مكتب الزواج في الخفجي

[ليتني همك يايمه]

::





حبيت آوضح للأخوآن مكتب الزوآج
المقصد منه :
يعني لو بطلب زوجه بموآصفآت كذا و كذا بيحصلون لي
على حسب مقدرتي
و من آهدآفه المسآهمه في تخفيف أعبآء و تكآليف الزواج



مو معنآهـ أن هو مآعندهـ آحد يخطب له ولا بيتزوج بالسر
آو مسيآر ... الخ

[خريجة ولكن ..!]

اقتباس المشاركة الأصلية كتبت بواسطة ليتني همك يايمه :: حبيت آوضح للأخوآن مكتب الزوآج المقصد منه : يعني لو بطلب زوجه بموآصفآت كذا و كذا بيحصلون لي على حسب مقدرتي و من آهدآفه المسآهمه في تخفيف أعبآء و تكآليف الزواج مو معنآهـ أن هو مآعندهـ آحد يخطب له ولا بيتزوج بالسر آو مسيآر ... الخ

شكرا ع التوضيح

طبعا الجميع يعرف المقصود بمكتب الزواج واهدافه وهو لايخفى على احد

ولكن صاحب الموضوع يشتكي من سؤ تعاملهم

وتطور النقاش الى زواج المسيار وبالسر وان ماعنده احد يخطب له

يعني شطحنا شوي عن الموضوع

[اسكن الخالديه]

أنصحك ان تتزوج من بلاد الشآم او تركيآ دين وجمال وآخلاق

ومنها تحسين نسل

[صاحبه السمو!]

الله يرزقك يارب

[wahed]

اقتباس المشاركة الأصلية كتبت بواسطة أم حلا السلام عليكم ورحمة الله وبركاته الله يرزقك الزوجة الصالحه لكن نصيحة لوجه الله الكريم تزوج من المملكة ومن جنسيتك لانك راح تعاني من ناحية ابنائك - راح تظطر كل سنه او كل اجازة انك تسافر الى برا اذا لاقدر الله ماتفاهمتو راح يؤدي الى طلاق ومن ثم تشتت الابناء اللي تزوجو من هناك تبهذلو ماشاء الله بنات المملكه كثير وليس الكل يتشرط خصوصا اللي عندهم بنات كثير يحاولون يخففون ولايتشرطون مشاء الله اعرف عوائل عندهم 6 و8 و7 بنات وكم ولد الاغلب كذا هذا انا اللي شايفه غريبه انت ماحصلت ؟؟ طيب شوف رقم خطابه بالخفجي يمكن تساعدك اكيد لانها تعرف اكثر من المكتب وغير كذا في شئ اسمة نظرة شرعيه وتفاهم ومهلة شهر علشان الناس تسأل انا مااعرف رقم لكن لو تنزل طلب بموضوع يمكن احد يفيدك أفضل لك من برا واسهل من المشاوير موفق بإذن الله ...

[align=center]مرحبا اختي الكريمة
الخطابة همها كسب المال ولا يهم هي بترسلني لمين .. يعني ناس تسوى ولا ما تسوى هذا اخر همها
واهلي ترا ما قصروا معي ولكن نفاجأ بعقليات عجيبة غريبة
قبل كم شهر رحنا نخطب من ناس وبعد ما جيناهم بصراحة خفت بيتهم ينهدم فوق روسنا من قدمه والفيران رايحه جايه .. المهم بعد ما دخلو الاهل عندهم وتكلموا معهم جتني اختي تقول انهم شارطين شرط اساسي انك تسكن البنت في بيت جديد .. قلت لاختي ما علمتيهم ان بيتنا جديد قالت الا علمتهم بس هي تبي بيت جديد غير اللي ساكنين فيه اهلي.. انا ارتفع ضغطي وبغيت اروح اشتري مصيدة فيران واعطيها لهم[/align]

