[frame="7 70"][poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه دارتبي الافكار وأشعلت الفتيل=تحت مزونً برقها يشعل بوسط خيالها
وأفك سجن المفرده وأطويك يالليل الطويل=وأعزف على سلك الغرام احلا لحن موالها
حتيش لو ترمي همومك والهموم الها مشيل=آنوخ ظلوعي وأشيل من الحمول اثقالها
الله خلقني للصعيبه وأبرك لحملي واشيل=اليا رغت تحت الحمول الجايرات أجمالها
الراس يقّدح للفخر والقلب للشده يميل=والنفس عن سمؤ الرذايل قاصرين حبالها
آرد على هداج واشرب من صفاوة سلسبيل=وأرقى على جناح الصروح اللي يظل ظلالها
والجادل اللي طيفها يقلط عليّه كل ليل=يقلط على حدب الضلوع ادقاقها واجلالها
أسرج لها خيل الغلا والشوق غا ديله صهيل=صهيل شقراً ماعسفها الا سطاء خيالها
واثر الزمن مرسل رسوله للفراق وللرحيل=مقسوم والمقسوم كلفها تشد ارحالها
لجله عملت المستحيل اللي يسمى مستحيل=حتى أنقطع حبل الوصل واعلن بموت آمالها
وأمسيت أطالع فالجدي واقول عانقبي سهيل=لعل نفسي تستريح من الغرام اشوالها
هذي نهاية قصة العاشق مع الليل الطويل=ليلً رسومه ماتغيّر لو تطوول الليالها[/poem][/frame]
المواضيع المتشابهه
العرض الشجري