لحظة وأجمل اللحظات دُعاش ومطر
بشارات من مودة وريد وضوء أخضر
لقيتا معاي قُصاد عينى ملاك وبشر
سألتها والسؤال طيِّب وبين إيديها كان دفتر
بتسأل عن كلام مكتوب ومن عنوانو بتفسَّر
بتتكَّلم بقدر الذوق وفي العينين كلام أكتر
عشنا الريدة بالإحساس في لمحة وداد وبصر
كتبنا علي العمر عاشقين وإتعاهدنا ما نخسر
نفرح بالأمل والحب ويبقى الشوق معانا سمر
نمد ايدينا للأفراح ونعزف بالاماني وتر
وتبقى النيه نتلمه ونكون في دارنا نتبختر
لكن قسوة الأيام علي ارواحنا كانت حر
بقول ليك الكلام الجد فراق عينيا جابو قدر
وزي ما سمعنا في الماضي بقولو علي الزمن أشتر
يفرق بين أحبة حُنان ويجمع بالخطاوي سفر
المواضيع المتشابهه
العرض العادي
