ياصوت :
طرق سمعي ..
وانا ساهي ..
تقل :صاحي !
تقل :نايم !
مابين , وبين /واوحيته ..

مسا الخيرات ..
ياثلج :
تلحف حمرة الشاهي
حكيه
بكل لغات الآرض
يفهم /من شفافيته ..

[بشاش]

وش تبي ..
كلمة أحبك ؟؟
ما أحبك !
بس أموت
بكل صوت تغرده
صبح وعشية !