كلا يقول سلبياته

[أبووصال]

يادانه الواحد لما ياخذ وحده وهو يعرف انها مدرسه يعرف عندها اوقات فراغ مثلا .... زميل لي زوجته مدرسه يقول ....تروح الصباح للمدرسه وترجع الظهر نتغدى سواء وتنام لها ساعه بس يعني الساعه 3تلقاها مثل الجنيه .... يقول نطلع نخلص اشغالنا ونسير ونتمشى الى الساعه 10 او11 نرجع تحضر لها ساعه وتنام ومعاها خميس وجمعه فاضين المشكله مو بالوقت المشكله بصاحب الوقت انت بامكانك تخلي وقتك فل بينما غيرك يخليه عادي ولامشكله عنده حتى لو كان موظف بوظيفتين لكن طريقتك بالتعامل.... هي الاساس والانسان مو من يتزوج وشافها ماعطته شي طلقها الرجال هذا جلس معاها 5سنوات متزوجين بس في النهايه تدخل الاهل هو من اسهم عليهم بالفشل وخصوصا انه قالي انها كانت ماتبي تنزل قدرها عند اهلها يعني مستواها عند اهلها ينزل لو قالت لا ابي زوجي .... يعني فيه حريم اذا تطلقو تبدا تصرف في بيت اهلها ويصيرلها كيان لدرجة حتى الاهل مايستغنو عنها في مصروفات البيت لدرجة انهم اذا قالو يالله نبي نروح للكويت قالت هي لانروح للدمام قالو اوكي للدمام كذا صار لها كرزمه معينه عند اهلها فبديهي ماراح تنزل قدرها وخاصة ان الاهل فيهم جشاعه ايضا ..... تصدقين جاء ابوها قدامي مره وقاله اسمع انا صرفت على بنتي سنين جاء الوقت اللي تصرف هي علي فيه مع اني اعرف ان العايله اولاده كلهم موظفين .....بالله وش ترتجين من عايله كذا ......اقول الله يستر على ولاايانا .......... دانه ياست هانم مانمتي الله يصلحك خوذي لك غطه ونكمل بالليل ...اوك



ابووصال

[دانة الكون]

صح كلامك الواحد لازم يرتب وينظم وقته.
بس مالكم خاتمه وهي قايمه يقول جنيه >> خوش مدحه ما تتغيرون ولا يتغير اسلوب الغزل والمديح.
عموماً حنا نقول وجهات نظرنا وبالنهايه محد يحس بالنار الا الي واطيها.
وش تنزل قدرها عند اهلها لانها اختارت حياتها وزوجها وعيالها وش هالمنطق اهلها بكرى كل واحد فيهم يلتهي بحياته وتقعد تتلفت لحالها وتحسر وتندم على الي فات بس وش يفيد الندم "ليش تخسرين حياتك علشان الناس" هدمتي بيتك وضيعتي زوجك وعيالك علشان ما تبين تنزلين من قدرك وعند من عند اهلك حتى ماهم ناس غرب تقولين كرامتي ما تسمح لي ليش خاصه إذا كانت الزوج زين معاك حراااام دمرت حياتها وضيعت عيالها علشان سبب تافه وين عقلها ما تفكر "قدري عند اهلي" .
وابوها يوم جاء قدامك ليش ما قلت له هذا واجبك انك تصرف عليهم ولا انت اول ولا اخر واحد يصرف على عياله ولا انت مخترع الذره بصرفك عليهم.
صح ان له واجب النفقه ولا لها منه عليه بس ما يمنع انها تحتفظ بجزء كبير من راتبها لنفسها ولبيتها وعيالها خاصه ان الاحوال الماديه غير مستقره.
انا لو منك يمكن تسمع قصدي تقرأ يمكن اقوم اسطره.
تكفى لا تقول ست طلبتك.
ولا نمت انتظر مكالمه مهمه علشان اخلص.
نكمل بالليل هواشنا قصدي مناقشاتنا.




