احتاج لك في ضيقتي لاتضايقت
واشتاق لك والشوق غلاب دايم
تبي الصحيح ! ..
اشتقت واشتقت واشتقت
اقطع من الضيقه فجوج الخرايم
محتاج افضفض لك .. بعد ماتطرّقت
ل [ طعوني ] اللي عند غيري غنايم
يمكن عشان اني بحبك تعلّقت
وعن غيرك من البيض قانع وشايم
لا تحسب ان المسأله مسألة وقت
انا كذا جوي من سنين غايم
اضحك وانا لاراق جوي ولا رقت
واسهر وكلٍ في حلا النوم نايم
من صكة اقدار الزمن مابعد فقت
في داخلي من جور وقتي هزايم
شفت انكساراتي بعيني .. ماصدّقت !
وأخفيتها عن لابسين العمايم
ياليتني فاللي تعدّى مادققّت
ماكان للوّنه تهّب النسايم
لكن عزاي .. اموت شامخ مادنقّت
لو لامني في غيبتي كل لايم
وان وفق الله يالحبيب وتوفقّت
ل [ مولد ] افراحي .. ذبحت التمايم
تحيتي
المواضيع المتشابهه
احتاج لك في ضيقتي لاتضايقت
العرض الشجري