][`~*¤!||!¤*~` لقــــاء السحــــاب مــع ][][ SiCK_LOvE ][][ `~*¤!||!¤*~`][

[][][ SiCK_LOvE ][][]

يا هلا فيك اخوي الوزير منور ,,,

بالنسبه لأسألتك ,,,

1 - الثلاثه مافي مقارنه بينهم لأن كل واحد يتميز بأسلوبه الخاص وراح اشرحلك ابو رائد مثلا يغطي مواضيع الخفجي وهذي مواضيعه ويغطيها بصفه اكثر من ممتازه يعني على مستوى مواضيع الخفجي ابو رائد الاول ... وبتال يكتب اللي بخاطره وهذا شي حلو وعاجبني فيه صحيح انه يعميها مرات بس ما يجامل برأيه ويقط الكلمه ولا يحسبلها حساب يعني تعجبني في بتال قوة الطرح والجرأه في الكتابه ... وفارس الحب هذا كلام ثاني المفروض اننا نشوفه بين المنابر مو في المنتديات لانه ما شاء الله عليه انسان كتاباته خياليه و مواضيعه مميزه ويعرف يختار الفكره اللي يكتب عنها اختيار صحيح ,,,

2 - انا ماشفت عنصريه الى الآن صراحه وان شاء الله ما اشوفها و شي ما شفته ماعلق عليه ,,,

3 - المنتدى بشكل عام هو اللي يصنع نفسه بتعاون الاعضاء والمشرفين كلهم مافي شي اسمه اعضاء بس او مشرفين بس لازم كل واحد من الفئتين يتعاون لان الكل محتاج الطرف الآخر ,,,

4 - بتال مميز بكل شي ما شاء الله عليه وهذا سبب محبتي له و انا عارف انجازاته اللي قليل مننا ممكن يسوي مثلها لكن بالرائديه ما يآخذ شي صدقني ... طبعا تبي تعرف ليش ؟ انا اقولك بتال مشاغب بالرائديه سواء مع الاداره او الاعضاء يعني ما راح يحصل تعاطف من اي شخص بالمنتدى نهائي ... غيري انا طبعا ,,,

5 - والله بقولها ماني مستحي منك انا بالحب ضعيف اشد من الضعف لكن بالحزن ارفع ايدي واقول (( اللهم آجرني في مصيبتي واخلفلي خيراً منها )) ,,,

6 - احب برنامج الماسنجر :>

7 - انا شدخلني بالحوادث الله يهديك و يكفينا شرها :>>> بس بجاوب مو مشكله الحوادث كثرت حسب وجهة نظري المتواضعه من قلة الوعي والاستهتار يعني قام الولد اذا نجح بأول ثانوي اخذه ابوه الوكاله ولا رخصه ولاهم يحزنون ,,,

8 - كلهم زينين المدينه والبر لان المدينه احصل فيها اللي ابي والبر اصفي ذهني فيه من مشاكل الدنيا واصفي صدري من غبار و دخان المدينه ,,,

9 - امور الصحابه امور اساسيه مانقدر نغيرها اما الامور الحاليه هذي امور تفيدنا بحياتنا لان الزمن تغير و ظهرت اشياء تحتاج لأحكام ما كانت على ايام الصحابه مثل التدخين والتفحيط وغيره ,,,

10 - بنت نجد ... ماحصل اي كلام بيني وبينها ولا اعرف سلبياتها ولا ايجابياتها
سوليتير ... نفس الشي مع بنت نجد
بتال ... اقوله كبير يا ابو لافي بس خف انتقادات وتجريح بخلق الله
ابو منال الشمري ... ماكلمته ولا مره ولا لاحظت مواضيعه او ردوده
فارس الحب ... ما انصحه بالعكس اقبل منه النصيحه لانه كاتب كبير و يستاهل كل خير
سامي الشمري ... لا تحاول تتعداني بالمشاركات :>
الزين ... وسع صدرك شوي مع بتال

11 - اقول لنفسي ان انتي عصبيه ولازم تهدين شوي ,,,

12 - اختار 1 - ابو رائد 2 - ابو فارس 3 - بتال 4 - احمد 5 سامي الشمري و خذيت ابو فارس وبتال علشان تحلى الطلعه :>>>>>>


وحياك الله بأي وقت واشكرك على هالاسئله الحلوه


اخوكم : مـــــحـــــمـــــد

[ابتسـ ألم ـامة]