اقتباس المشاركة الأصلية كتبت بواسطة شاب طموح مرحبا أسعد الله صباحكم جميعا" بالخير والبركات ، بالنسبة لموضوع مكتب الزواج الصراحه ماعندي فكرة عنه لكن أتمنى انه يكون عند حسن الظن . بالنسبة لموضوع الزواجات انا عندي اثنين من اخواني الصغار (طلاب في الجامعه ) ليسوا موظفين ولسى في الجامعه ومع هذا ماشاء الله تزوجوا وبكل يسر وسهوله ولاتكلفوا حاجه فقط قدموا على قرض الزواج من بنك التسليف وخذوا القرض ودفعوه مهر ! والشقق موجودة الحمدلله وتزوجوا بكل يسر وسهوله << جرب تعمل كذا ! تقدم على بنك التسليف وتاخذ القرض وتدفعه مهر ودام عندك بيت الحمدلله انحلت المشكلة !! يبقى العشاء تجيب لك حاشيين وصالة والحمدلله تتزوج مثل الحلاوة ! .. النقطة الثانيه عندي واحد من اخواني كمان اخوي الصغير ( عمره بالطعشات )عنده قل صحه وزوجناه من الخارج لكن تصدق ان معاملته جلست نصف سنه ورفظوها كم مرة كمان من وزارة الداخليه !! بعدين ابوي الله يحفظه ويخليلكم والديكم كلم واحد من الامراء وتدخل بالموضوع ووافقوا على تصريح الزواج !! . يعني حتى من الخارج راح تتمرمط مرمطه <<< الله يكون بعونك يا اخي اعجبني الموضوع وحبيت اعلق عليه تحياتي الصباحيه مع القهوة التركيه

[align=center]الله يحفظ اخوانك لك ويسهل امرهم وتفرح بأولادهم
لكن الشيء الغريب الجهات الحكومية وش دخلهم انا اتزوج من هنا ولا هناك حتى انتظر موافقتهم! يا اخي فيه ليبراليين قاعدين يعبثون في بلادنا ويفسدون عقل المرأة ويشجعونهم على ما لا يخطر في بال وتاركينهم وناشبين لنا ويتدخلون بزواجاتنا ويقررون بعد اذا هم موافقين ولا لا.. عجبا لهم
[/align]

اقتباس المشاركة الأصلية كتبت بواسطة نايف عايد يعطيك العافيه اختي على هذه النصائح.. فبالنسبه لي أنا شخصيا متزوج من الخارج ولا يشترط أن يذهب كل متزوج كل سنة لأهل زوجته وإنما كل سنتين أفضل فالمصاريف التي سيصرفها على زوجه في حال ذهابهما سويا لأهل زوجته كالمصاريف التي يصرفها في المملكة حين زيارة أنسابه.. فأنا أحض الشباب أن يتزوجون من الخارج لأن الزواج أقل تكلفه ويسر وأقل شروط. وأعرف هنا في المملكة أصدقاء لي كلف زواجه 150 الف ريال وأربع شهور صار أختلاف وطلاق.. زادت التكلفه وزاد خلفها الشروط ووالأختلافات فالطلاق.. تحياتي لك واشواقي..

[align=center]والله انك صادق.. انا اسمع ان فيه طلاقات تمت بعد ايام والمبالغ اللي دفعت في المهر وباقي تكاليف الزواج وصلت قريب من المئتين الف لأن العقلية المادية تسيطر على جيل هذا الزمن ولا ادري كيف يتم التعايش بين الازواج اذا كان اساس زواجهم مبني على كم تدفع
وبالنسبة للمسافات ففيه كثير من الناس متزوجين من جده ومكه وهي ابعد من بعض الدول عن الخفجي والروحه لاهلها مو كل يوم كل اسبوع[/align]

اقتباس المشاركة الأصلية كتبت بواسطة لبى جنوني الله يووووفقك لما هو خيراً لك

[align=center] جزاك الله خيرا ومشكوره على مرورك[/align]

اقتباس المشاركة الأصلية كتبت بواسطة شموخ المملكه الله يسر اموركـ وتحصل لك الزوجه المناسبه

[align=center] آمين وان شاء الله يرزقك بما تتمني[/align]

اقتباس المشاركة الأصلية كتبت بواسطة جوري نجران والله معاك حق يابعبوعةقاعدين يستهزئون فينا.السيدوحيد يقول ليش اضيع فلوسي ع وحدة قليلةسنع ..ونايف عايد يقول أحث واشجع الشباب علي الزواج من الخارج ... تدرون ليش حنا غاليين لأنكم ماتستاهلونا ...

