ديوان الشاعر الأمير زيد الخشيم الخالدي {{ راعي قفار }}
زيد الخشيم الخالدي شيخ بني خالد
في أقليم الجبلين (حائل) وأمير بلدة قفار التاريخية . ولد زيد الخشيم في بلدته قفار عام 1209 هجرية
وعين أميرا لها من قبل الأمام عبدالله الفيصل آل سعود الذي زار حائل عام 1269 هجرية . وقد أشتهر
زيد الخشيم بالكرم والشجاعه وكان شاعر له العديد من القصائد , من أشهرها هذه القصيدة التي قالها مادحاً بها الأمام
عبدالله الفيصل آل سعود الذي زار أقليم منطقة بلاد الجبلين (حائل ) عام 1269 هجرية .يقول الأمير زيد الخشيم في الأمام :
رجلي تسوج وشف بالي يقوده ×× الرجل ساجت مادري وش بلاها
لاكنها تصعد بعالي سنوده ×× لاعاد ما للرجل داع دعاها
اماابا اللي قلت لك وش ردوده ×× صدا المغيرة ضيقن من بطاها
طالبك تجبر خاطري من وجوده ×× وتجللن باتباع نفسي هواها
يامعطي سرده وجرده وقوده ××خيل ترمي بالجراير حذاها
لي ميمر عيا لساني يعوده ××من كثر ماجيته ندور عطاها
نجد كما الصيوان وأنتم عموده ×× ماتستقيم إلابشعلة عصاها .
عندما أصبح زيد أميراً على قفار أنشأ بغربها محلة
سماها ( الفرعه ) فبنى فيها قصره وزرع هو وجماعته
الفرعه وفي هذا المقام قال هذه القصيده ...
سميت وأركبت المحاله على البير
مافوقـي إلانايفـات الهيافـي
نبـي بنـوّ الله نقـدّه دعاثـيـر
غرس يصافحن أولاتـه صيافـي
الحاملات المسعـدات المباكيـر
فج الفروع مصطحات الخوافـي
تسابقن ّمـن القـراح الجماميـر
لامزقّن الطلـع مثـل الضلافـي
نبي نحط مربعات بـه مقاصيـر
نخاف من بعد السكون إختلافي
عندما حاول أبن رشيد عزله عن أمارة قفار لم يكترث لذلك فقال قصيدته الشهيرة
ساخراً ومتهكماً بأبن رشيد وحاشيته :
قال الـذي مادمـر القيـل تدميـر
شطر(ن) بتركيب الغرايب ليا جاب
هاضن وفاضن مثل ورد على بيـر
متعمدات(ن) مارد(ن) عقب معزاب
يابو حسين أبلغ بيوت(ن) محاضير
ياميرنا يازين فرطـك للأذنـاب *
بضروس أقوى من حدود المناشير
تعلمن لقم الشحـم عقـب ماشـاب
ياميرنا ياصطـام وجـه المناعيـر
يامكثرّ(ن) بالهقم تقطيع الأرقـاب*
قولك وهرجاتك وخرط على الكير
تقول انا أبطش بالمعادي ولا أهاب*
أودعت روحك لاعرار ولاعميـر
وأسدّ من عمرو وأبا زيـد وذيـاب
ماتنطح العايل وعـن نيـة الخيـر
أبعد من الطايف عن الجدي لاغاب
حنا نخبرك قبل تنصب لنـا أميـر
مع الدجاج تسرّح الصبح وتجـاب
* الأذناب إلية الخروف ... أي ليس لك هم سوى ملىء بطنك وتطفلك
على الموائد ...
* يتهكم زيد بالأمير بأنه يقطّع الأرقارب بالهرج والسوالف وليس
له أفعال ماضيه أو حاضره ...
* هنا يلمز زيد على الأمير المعيّن بأنه صاحب كير أي صانع ...
