حــ مــ يــــ د ... للشاعر : خلف المشعان .....

[أبو فهاد]

طاب اوقاتكم احبتي ..

الاهداء .. لكل من هم على شاكلة ( حميد ) ..

ثم لحميد شاوي العنزي



حميد انا دايم , يراودني احسـاس
.................................. إني إذا وصْـلَت غلاتك .. أناني


لو شفت حولي ناس ماحولي اوناس
................................... ربك خذا مني .. مثل ماعطاني


وش ونستي دام اقرب الناس جساس
............................... لو درت له .. متني لك الله رماني


عزاي في شرواك ياطيب الـساس
................................ مابي بلا .. لاجاب .. مثلك زماني

كل مالمحت الحقد بعيون الانجـاس
.......................... تطري لي عيونك .. واوكّد .. مكاني


دايم تجيني .. وقت ضيقات الانفاس
........................... مثل النسم .. صوتك يشـد المحاني


عرعر ورفحا والحفر .. وابن هباس
............................. لو مابهن ياكود صوتك .. كفاني


وشلون اجل مااغليك ياطير قرناس ..؟
............................ وانت الذي زعّلت .. ربعك عشاني


لو للغلا حجم ومساحه ومقياس
.......................... كم رقم احطم .. في غلاك تهقاني ؟؟


يعني وش اكثر من فديتك ( بمواس )
............................. ماهي كثيره .. بك جديد المعـاني


ابك انت لو ضايقك .. في قلبي الناس
.............................. ركبت لك من دونهم .. قلب ثاني


الشاعر : خلف المشعان ...