[align=center]انا اقصد بقليلة السنع هي اللي اهلها يمنعون اهلي انهم يشوفونها ولو ما كانت قليلة سنع ما خشوها
اللي يشوفهم يقول خاشين نانسي عجرم! عاد من زين نانسي عجرم هههههههه
[/align]

اقتباس المشاركة الأصلية كتبت بواسطة برناردشو هلا فيك اختي الكريمة انا لم اقصد الاساءه والله يعلم بهذا وكلمة عنوسه مشتركه بين الرجال والنساء يعني لم احدد جنس عن الاخر ومتى كانت العنوسه عيب ولكن انا حينما ذكرت مكتب الزواج بمكتب العنوسه قصدت فيه انه يسبب للعنوسه اكثر منه للزواج المبكر اما من يفهم مني كلمة عنوسه انها عيب وفيها شئ من الخطأ بالعكس هذا مفهوم خاطئ فالعنوسه عمرها ماكانت عيب ولا كانت حرام ولكن هي كلمة تعبر عن شريحة لم يحالفها الزواج سواء بقصد او بغير قصد فياليت الاخوان والاخوات اخذ الكلمات بمنطوقها الواقعي وليس معناها الحزين وليس الوقوف ان العنوسه عيب ..او مسبه او شتيمه ...!! بصراحة اذا كان مفهومنا بهذه الطريقه فكل شاب وشابه لم يحالفهم الزواج يعيشون حياه حزينه مع ان الدنيا سعه كم من عانس وعانسه حقوقوا نجاحات في مجتمعاتنا وحينما يقال لهم لماذا لم تتزوجوا يقولون لم يأتي النصيب او لم يحن الوقت بعد فمفهوم العنوسه ليس عيباً ولا حراماً ولا مسبه ياليت محد يضيف معاني او تفسيرات يقصد بها الاساءه ولكم التحية والتقدير

[align=center]مين ؟؟؟؟
مو انت لحن الحزن؟ وش اللي خلاك في الصفحة الاولى لحن الحزن وهنا برناردشو
[/align]

اقتباس المشاركة الأصلية كتبت بواسطة خريجة ولكن ..! بما انك تبحث عن زوجه لوحدك ياوحيد فالواضح من كلامك انك تبي زواج مسيار ماتبي احد يدري صح او لا ؟ والا لماذا لم تلجأ لااهلك امك خواتك اقربائك ؟ واذا صارت لك مواقف خاصه هذا مايعني انك تعمم كيف تتهم بنات الناس انهم مايبون الستر ! وان عقلياتهن فارغه وماهمهن الا السفر والفلوس والمسلسلات !!! فيه احد مايبي الستر ؟؟ واضح انه انت اللي تبي الوناسه ومتأثر جدا بالمسلسلات وتحب السفر اللي يملك نفس هالتفكير خسارة فيه بنت البلد اصلا وخلينا نكون صريحين وللمعلومية بعض اللي تزوجوا من الخارج ياخذون من قرايبهم وخوالهم وانسابهم اللي برا يعني عادي ماعندهم مشكله .. عموووما الله يوفقك والف مبرووووك مقدما دربك خضر اجرات الزواج من الخارج سهلة جداا وميسرة \ / \ /

[align=center]طلعي كلمة (مسيار) قبل ردك الغريب؟
مين جاب طاري المسيار اصلا ومن متى كان هناك مكاتب لزواج المسيار؟
ولو كنت راعي وناسه مثل ما تقولي كان سافرت مثل ما يسافر الكثير من الشباب ولكن انا ولله الحمد ارغب بزواج شرعي واذا وحده مثلك خريجه وكذا تفكيرها فلا تلوميني في هذا الموضوع لأنك اثبتي من خلال ردك هذا ان الزواج من بنات برا ارحم بكثير
وبعدين انا نجدي اصل وفصل ولا لي خوال ولا قرايب حتى خارج الخفجي
ثانيا الاحظ عندك تعالي على البنات من خارج المملكة وهذا دليل على اننا عايشين في الوهم اللي يقول نحن الافضل ونحن الاشرف ونحن الاطهر واما الباقي لا يستحقون حتى الحياة
ثم ان النظرة على البنات عندنا افضل من بنات برى اعتقد ان هذي زمانها راح وعلى العكس ان اشوف البنات من خارج المملكة ناس بسطاء يحلمون على قد حالهم وطبعا مو كل البنات كذا ولا كل بنات المملكة نفس النظرة ولكن اقول ان النظرة المادية هنا تكون طاغية بشكل اكبر
ترا انا والله ماني زعلان وانا اكتب ردي ولكن فيه شعره بسيطة بين الغضب والصراحة ومن عيوبي اني ما اعرف كتابة الجمل اللي تميز بينهم واتمنى انك ما تفهمين كلامي على اساس انه تهجم
[/align]

