.. بسم الله الرحمن الرحيم ..
.. السلام عليكم ورحمة الله وبركاته ..
.. هذي قصيدة لا أعرف صاحبتها ..
.. لكن قالت هذه القصيده في زوجها بعد ما مات ..
.. وعسى أن تحوز هالقصيدة على رضاكم ..
[poem=font="Simplified Arabic,5,firebrick,normal,normal" bkcolor="transparent" bkimage="" border="double,6,darkred" type=0 line=1 align=center use=ex num="0,black"]
يا ونتي منها ظلوعي حطاما=على عشير بالهوى مات مغبون
شالوه من دار الحيا للعداما=ومن الحصا وتراب قاموا يكبّون
من عقب ما لفّوه بقماش خاما=قاموا على بيض النصايب ينصون
مات الحبيب ولا لحق له مراما=وبالله ياللي تدفنونه على الهون
حطوا نفق له عن سود الظلاما=ودي أزوره مثل ناس يزورون
وعايده نهار عيد الصياما=وأقابله و،رضي عيون يحنّون
عسى أليا سلّمت رد السلاما=وأهل الهوى والحب لازم يردون
أبي اتطوّى عند قبره أعواما=وش عاد لو قال الملا صار مجنون
شبيه خلي فوق كف النشاما=حر من اللي بالمقانص يهدون
جنسه قليل وغير خلي حراما=ولا علهم عقب الحبيب يولون
من أول أكتم حزين الهياما=واليوم باح السد ياللي تعذلون
ويلاه كيف الدود يمحي العظاما=ياكل جسد مضنون عيني وترضون
أرموا بجسمي مع وفي الغراما=هذا العزا ياللي بموته تعزون
ياراحل لدار الرضا والكراما=قله عشاشيقك من البعد يبكون
قل له عيون صويحبك ما تناما=يسهر وخلق الله بقربه ينامون
أما حياة في هنا ولتئاما=والا ممات أثنين بالعهد يوفون
هيّض عذابي نايحات الحماما=ظني لهم خل بفقده ينوحون
حياتنا غطى عليها الغماما=واجد اليا عشنا مع اللي يعيشون
لا واحسافه غاب بدر التماما=تحت التراب احبيّب الروح مدفون[/poem]
.. وسامحونا على قصور المعلومات عن القصيدة ..
.. بس أعجبتني وحبيت أنقلها لكم ..
.. ودمتم بود ..
المواضيع المتشابهه
مـات الغـضـي .. قصيدة حزينه ..
العرض العادي
