--( زهور متناثرة .. من بساتين الحياة )--

[الدووووخي]

الناس هذي تبدل من طبايعها
وانا من الصغر واطباعي هي اطباعي

[الدووووخي]

انا صلف واسلوبي مع الناس (( نص ونص))
على فطرتي عايش .. مزاجي وتلقائي


ماهي مشكله .. حتى ولو ما ألتزم بالنص
انا نخبوي والمجتمع .. مجتمع نائي !

لكن المصيبه لازعل مني .. اغلى شخص
وهو اللي يغض الطرف عن معظم اخطائي !

ياليته يسوي بي مثل فعلي .. (( ويقتص ))
[ ولا يبتسم .. ودموع عينه من إمضائي ! ]

[الدووووخي]

اكره الحكمه اذا قامت على الذله تدور
مثل قول ان كان ما تقدر عدوّك صافحه

[الدووووخي]

اضف لمعلوماتك آخر دراسه
عن جامعه بُعد نظر والتجارب

تم أكتشاف ان الفقر والوناسه
من خلقه الدنيا جماعه واقارب

[الدووووخي]

مامن جديد الا غيابي عن الناس
لعلي القى راحتـي .. فـي غيابـي !

[الدووووخي]

اثـــر الـمـفـارق لـــه عــلاقــه بــالأخــلاق ؟
ويقصـر طويـلـة صــدر راع الطويـلـه

مـافـيـه اشـــرّ مـــن الـهــواوي إلـيــا ضــــاق
من ضيقته .. حتى البزر يشتكي له .!

[الدووووخي]

بين الكبر واقصى التواضع مسافه
نفس المسافه بين صـادق وكـذاب

وأقصـى الكـرم ماهـو بكثـر الكـلافه
حيّ الكريم وحـيّ وجهـه ومـا جـاب

والحـظ مـا هـو مــن عـيـال الحـرافه
لكن يجي ويشيل بعضود الأسباب

والقلـب إليا كِـره اثقـل الهـرج عافه
يقرأ نوايا سود في ضحكـة النـاب ؟

وبين الفهم واقصى الغباوة مسافه
نفس المسافه بين واثق ومرتـاب ؟

[الدووووخي]

من حسبني راس ماله حسبته راس مال
ومـن تجاهلنـي ماهـو لا رســول ولا نـبـي

[الدووووخي]

مايخلي الناس توصل لمرحلة الحضيض
كود تمجيد النفوس الصغار الحاقده

وما يصغر في نظر عيني الكون العريض
مثل نظرات الرفيق البخيص الناقده

وما يقدّر قيمة العافيه غير المريض
وما يقدّر قيمة الغالي الا فاقده

[الدووووخي]

قال حكيم : الناس في الخير أربعة :
فمنهم من يفعله .. ابتداء،
ومنهم من يفعله .. إقتداء .
ومنهم من يتركه .. استحساناً ،
ومنهم من يتركه .. حرماناً .

فمن يفعله ابتداء ....... كريم!
ومن يفعله اقتداء ....... حكيم !
ومن يتركه استحساناً ...... غبي!
ومن يتركه حرماناً ........ شقي !