اقتباس المشاركة الأصلية كتبت بواسطة ليتني همك يايمه :: أسأل الله لك تيسيــر الزوآج و يرزقك بـ البنت الصآلحه اللي تسعدك بصرآحــه آخوي لحن الحزن كفـى و وفـى و اللي مكتوبه لك يجيبهــآ ربـــك الله المستعــآن بعض النـآس كل همه المظـآهر و مثل مآذكرت في عوآيل تطلب مهر 100 ألف و شقه و خدآمه و سآيق هالشي غيـر العرس .... الخ بـ تقولون هذي تبآلغ لا وربـك هالشي صآير و من آشخآص آعرفهمـ و فوق هذآ إذا خطبت يقولون لك لا أنت و لا أهلك يشوفونها ليش الزوآج آكشط و آربح ؟؟؟ آستغرب من هالعقليــآت بس فكرة المكتب تقآضى عنهـآ و أسأل معآرفك و آصدقآئك مثل مآفي نآس تبآلغ بـ طلبات الزواج في نآس تدور الستـــر و آهمـ شيء عندهـآ آخلاق الرجال و دينه على كثـر مآزآدت مطآلب الزوآج على كثـر مآ زآدت نسبة الطلاقات و المشآكل فـ سبحآن الله (( أقلهن مهراً أكثرهن بركة )) عقبآل مآتبشرنـآ بـ خطبتك و بعد تعزمنـآ على زوآجك

[align=center]لا والله ما بالغتي في شيء يا اختي الكريمة وانا شاكر لك هذا الرد المميز وان شاء الله اذا حصل النصيب بتكونين من ضمن المدعوين
يعطيك العافية[/align]

اقتباس المشاركة الأصلية كتبت بواسطة ليتني همك يايمه :: حبيت آوضح للأخوآن مكتب الزوآج المقصد منه : يعني لو بطلب زوجه بموآصفآت كذا و كذا بيحصلون لي على حسب مقدرتي و من آهدآفه المسآهمه في تخفيف أعبآء و تكآليف الزواج مو معنآهـ أن هو مآعندهـ آحد يخطب له ولا بيتزوج بالسر آو مسيآر ... الخ

[align=center] اتمنى الخريجة افهمت ومن المعضلات توضيح الواضحات[/align]

اقتباس المشاركة الأصلية كتبت بواسطة خريجة ولكن ..! شكرا ع التوضيح طبعا الجميع يعرف المقصود بمكتب الزواج واهدافه وهو لايخفى على احد ولكن صاحب الموضوع يشتكي من سؤ تعاملهم وتطور النقاش الى زواج المسيار وبالسر وان ماعنده احد يخطب له يعني شطحنا شوي عن الموضوع

[align=center]^__^[/align]

اقتباس المشاركة الأصلية كتبت بواسطة اسكن الخالديه أنصحك ان تتزوج من بلاد الشآم او تركيآ دين وجمال وآخلاق ومنها تحسين نسل

ا[align=center]ي والله تحسين النسل يمدحونه
تخيل عيالي شقر وعيونهم زرق
ما كني انا ابوهم اطلع كني السايق حقهم ههههههه[/align]

اقتباس المشاركة الأصلية كتبت بواسطة صاحبه السمو! الله يرزقك يارب

[align=center]الله يجزاك خير وباقي الاخوة واعذورني اذا شطفت كم رد لاني عملت اقتباس متعدد وطالع عندي غابة اكواد واقتباسات
نشوفكم على خير[/align]

[خريجة ولكن ..!]

:
:
:
كنت اتمنى ان اختصر النقاش معك

حتى لاتفسر ردي كما يحلو لك واللي مايوافقك في الراي معناته ضدك ويطلع بنظرك مايفهم
لكن الرجاء اذا طرحت موضوع فتوقع انواع الردود ..واختلاف وجهات النظر
لانه عادة عند الحوار والنقاش قد لاتساعدنا ثقافتنا ومستوى تعليمنا وطريقة طرحنا وتعبيرنا على فهمنا للبعض الاخر او فهمه لنا او ربما يفهم مايريده هو فقط وقد نصيب ونخطي لاننا في النهاية بشر وهذا وارد

ولكن هذا لايعطيك الحق ان تقيمني وتقيم مستوى تفكيري فقط لانك تخالفني الراي.