من أشهر قصائده قالها متغنيا ببلدته قفار :
ياديرتي سمر الغرايب قباله
بشرقي أجا يازين زمة حيوره
يازين مويتها وبارد ظلاله
كنه من الجنه تطاها نهوره
لكن لجات العساكر محاله
او محمل الشامي تطابل زموره
من فوق دفاش تعادي محاله
وماء يحدره الولي من وعوره
حزة طلوع سهيل ياما عنا له
من البدو زافات تطابل سفوره
لو جمعت كل البوادي رحاله
أقفت من الهطلي تناضح سيوره
خطو الوديه شلته من هباله
بوع الى اصفرت مثاني عذوره
بالسيف حامينه بواتع رجاله
من كل طماع يبي من عشوره
ماساقت الخاوه لحي عنا له
ولاظنتي تخي بتوالي عصوره
الله يثبت بالمعزه رجاله
مابيه عن ميل حكمه وزوره
للغرس ندني من ضرايب جماله
حيل قنت غالي الشحم في ظهوره
تجذب دلي مبهمات حياله
من فوق مطوي تساعل بكوره
يزوغ عقل اللي مشى بالعماله
يزوغ عقله يوم ينهض بصوره.
قصيد زيد الخشيم في القهوه ومدحه نفسه بالشجاعه
لا ضاق صدري قمت اسوي من الكيف ××فنجال بن مايغيب سريبه
بكر على بكر عذي من العيف ××يطري على ان نام حطو الزريبه
وليا صبه لكن لونه الياشيف ××سلك الحرير الى تمهـل صبييبـه
صبه لمـرور براسـه زعانيـف ××اللـي الـى شبـت لهيبـه
ويثني عن الربع المقفين بالسيف ××لا صار في تال التفافيق ربيـه
وفينا محازمنا اسوات الكرانيف ××ومعنا خطاه ملظب لاح شبيـه
لعيون غيد شركت تنثر الليف ××اللي شكـا وارد قناهـا عسيبـه
بغربي قفار كنها مزنه الصيف ××شرق عن البطحا بجازع شعيبـه
اللي نماها للمسايير والضيف ××يوم ولـد النـذل حـارب قريبـه
صرنا لعدلات المناظر كلاليف ××ننجش لهم ملح الشفا كل غيبه
قصة المرحوم زيد الخشيم وماقامت به زوجته من كرم استثنائي عندما وفد عليهم بعض شيوخ عنزه فى قفار ...و
قولها المشهور ( تفضلوا على حلال اللي إلى غاب وصـّـى وإن حضر تقصـّـى )
زيد الخشيم لن أعرفه فهو أشهر من ان يعرف ...
زوجة المرحوم زيد الخشيم من جماعته الخشيمات (من بني خالد) وهي شما الخشيميه الملقبه بالصنيته وكانت
جميله للغايه وعلى قدر كبير من الذكاء والكرم وقد توفيت وهي فى عز الشباب وقد رثاها بقصيدة جميله تقول :
ياقبر ماتنبـاج عـن غـض الانهـاد
نشوف اللي عن شوف حي(ن) سلانى
لا واهنـي مـن علله يابـن حمـاد
تهلي وترحب وانـا أسمـع بأذانـي
لاشـك الـلـي تمنـيـت مايـعـاد
ولا تنكس الدنيا عـن الضيـم ثانـي
ياعين لو صحتي ونحتـي بالإجهـاد
للحشر مـا وضّـاح الانيـاب دانـي
يارب تجعلنـي الـى جيـت وفـاد
على مانحـب انـك عليـه تهدانـي
عليت ياللـى يالحشـا طـق الأوتـاد
بالجنـه العليـا عسـى لـك مكانـي
نـزه عـن الادنـاس ماجـاه نقـاد
يانافـل جيـلـه بـكـل المعـانـي
ماقط يخبـر زيـن مزمـوم الأنهـاد
لابـاول الدنيـا ولاآخـر زمـانـي
و قصة زيد الخشيم مع زوجته تشبه الى حد كبير قصة نمر بن عدوان مع زوجته وضحا فقد تزوج الخشيم العديد
من النساء فلم يجد فيهن واحده تماثل الصنيته وأخيرا إقتنع بفتاة من أقاربه لها بعض مزايا شماء الصنيته من حيث
القيام بالمهام المنزليه وحسب..
المواضيع المتشابهه
العرض العادي