حراااام عليهم
من متى وانا انتظر جتني رساله تقول بالليل تخلص الاوراق واستلمها بكرى
مانمت ولا استفدت من قعدتي شيء.

[أبووصال]

والله اني كنت باقوم اسطره واخليه دفتر ابو 200 بس المشكله شايب رابح فيها لا والمشكله الكل يشهد له بانه غثيث زملائه بالعمل قبل لايتقاعد والناس اللي يعرفونه يقولون شيبه ونشبه .... وسالفة الاوراق اللي اخرتها ضيعو عليك نومتك تامرين فزعه شي ترانا حاضرين .... واللي نفسي اعرفهليش ماتحبين كلمة الست وش المشكله فيها .... يمكن احلها لك يااستاذه .....

ابووصال

[دانة الكون]

اجل الغلط على خويك ما دام عارف الابو كذا ليش يناسبه وهو بهاذي الاخلاق
و المثل يقول:
اسأل عن خوال ولدك لان الولد ان طاب طيبه من خواله وان تردى فخواله خايبين.
إذا ما عطوني اياها بكرى ابلغك تفزع لي.
ما احب كلمه ست لان احس اني عدد .

[دنيا الحب]

مسكيــــــــــــــــــــــــــــن
اقول؟؟؟؟؟؟؟؟؟؟؟؟

[هدوء المطر]

هذي السلبيه تقهرني عند الزوجه إذا كان زوجها حليو تحاول تخليه جيكر بعيون الناس يعني مثلا أخوي إذا مدحته حرمه قدامها تقول وع من زينه وينه وين الزين ,اكثر الحريم ما يحبن ياخذن واحد مزيون ولو كانت هي مزيونه والله شي يقهر في أحد مايحب يتصبح بوجه حلو

وفي حرمه اعرفها رفضة واحد ما شاء الله ماعليه رفضته بسبب اته مزيون صج عقول رديه يشوفن الشكل ويتركن الاخلاق

[دانة الكون]

عن العين يا هدوء المطر
خايفه عليه
يعني تبين تقولين لنا ان اخوك حلو >>> ماشاء الله الله يخليه لكم ولزوجته ويحليه بعيونها ويحببها فيه.
يمكن فيه سبب ثاني وماتقدر تقوله ،، ويمكن هي شينهوماتبي تكون محط مقارنه تصير هي فيها المظلومه.
كنت بعلق بشيء بس خفت تزعلين.

[أبووصال]

قولي يادانه شوقتينا ....لان عندي انا بعد شي كنت باقوله:d بس اقوله بعدك

[دانة الكون]

والله ودي اقوله بس احس قويه شوي واخاف البنت تزعل انا وانت ونايف صرنا من اهل البيت مانزعل من بعض "والله ما ادري عن نايف "غاط باخبار الخفجي ومزاعلنا وماسك شوشه المسبار هناك الحمدلله خلني اريح شوشتي شوي.
بس فيه عرض باحد المواضيع هناك محرررررررررج وقوي من السوسه لصاحبه الموضوع.
والله استحيت يوم قريته وشلون هي المسكينه موقف لا تحسد عليه.
اقول لو تقرونه انتم احسن "حديث نفس لمن يجروء".
بروح اتفرج عليهم شوي وارجع نكمل.

[نايف عايد]

اقتباس المشاركة الأصلية كتبت بواسطة دانه الكون والله ودي اقوله بس احس قويه شوي واخاف البنت تزعل انا وانت ونايف صرنا من اهل البيت مانزعل من بعض "والله ما ادري عن نايف "غاط باخبار الخفجي ومزاعلنا وماسك شوشه المسبار هناك الحمدلله خلني اريح شوشتي شوي. .

الله يحفظك يااختي مراقبتني ..

صايرة دبوس علينا..ماالوم ابووصال يخاف..

تراه هو اللي ماسك شوشتي..

تحياتي لك واشواقي..