(رمش عينه)
حبيت واخلصت في الحب وكلتها علقه
بغيت منه أتخلص مير ما مداني
حاولت أكمل معه لين آخر الحلقه
الحلقه اللي نهايتها بوجداني
سحرني اللي جماله صابني بطلقه
برمش عينه قتيل العشق ارداني
باوصف العنق وشفت العقد في حلقه
يزهى بجيد باسفل منه وداني
خلا به الروح لين اليوم متعلقه
ولقيت ما فيه من حسن يتحداني
حسيت بي قشعريره ونفسي مغتلقه
مابين هذا وذاك ومانيب برداني
عاشق صبابه متيم ضايق خلقه
يسهر مع الليل يغني دان وداني
سبحان من أبدع التصوير في خلقه
الواحد اللي ماغيره رب فرداني
من حب وأخلص في حبه يأكل العلقه
مثلي بغيت أتخلص منه وما مداني
الشاعر/مبارك بن سالم المصلح الحربي(ابن دهيم)
المواضيع المتشابهه
العرض الشجري