[poem=font="tahoma,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الحزن جوف القلب والدمع بالعين = فرقاك يا نايف علينا صعيبه
يا راعي السيف الحدب حامي الدين = موتك على الشعب السعودي مصيبه
لو يفرح الشمات يتحمل الدين = ويسدده برضاه ولا غصيبه
الفرس تضحك من يسار ومن ايمين = تضحك على موته بليا غليبه
الشعب كله نايف وله براهين = عدونا موته قدره ونصيبه
يا ناصر السنه فقدك الملايين = والمسلمين اقلوبهم لك قريبه
لك في سنام المجد فخر وعناوين = ولا فيه جرح الا لقيتوا طبيببه
مكه لها بالعصر الاول معادين = واعطيتهم درسٍ بوامر كتيبه
خليت راعي الشين ما يطري الشين = لنه دراء ياسيدي بك حريبه
ولارهاب ذوقته فنون الميادين = قطعت نسله من مكامن صليبه
يا سيدي يبكنك ام الوراعين = ويبكيك من خيم على الراس شيبه
انته عضيد الشعب في العسر واللين = ما يلحقه وانته عضيده غليبه
ياناصر السنه سليل الميامين = اقفابك اللي ما يشاور طليبه
يالله عسى قبرك رياض وبساتين = وفي جنة الفردوس تلقاء الحبيبه
[/poem]
المواضيع المتشابهه
العرض العادي
