وين القلم هاتوه انا رايق البال

[كاتم الاحزان]

وين القلم هاتوه انـا رايـق البـال
جني بنات الفكـر ياعيـن ياليـل

والكل منهن ياملا سمـح الاقبـال
وانا لهن مشتاق بالحيـل بالحيـل

يزداد شوقـي بالمواقـف للامثـال
وقبلتهن وقـت المواقيـف تقبيـل

شعر المواقف لجله الهجس يجتـال
دعيتهـن جنـي جهدهـن مقابيـل

قالن حظرنا قلت بالحـال بالحـال
طاعن وانا عسافهن عسفت الخيـل

علمتهن يمشن لـو بشهـب الـلال
في النظم والا في لحون المواويـل

ولاني من اللي يسرق الشعر لاقال
ويرز عنقه كن عنـده محاصيـل

من شك في نفسه عليه الدهر مـال
والواثق اللي فاللقاء يصهل صهيـل

ياحبنـي للعـال ومـدور العـال
اللي منازلهم كما الجـدي وسهيـل

واليا كرهت اكره منافـق ودجـال
اللي مقامه كنه النجـم ابـو ذيـل

واشوف ناس(ن) كلها اخبال واهبال
ومثلي تميزهـم عقـول الرياجيـل

ياللي هدب عينك على خدك اظلال
لاتصدقين اعوير واصوير واحويل

امقلديـن الصـوت مافيهـم امـال
ماباقـي الا يلبسـون الخلاخـيـل

من حط نكه بنت ماهـوب رجـال
مسكين عرض نفسه القال والقيـل

نضحك على شرواه بقفاي واقبـال
كل(ن ) يقول انه مسيكين واخبيـل

وانا اعرف انه شين لو يلبس الشال
راسه كما الجني وخشمه خشم فيل

اللي سواته ياعسى مالـه اعيـال
مهبول واعيالـه بتطلـع مهابيـل

يالله عساهم في البشر مالهـم تـال
والا عليهم ترسل اطيـور ابابيـل

والله مسوقلهم مع النـاس فنجـال
ينسـاق والله للقـروم المشاكـيـل

















منقوووووول

[أبو فهاد]

اقتباس واشوف ناس(ن) كلها اخبال واهبال ومثلي تميزهـم عقـول الرياجيـل ياللي هدب عينك على خدك اظلال لاتصدقين اعوير واصوير واحويل امقلديـن الصـوت مافيهـم امـال ماباقـي الا يلبسـون الخلاخـيـل من حط نكه بنت ماهـوب رجـال مسكين عرض نفسه القال والقيـل نضحك على شرواه بقفاي واقبـال كل(ن ) يقول انه مسيكين واخبيـل وانا اعرف انه شين لو يلبس الشال راسه كما الجني وخشمه خشم فيل

إختيارات رائعة ومميزة يا كاتم الأحزان ...





تكفى أكثر واكثر من هالروائع ..

[ابتسـ ألم ـامة]

هلا وغلا

كاتم الاحزان

اقتباس من شك في نفسه عليه الدهر مـال والواثق اللي فاللقاء يصهل صهيـل

صح لسان الشاعر



سلمت يمناك لنقلك المميز



يعطيك العافية





دمت بود


وعلى الخير بإذن الله نلتقي


كلمــات مــن ذهــب

احذر من المظلوم سهماً صائباً &&& واعلم بأن دعاءهُ لا يُحجَبُ

((الإمام علي كرم الله وجهه ))

[الضيغم]

صح لسااانك ولسان الشاعر يالغلا .. .. ..



الله لا يهينك عالنقل الجميل .. .. ..


وكثر منها مثل ماقال ابو فهاد عزالله انها رووووووووعه .. .. ..

[سحايب صيف]

اقتباس المشاركة الأصلية كتبت بواسطة كاتم الاحزان ياللي هدب عينك على خدك اظلال لاتصدقين اعوير واصوير واحويل امقلديـن الصـوت مافيهـم امـال ماباقـي الا يلبسـون الخلاخـيـل

طرح رااائع .. يا كاتم الاحزاان


سلمت يمنك

[كاتم الاحزان]

عمي ابو فهاد

جدتي ابتسامه

خالي الحوت

عمتي سحايب


لكم كل الشكر

والله يعطيكم الف عافيه

[أبو رائد]

سلمت يا كاتم الاحزان

والله يعطيك العافية


على هذا الاختيار