هلا وغلا



عودة ومباشرة


للأسئلة




1- متى تتحول الثقة إلى غرور ..؟؟



2- كاتب مميز ورائع بكتاباته الشخصية ولكن من صفاته الغرور والتباهي

هل تختاره من ضمن أفضل كاتب ..؟؟



3- ماهي الأسس التي تختار بها

أفضل كاتب و أفضل عضو و أفضل مشرف ..؟؟



4- هل شخصيتك في الواقع تتطابق شخصيتك في المنتدى ..؟؟



دور الأسئلة الخفيفة



5- ما هي علاقتك بالمطبخ ..؟؟


6- هل طهيت في يوم أكلة وأعجب بها من حولك ..؟؟ ماهي ..؟؟


7- أكلة تحبها لدرجة ممكن تأكلها كل يوم دون ملل ..؟؟


8- هل تفضل أكل البيت أم المطاعم ..؟؟



9- ما هو رأيك بالزوج الذي يدخل المطبخ ويساعد زوجته في أعمال البيت ..؟؟


10 - وهل هذا الرجل موجود بمحيط أسرتك ..؟؟




11 - لمست فيك شخصية اجتماعية تحب أن تساعد قدر المستطاع


ماهو شعورك إذا أخفقت في تقديم مساعدة لشخص هو بأمس الحاجة لها ..؟؟



12 - موقف كنت فيه تحاول مساعدة الغير وانقلب ضدك ..؟؟



13 - سيارة متوقفة على جانب الطريق والتاير نايم (( بنشر )) وبالقرب منها شاب

وأنت متكشخ ورايح لمناسبة

هل تتوقف لتساعده ..؟؟




14 - ذكريات ومواقف تمر علينا بعضها تضحكنا وأخرى تبكينا


لأجل من ذرف سيك دمعة ..؟؟


وهل يحرجك البكاء ..؟؟





هذه أسئلتي

وبس





أسجل اعجابي الشديد باسلوبك وتواجدك الرائع في المنتدى



وفقك الله وسدد خطاك لما يرضاه ويحبه




أستودع الله دينك وأمانتك وخواتيم أعمالك

وعلى الخير بإذن الله نلتقي


كلمــات مـن ذهـب
أرى كل إنسان يرى عيب غيره *** ويعمى عن العيب الذي هو فيه

وما خير من تخفى عليه عيوبه *** ويبدو له العيب الذي لأخيه

[][][ SiCK_LOvE ][][]

1 - الثقه تتحول غرور اذا اخذ الانسان مجامله زياده عن اللزوم ,,,

2 - طبعا . لاني اهتم بكتاباته اما شخصيته هذا شي راجعله لان الكتابه حلوه انا شدخلني بغروره ولا تصرفاته يعني مثلا اذا كاتب مميز يدخن اقول لأ ما اقراله لأنه يدخن ؟؟ ,,,

3 - افضل كاتب ... اللي يكتب مواضيعه بنفسه مهما كانت لو 3 سطور بس لكن الحاصل ان نادر نشوف احد يكتب بنفسه قمت اختار اللي يكتب مواضيع على طول وهم اواجه صعوبه بهالشي

افضل عضو ... اللي لسانه حلو مع الاعضاء و طريقه تعامله محبوبه من الكل و يحاول يرد على كل المواضيع اللي يشوفها وفي ناس للأسف يحسب ان مافي غيره بالمنتدى يتكلم من ورا خشمه حتى النصيحه يقولها بعصبيه كأن اللي يكلمه محتاج نصيحته

افضل مشرف ... اللي منتشر دايما بجيمع الاقسام و يرد و اسلوبه حلو مع الاعضاء والكل والافضل انه يكون يحط مواضيع

4 - تقريبا بس بالواقع عصبيه شوي الله يفكنا منها ,,,

5 - علاقتي بالمطبخ ادخل اشوف الغدا واطلع يعني افتح القدر ( اللي يطبخوف فيه ) واذا كانت الرؤيه معدومه اسأل الخدامه شنو الغدا واطلع بس ومرات تكون علاقتي حميمه مع المطبخ الساعه 4 بالليل اذا قعدت وانا مو مآكل شي ,,,

6 - لا والله ماطهيت بس كنت اساعد الوالده شوي لانها تكسر خاطري يعني اودي الصحون والعصير وهالامور :> ومره كان عندي ولد خالتي سويتله شاي و عجبه بس :> ,,,

7 - المكرونه البيضا :>

8 - افضل اكل البيت والله بس وقتي ما يوافق وقت الغدا او العشا بالبيت يعني اضطر آكل من المطعم وهم مو حلو اكلم المطاعم بعد بس موات اذا مو مشتهي اقزرها سنيكرز وبيبسي :> ,,,

9 - هذا كفو والله وعلى عيني وراسي لان مو عيب انه يساعد و خصوصا ان هذي زوجته وانا ان شاء الله اذا تزوجت اكييد راح اساعد زوجتي بأي شي تطلبه واكون اقدر عليه و اعرفله واذا ماعرف اخليها تعلمني لأني بصراحه ماعرف اغسل الملابس :> ,,,

10 - لا والله مافي للحين ويمكن في ومادري عنه كل شي جايز :> ,,,

11 - والله يضييييييييييييييق خلقي احس ان هم الدنيا كله فوق راسي حتى من فتره في شخص معانا بالمنتدى طلب مني بحث وقعدت ادوره له 3 ايام والله وماحصلته و اعتذرتله وكان وقتها ودي الارض تنشق وتبلعني مع اني للحين ادورله البحث والله ,,,

12 - اووووووووووو دايما :> و اللي اذكره موقف بس ما ينفع اقوله :>>>


13 - اي والله اوقف وانا ماشوف الدرب المناسبه لاحق عليها لكن هالشخص يمكن عنده مشوار اهم من مشواري ,,,

14 - ذرفت دموع على وفاة جدي الله يرحمه لانه كان كل شي وللحين والله كل ما اتذكر الايام اللي كان يآخذني فيها من الروضه او اشوف سيارته تنزل دموعي لكن إنا لله وإنا اليه راجعون هذا امر الله واكييد يحرجني البكاء علشان هالشي ما ابكي الا اذا كنت لحالي ,,,

-----------------------------------------------------------------------------------

وشكرا على المرور الرائع اختي والاسئله الاروع و ماتقصرين على هالكلام الحلو اللي قلتيه ,,,


اخوكم : مـــــحـــــمـــــد

10 -