--( زهور متناثرة .. من بساتين الحياة )--

[الدووووخي]

ماجيت أبدبل كبدهم شعر وخطاب
لين أدبلوا كبد الذي خلفوني
يا ويل وجهي كن للدمع مخلاب
ما جف ماه ولا استحى من طعوني
كل ما طرالي منظرمريب وأرتاب
كان الوحيد اللي يحرك شجوني
قبلة صلاة،وذكر، وخشوع، وكتاب
وأمي على سجادة النور دوني
تدعي لي الله يفتح بوجهي أبواب
تتوسله بالشده يكون عوني
من كثر ما خفاقها بالدعاء ذاب
صارت تحس إن زملاي اكرهوني
بشرتها: يمه معي ربع وأصحاب
ماني لحالي واجد اللي يبوني

[الدووووخي]

انا جيت اعشقك نبض ومشاعر ماعشقك تمثال انا جيت اسكنك وحياك و بقى فيك و بقالك

...................انا جيت بضمه عاشق تعب يطرد صراب بلال انا جيت استفز ارضاك من فرقاك والجالك

انا ماهنت ابك عاقل انا كنت اعشقك بخبال انا ماكنت احبك حي انا كنت اعشقك هالك

....................تخيل من كثر ماخاف تلقى لزعل مدخال اخاف اخطي على طيفك وادوس برجلي اضلالك

[الدووووخي]

ياضايق ابشر بالفرج من ورى الضيق
ضاقت وعند الله وسيعات الأبواب
من رحمته توسع جميع المخاليق
لكن تحرك كل شيً له أسباب

[الدووووخي]

لاصارت الحاجة على يد حساد
لا تنتظر من الحسود النفايع
أهل الدسايس والنميمه والأحقاد
ومن صدق الحساد شاف القنايع
يجيك ماشي مرتدي ثوب الأجواد
والطيب والمعروف بالنذل ضايع

[الدووووخي]

مره نقول الشعر من قلب مرتاح...
ومره نقول الشعر من ضيقة البال
طير يطير وطير مكسور الاجناح...
والوقت مايبقى نظامه على حال
من عاش في دنيا المباهج والافراح...
حاشه نصيبه من كدرها والاهوال
والرزق له من والي الكون مفتاح..
والادمي يمشي على نور الامال
لو فاتتك بعض المكاسب والافراح..
وانته بصحه صحتك قمة المال
اقبل من المقسوم ماجا وماراح...
واشكر عظيم الشان ياطيب الفال
واجعل من الايمان للروح مصباح ...
لو كان همك مثل ليل الدجى زال
واسمع كبير السن لاجاك نصاح..
اللي حنت ظهره حميلات الاثقال
والليل مهما طال لابد ينزاح..
والصبر فيه النصر حتى ولوطال

[الدووووخي]

كل ساعه من حياتك رايحه
مايعوضها لك المال الكثير
وش جاب اليوم مثل البارحه
الزمن يجري على سلك الحرير
ليلةٍ تخسر وليلةٍ رابحه
والهنا لايتعبك عهده قصير
وأنت ياشاهد همومً فادحه
خل في صدرك سعه وابشر بخير
صفحة الأيام ماهي واضحه
قدرة الله ماتوريك المصير
ليتنى مثل الطيور السابحة
في سماها وين ماتبغى تطير

[الدووووخي]

في غيبتك كن الحزن عرش و أنا فيه سلطان
و كن السعادة شعبي اللي عصاني
.:*************:.

[الدووووخي]

ما هو بيدي أكتم الدمعــــة و أنوح ... هذا أنا لا كتمت الهــــم عيوني تبوح

[الدووووخي]

اكبر قهر لاضاع عمرك ورى انسان تبي غلاه وهو يبي انسان ثانـــي

[الدووووخي]

الا ياعين لاتبكين عيشي نعمة النسيان .. خسارة دمعتك تنزل على من لا يراعيها