وتجي وتقول انتي ماتفهمين ! مثل ماوصفتني

بصراحه الواحد صار ماوده يرد على بعض المواضيع لانه بالاخير صاحب الموضوع مايستوعب بعض الردود ويبدا بالاتهام والتقييم هذا يفهم وهذا مايفهم


لكن الشكوى لله ...

بوضح لك ردي السابق كان عن السبب في لجووك لمكتب الزواج؟ و لماذا لم تطلب من اهلك يبحثوا لك عن زوجه مناسبه ؟ لان مثل مافيه بنات يبحثن عن المظاهر ايضا فيه بنات يبون الستر و آهم شيء عندهـم دين الرجل واخلاقه
خصوصا ان الشقه جاهزة وبنك التسليف موجود
فما المانع ؟خذ المال وادفع المهر .واناكتبت الرد هذا لانك لم تكن واضح في اعطاء السبب ولم توضح معاناتك كاملة فقط شرحت معاناتك مع المكتب ثم بناء على تجربه مررت بها اخذت تنتقص من بنات وطنك وانهن جميعا لايردن الستر وتافهات وهدفهن مادي
ثم غيرت محور موضوعك وطلبت من بعض الاخوان يتحول خاطب ويساعدك في البحث عن زوجه من الخارج ..
واخذت تبرر لنفسك ان زواجك من برا افضل لان بنات البلد ماتنفع فقلت لك في ردي ماذا تريد اذا ؟زواج مسيار ؟ (ولم اقل لك ان مكتب الزواج تخصصه زواج المسيار كما فهمت !)فانا لست هنا حتى توضح لي مالمقصود بمكتب الزواج ؟

وانا قلت رائي في الزواج من الخارج لان الحقيقه سلبيات الزواج من الخارج اكثر من ايجابياته وماحد يتزوج من الخارج الا واحد منحد حد عليهم يعني كبير بالسن او مريض او فيه عله فيدور وحده من برا ترعاه وتناسب ظروفه وترضى بحالته ويمكن تهرب منه ويتشتتون الابناء .


كما استغرب اتهامك ووصفك لي بانني متعاليه لاني قلت لك رائي في الزواج من الخارج وسلبياته !!

وعموما ردي كان واضح وهذا مجرد رائ


واي عاقل راح يفهم ردي على ان المقصود منه هو ان الزواج من الخارج سلبياته اكثر من ايجابياته وان الزواج من بنت الوطن هو الافضل والاحسن له ولابنائة وليس معناه التعالي كما وصفتني .


وبعدين كيف تقول: ان نظرة البنت عندنا أنها افضل من البنت برا زمانها راح !! هذا معناته انك تدعو الجميع للزواج من برااا ! وان هذي الموضه واللي يعترض ويقول رايه فزمانه راح ؟ صراااااحه نظرة غريبة !

اذن انت في نظرك اذا خطب اختك او بنتك واحدمن الاخوان العرب لبناني او اردني او سوري اومصري لازم توافق لان نظرة ان الشاب عندنا افضل من الشاب برا زمانها راااح!!

وان اللي يرفض يزوج بنته من برا هذا يدل على اننا عايشين في الوهم اللي يقول نحن الافضل ونحن الاشرف ونحن الاطهر واما الباقي لا يستحقون حتى الحياة ..!! كما وصفتني .

ختاما

لي تعليق على سالفة تحسين النسل استغفر الله
لاالشكل ولا البيئة متناسبة ولا العادات ولا التقاليد ولا اللهجة
..والدليل تحسين النسل اللي نشوفه بكل مكان
(تشوف طفل اسمرررر وشعره اشقر ناعم وعيونه زرقاء!!! واخوه ابيض وعيونه سودا وشعره اسود مفلفل !! الاب والام والاطفال وشغالتهم كل واحد في وادي واللهجة حدث ولاحرج( كانهم في قروب سياحي )

اتمنى تبحث اكثررر فالموضوع يستحق البحث والتروي