يومياتي وآهااااات أسطرها لكم

[عهد الغرام]

مساء الخير


اليوم الجو يجيب جميع الامراض

العالم تصبح على شمس وعصافير واحنا يالله من فضلك على تراب وغبار وعجاج كلهم

بس هالورده ولونها ازرق اذا شفتها بالحديقه يعجبني طالعه بروحهااا




الصراحه في شغله بالي وادي عرف شنو يسمونها

مرات يكون عندك احساس بالغيرة

مثلا لك شخص عزيز وشفت احد غيرك يكلمه او كلمه

يصير شي بخاطرك ليش الاحساس هذا ابي افهم ؟؟؟؟؟


[grade="4169E1 FF6347 32CD32 800080 FF1493"]دار الزمان وشفت فيه
العجايب

شفت الغلا والبين

والزين والشين

شفت القلوب الحاقده

والحبايب

واللي يعيش بوجه

واللي بوجهين

تلقا الجفا والصد طبع

القرايب

وإلا الوصل والطيب

طبع البعيدين[/grade]

[عهد الغرام]

مساء الخير

أمي الله يطول بعمرها تطلب مني 2000 طلب بثانيه وحده

دائما اقول لها حددي طلبج ... اليوم ابيها موضوع

وهي مشغوله بالمطبخ وانا ابيها تقول لي ايه وتوافق معطيتني طاااف

اخر شي قالت عن الحنه وعطيني الجدر الي على الطاوله وشيل اخوج يبجي

بما اني بنت مؤدبه وتسمع كلام امها نفذت طلبها



ماراح اقول لكم امي بشنو حذفتني وشنو قالت




ياليت ان الهوى سكه أكون بدربها عابر

ولا أوقف ولا لحظه ولا أعشق ولا انسان





[align=left]عمري ماتحقق في خاطري شي

كل الأماني تموت في بدايتها[/align]





[align=right]هونت خلاص مابي أسمع سيرة الحب

خلاص القلب يكفيه ألم وجروح وعذاب[/align]


[align=center]هــذي هـي الدنيا تـاخذ وتعـطي

ماعمرها دامت على حال واحد[/align]

[عهد الغرام]

مساء الخير

اليوم كنت في اكبر مجمع عندنا بالكويت وهو Avenue Mall

هو الاكبر بعد المارينا >>>>>>> عمار يا ديرتي

وربي نهد حيل وانا امشي فيه

>>>>> في قسم السياحه راح حط صور اكتب عنه


[bimg]http://www.alraidiah.org/up/up/17813871020070502.jpg[/bimg]




[align=center]الحلم لو عاش بي لحظات وأشقاني

مصيره يموت بعد ما كمــــل بكــــره

مع كل صـــدمه تفـجر قوة أيمـــــاني

ياكبر قلبي على الصدمات يا كبـــــره

يمكـن شمـوخي سبب حزني وحرماني

حـتى طبيعــة حياتي ترفــــض العثـــره[/align]

[عهد الغرام]

صباح الورد بكل ألوانه

صباح الروح بكل أحساسه

صباح الشوق بكثر أوقاته





والله ذبحتني الحرارة والزكمه اتجمعت على هاليومين

والامتحانات من صووب ثاني



يـامـا جرحنى الحب جرح تجدد

ويـامـابقلبي شلت ناس نسـوني

عـاملـتهم بالود محد تودد

عـاملـتهم بالصدق ماصدقوني

قربت منهم بس كلن تصدد

ساندتهم بالحيل بس أخذلونى

كـانوا حلم حياتى اللى تبدد

بغمضت عين مشو واتركوني


[grade="0000FF FF6347 008000 4B0082 FF1493"]بسك يا قلب من الحب وجنونه

خلك مرتاح بلا هم وتفكير[/grade]

[عهد الغرام]

مساء الخير





اجامل وابتسم واضحك وانا في داخلي مقهور

احاول اكتم احزاني ورى صدري وأخبيها

أحاول اكتم همومي واخبيها وأنا مجبور

واحاول قد ما أقدر أبعد عن حراويها

لو اني كنت بنطقها مع انها واقفة بالزور

ولكن لازم اكتمها ولا ابين معانيها


[align=left]ياليت كل اللى ابيـه يصيـر

مـن بدايـه العمـر لنهايتـه

المشكله انى كل ماتمنيت يطير

وكـل شـى يرجـع لبدايتـه [/align]

[عهد الغرام]

صباح الخير





[grade="0000FF FF6347 008000 4B0082 FF1493"]تنتظر كلمة احبك شايفك مشغول فيها

كل شيء بوقته حلو ليش مستعجل عليها

بكره هي اللي تجي وتمر كل لحظه عليك

انت بس طولي بالك كل شيء بوقته حلو

في ثواني في دقايق في شهر ولا سنه [/grade]


[align=right]القلوب هي اللي تحكم ماهو انت أو انا

ينولد حبك وحبي واشتاقلك يا نور قلبي

خلنا نفهم بعضنا قبل ما نهوى نضيع

ما بعد برد الشتا الا نسمات الربيع [/align]



