قلت الوداع.... وجاوبـت دمعـة العيـن !!!!!

[فتى التحفيظ]

.
قلت الوداع.... وجاوبـت دمعـة العيـن
تجـرح.... بساتيـن الخـدود... النديـه

واغضت..وشفت بعينهـا الحزن..حزنيـن
وصاحت ..على الفرقا ...انـا مـو قويـه

وجاوبتها....ارجـوك ..تكفيـن.. تكفيـن
والله دمعك....يشعـل النار...فـيّـه

وقالـت ...تعاهدني..عـهـاد المحبـيـن
اللى يخـون... اللـي يخـون ...بخويّـه

قلـت ابشري...واللـي خلقـك لاتظنيـن
حرااااام...ماغيرك...عشقـت ..آدمـيـه

وقصّت شعرها...قلت انـا..وش تسويـن
قالـت ابـي ..مـن غرتي....لـك هديـه

ونادتنـي الغربه...علـى الهـم والبيـن
احسّـب الأيـااااام... روحـه... وجيّـه

وفي كـل ليله...ترتسـم بيـن رمشيـن
خيالها...بيـن الـرمـوش... الشقـيـه

غربة سنه...فـي ذمتـي غربـة سنيـن
متى علـى الله.. يلتقـي الحـي... حيـه

خلاص...هانت...مابقـى غيـر يومـيـن
خـلالالالاص ... قفّت..غربـةٍ جرهديـه

ورجعت....شوقي في خفوقي... براكيـن
ورجعـت انـا... كلـي لها....جاذبـيـه

وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه

وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه

وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه

وتزاحمـت فـي داخلي...ألـف سكـيـن
والحزن..يطويـنـي ثمانيـن....طـيّـه

صدمه..وجابتنـي علىالارض..نصفـيـن
وشلـون راحـت دون... ذنـب وخطيـه

تكفون....دلـونـي علىالقبر..هالحـيـن
مـاعـااااد فيـنـي للصبر....مقـدريـه

ووقفـت اطالـع قبرها...بيـن نصبـيـن
وجلست..اضـم اغلـى النصايـب عليّـه

واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه

وش فيك...جيت من السفر...مـا تهليـن
ماهي بلك عـاده....ولا انتـي... رديـه

وحاولت في لحظة جنون...اجـرح الديـن
وازيـح تـربـة قبرهـا....فـي يـديّـه

وبالغصب شالوني...حشـا تقـل مسكيـن
واصـرخ بهم...والله...والله حـيّـه

اقفت...وتاهـت بـي جميع..العنـاويـن
والحـزن يلعب...داخلـي ....سامـريـه

ورجعت لـدروب الشقـا.. قبـل عاميـن
مدري مـن اللـي صـار.. فينـا ضحيـه
مما أعجبني

[مشاري]

قصيده رائعه


سلمت اخي الغالي

فتى التحفيظ


سلمت على النقل

[سمو كبريآء *]

رووووووعة

نقل راآإئع ..

[الجوووري]

انتقاء رائع ..

وقصيدة مؤلمة فعلاً ..

صح السان قايلهـا

وشكراً لك

[مرسى]

حلوة مرة
تسلم

[عزيزة نفس]

قصيدة بقمممة الرووووعه

تحمل بين اسطرها الكثير من الحب

والعناء وألم الرحيـــل ..

تسلم يمينك ..

[شاقني]

.

قصيده رائعه . .

فيها من الألم والحزن الكثير
من احساس صادق . .

سلمت اخوي فتى التحفيظ
على الاختيار الرائع ,,

[فتى التحفيظ]

مشااااااري

مررور رائع ..,

[فتى التحفيظ]

سمو كبرياء

الف شكرررررررررررر,.

[فتى التحفيظ]

الجوؤرررررررررري

يعطيك العاااااافيه ,.