جتني بشارة هوى مثل المطر واعذب
ـــــــــــــ بنت ٍ تقل تنهمر بشفاه شاربها !
قبلي مع العشق لا تقرا ولا تكتب !
ــــــــ مُهره وقبل السِبَق ماحدٍ مدربها !
تآخذ من الحسن لاترحَم ولا تتعب!
ـــــــــ تسلب من الملح مايرضي مطالبها
يسري بها الشعر لين الصبح مايقرب
ــــــــــ يقضي به الليل ما وصّف حواجبها
ماظنها لاعْطشت مثل البشر تشرب؟!
ــــــــــ الماء يجيها عطش ويحبّ يشربها
وقصيدتي لا انقرت بشفاهها..تطِرب !
ـــــــــــ اعجبّ بها وانبهر وشلون كاتبها!
اوضح من الشمس بعيوني ولاتغرب
ماحد ٍ يجي حولها والاّ يغيّبها
ـــــــــــــــــــ
لا قلت صدرك فضا قالت بعد وارحَب
ـــــــــــ اطلق جروحك هنا والضايعه جبها!
كل ما تشوف اليباس بداخلي تحطب
ـــــــــــ وليا شكرت زْعَلت وتقول واجبها !
لا نيشنت ضيقتي ما طوّلت ترّقب
ـــــــــــــ من قبَل تلقى غصن، تقدَر تصوبّها!
اصدق من الصدق لكن لاحْزنت تكذب
ـــــــــــ وتدفن ورى العين دمعات ٍ تعذبها !
ما اقوى من بعادها عنّي ولا اصعب
ــــــــــــــ الاّ الليالي بَعدْها كيف احسبّها
جتني بشارة هوى مثل المطر واعذب
ــــــــــــ بنت ٍ تقل تنهمر بشفاه شاربها !
للمبدع/ مشعل العبدالله..
المواضيع المتشابهه
قبلي مع العشق لا تقرا ولا تكتب ..
وفقكم الباري 
العرض العادي