[grade="0000FF FF6347 32CD32 800080 FF1493"]واوعدك كلمة احبك منها ما يمل قلبك

انت بس طولي بالك كل شيء بوقته حلو[/grade]

[عهد الغرام]

مساء الخير

ممكن انشغلت لي يومين وهو اني ادرس حق امتحاناتي

الصراحه مليت من شي اسمه كتب

وحل معادلات والدعله الثانيه المحاسبه

>>>>>> ياريت احد يقدم عني بس بشرط يضمن لي الامتياز











رجعت لذكرياتي

رجعت لأاحزاني

رجعت للماضي 00

عرفت ان الهوى كذبه وان المشاعر لعبه

خسرت حب وعشت حُب



[align=left]لعبت لعبة الغرام وصدقت اللعبه

تمنيت ان الهوى معاي صادق

طلع الهوى يسقيني سمومه

جرحت ناس وعذبت قلوب [/align]



ليه ياهوى

تقربني 00 وتبعدني

نجيك قلوبنا عطشانه

ترجعها مكسوره جريحه



[align=right]طلبتك ياهوى كفايه

من يقدر على الهوى وسمومه

اطلبك ياهوى تخلي قلبي بماضي ذكرياته [/align]

[عهد الغرام]

مساء الخير


ماادري شقول بس وربي في شي خلاني انقهر


بس مقيوووله


ابليس .. حي وعادة ابليس وسواس

يعمي عيون اللـي غشتهـم جهالـه

من خانته نفسه .. غدا منه الاحساس

يخذل قريبه .. لـو قريبـه صفالـه




[align=center]ياللي تبي تعرف اسراري وعنواني

الضيق والحزن واللوعه عناويني

وان كان ودك تدورني وتلقاني

في كل لمه حزن يمكن تلاقيني

يكتبني الحزن والضيقات تقراني

والناس من زود احزاني تبكيني[/align]




[align=left]كنت عارفه كل هالدنيا مصالح

مابها قلبن حنون .. !!

وان لقيت انسان صادق .. مايطولها يخــون [/align]

[عهد الغرام]

مساء الخير


اليوم كانت عندي معامله في البنك وهي اني افتح الحجز عن بطاقتي واجددها

الموظف البنك قال لي انت ما تملكين فيزا الذهبيه وماادري شنو من خرابيط

وانا الصراحه مالي خلق وهو يشرح ويعطيني كتيبات ويقول طال عمرج هذي

البطاقه راح تسهل عليج وايد في تسوق في المول وتدخلين السحب على تذاكر سفر

ويعيد ويزيد طال عمرج وطال عمرج

اخر شي قلت له يعني هذي بالضبط شنو الفايده منها قال وانه كثير من الشركات العالميه

راح تعطيج خصومات في الشراء

قلت له بس انا مااشتري الا من بازار >>> هذي سوق شعبي في الفحيحيل

مسكين الموظف احس كاني صدمته وطاح وجهه من الفشله وعصب وعطاني

بطاقتي وهو ماله خلق





[grade="0000FF FF6347 32CD32 800080 FF1493"]لكل من يحاول يقلل قيمتي عهد الغرام أقوله [/grade]


تعلـم مـنـي ياصاحـبـي انــا مـانـي اي بـنـت

ومانـي بـنـت العـواطـف والكلـمـات سجيـنـه

وتعـلـم مـانـي بـنـت مستـواهـا معـرفـة نــت

هذامواصـلـي يــوم كـلـنـا يـعــرف اصـولــه

صدقني لاصاحوابالكرامه في هاللحظـه بينـت

دوم رافعـه راســي انــشالله مـحـدن يطـولـه


[align=right]لاتـغــرك كتـابـاتـي وشـعــري لـــو تفـنـنـت

تري مشاعري وعواطفي ماتحكمنى بسهوله

عـسـاك فهمتـنـي زيـــن والـحـيـن تطـمـنـت

مـكـانــي تــرا وربــي مـسـتـحـيـل تـطــولــه

وابـــغـــاك تــفــهــم الــحــكـــي لاهـــنــــت[/align]



[align=left]انـابـنـت وقـــت الـشـدايـد فـيـنـي رجــولــه

يـمـكـن تـراخـيـت مـعــاك ومـنــك تـعـلـمـت

ان الامـل موجودحتـى لوفـي نظـره خجـولـه

وعـسـاه يأصـلـك العـلـم يـــوم قـلــت بـنــت

معرفتهامعرفه نـت ماعنـده للحيـاء اي قيمـه[/align]

[عهد الغرام]

مساء الخير

الجو هاليومين يجيب الساحق والماحق والمرض المتلاحق







ياما تحملنا من أحزان وأفراح

وياما مشينا الدرب صعب وسهاله

ياما خفينا من عظيمات الاجراح

نضحك مثل منهو زمانه صفى له



[align=right]هذي حياتي كلهـا بيـن اياديـك

خذها كأني لحظـة مـن دلالـك

ياغاية المطلب عقدت الأمل فيـك [/align]




[align=left]اسألك باللي فتنك فني صارحني ؟

هو انت صادق معي والا تسلا بي !! [/align]