.
.
.
إيه أعِرفِك رُوحْ وَاشْعُرْ بِكْ قَرِيبَه
إيه أحِسِّك نَبضْ وَانفَاسْ وجِرَاحْ
إيِه أعِرفِك بَسْ بَهْ حَاجَه عَجِيبَه
مَا أعِرفِك شَخْص أشعُر بِكْ رِيَاحْ
إيه أعِرفِك بَسْ أوصَافِكْ غَرِيبَه
كَنْي أعِرفِكْ لِيلْ وَالمَحْ بِكْ صُبَاحْ
مَدرِي كِنْتِ فِي عُمُرْ آخَر حَبيِبَه
مَدرِي كِنْتِ طِير مَكسُورْ الجِنَاحْ
الوِكَادْ أعْرِفْكْ بَسْ الأَمْرْ رِيبَه
أشعُرْ إِنَّا مِنْ زَمَنْ عَدَّى وِرَاحْ
مَدرِي كِنَّا بَهْ بَشَرْ أو كِنْتِ لِي بَه
جِذعِ وَآنَا كِنتْ لَجذُورِكْ بِطَاحْ
أو كِنِتْ بِستَانْ وَانتِ عَنْدَلِيبَه
بَه تِغَنِّي وتَصدَحِيْ النَغم المُبَاحْ
مَدرِي كِنتِ النُّورْ بِاشرَاقَه ومَغِيبَه
تَشرِقِي بعِينِي وتَغرُبْ بِكْ قِرَاحْ
فِينْ رُوحِكْ قَبلِ تُسكُنْ بِكْ رَبِيبَه
هُو صَحِيحْ الرُوحْ لا مِتنَا تُتَاحْ
في جَسَدْ آخَر بِ /ظِلَّه مِستَطِيبَه
أو ب /ظُلمَه تِرجِي اطلاق السَرَاحْ
ولا لِفَاه المُوتْ تَترِكه وتِسِيبَه
وتَنوَلِد فَرحَه عَلَى وَقعِ النُوَاحْ
فَرحِ قُوم ٍ عِندْ قُوم آخَر مُصِيبَه
كِلهُمْ ضِدِيْن مَبدَاهُم صِيَاحْ
شُوفِي بِالله شلُونْ تاخِذه وتِجِيبَه
عَقلِي أفكَارَه وَلا هُو الي استَرَاحْ
جَاوِبِينِي مَا أظُنْ غِيرِك يِجِيبَه
هَالسُؤَال اللي حِمَى رُوحِي استَبَاحْ
كِيف مَا عِرفِك وِرَغم اِنِّك قِرِيبَه ؟
وكِيف اعِرفِك لِيل وَالمَّحْ بِكْ صُبَاحْ ؟
.
.
.
.
إيه أعِرفِكْ .. !!
مَدرِي لَو كِنَا التَقِينَا .. فِي زِمَنْ غِيرْ الزِمَنْ
إيه أعِرفِك بَسْ مَدرِي .. كِنْتِ مَنْ وكِنْتْ مَنْ
مَا أظُنْ إنِي أعِرفِك
رَغْم إني زِين أعِرفِك
مَدرِي وشلوْن اِلتِقَنْ
إيه أعِرفِكْ .. !! / للعَذبْ : أكَرمْ التَلآوُيْ ..
...!!
العرض العادي
