البوم شيلات المنشد/فهد مطر<<<قرووب همم

[الياسمين]

[frame="5 98"][align=center] بسم الله الرحمن الرحيم
السلام عليكم ورحمة الله وبركاته
الالبوم للمبدع فهد مطر بإسم [شيلات فهد مطر]



الالبوم يحتوي على 17 انشودة وشيلة ومن كلمات عدد من الشعراء مثل سليمان بن شريم وشالح بن هدلان وعبدالله القريفه
وبندر الرشود وخالد عبدالرحمن(مخاوي الليل)


ونبدأ الان بالاناشيد واتمنى بإذن الله انها تعجبكم وتحوز على رضاكم


1- ياجماعة كيف مافيكم حميّا - للشاعر: عبدالله بن قريفه المطيري

للإستماع

http://arabsh.com/sounds/0d36444a61/ياجماعه-wma.html

ياجماعه كيف مافيكم حميّا
كيف صيّاح الضحى ماتسمعونه
من يعاونّي على ربعٍ هنيّا
من بغى درب المراجل يمنعونه
المراجل ماتهياها السويّا
كود من عض النواجد في سنونه
ان بغيت الشح درب الطيب عيّا
حالفٍ ما ارد نفسي للمهونه
ماعليّه من منقلة الحكيّا
كان باب الرزق منهم يقطعونه
من لحومي الدانيه شفت الجفيّا
من بغى درب الشكاله يبهتونه




2- انا غرب واللي خاطري ينتحي له شرق - للشاعر: عبدالله بن عون

للإستماع
http://arabsh.com/sounds/0d36444a62/انا-غرب-wma.html



انا غرب واللي خاطري ينتحي له شرق
بعيدٍ وطن مضنون عيني عن اوطاني
حصل في غروب الشمس بيني وبينه فرق
عسى الله يقرّب دار من حبه اشقاني
اليا جاء لذيذ النوم يسرق عيوني سرق
ذكرته بعيد وعافت النوم الاعيانِ
الا يالله انك لا تعيد الحمام الورق
وراه يتلاحى بالطرب لين يشعاني
تولعت يوم انه شعاني بحلو الطرق
من الولف اظنه جاين الورق ماجاني
من اربع سنين ومهجة الروح فيها حرق
نتيجة ندب عينٍ سهمها تمثناني
وساع العيون الساحريّه طعنهن زرق
لها نظرة من صابته طاح وجعاني
سقى الله ليا قام يتكاشف علي البرق
وانا اشوف زوله بين ربعي وخلاني
تفتح لعيني يوم اشوفه وساع الطرق
وانا قبل اشوفه مثل يعقوب عميانِ
تهشم نظيره من هميل الدموع الزرق
عِمي لين جابوا له قميص ابنه الثاني




3- يالمور - للشاعر: عيد بن مربح الرشيدي

للإستماع
http://arabsh.com/sounds/0d36444a63/يالمور-wma.html




يالمور خذ خانة الخامس من اليمنى
تحتر تبرد ترى الاخلاق خربانه
والله ان تبطي وحنا ماتفاهمنا
مدام ميقوع ماعقبت قلبانه
لا تشكي الظلم حنا الوقت ظالمنا
دليل ظلمي تراك تشوف برهانه
البارحه مع ثلاث ايام مانمنا
مكينتك تشتغل والعين سهرانه
ان ادبرت شدنا يرخي محازمنا
نروي بدلوٍ يضيّع ماه شقّانه
وننادي اقرب صديق ولا يكلمنا
يبين وسم الغضب بأطراف حجّانه
وان اقبلت خصمنا يقضي لوازمنا
صداقه تستحل بيوت عدوانه
عز الله إنّا من الدنيا تعلمنا
درس صعيبٍ على التلميذ نسيانه
يالله تجيب الرفيق اللي يعلمنا
ابنشده عن غريب وحال عربانه
لو كان في بيت جدّانه محطمنا
ياوسع صدري ببيت جدّانه
لو المدى البعد مرينا وسلمنا
مير البلا شوفة الديّان ديّانه
يالمور خذ خانة الخامس من اليمنى
تحتر تبرد ترى الاخلاق خربانه






4- حي الله اللي يغيب ويسرع الردّه - للشاعر: سليمان بن شريم

للإستماع
http://arabsh.com/sounds/0d36444a6c/...ع-الر-wma.html


حي الله اللي يغيب ويسرع الردّه
اللي يجيني ليا منه تباطاني
قلبي يوده وحالي كنه القدّه
ودي بشوفه ودونه حوم عقباني
ياصاحبي جارك الله ويش هالصدّه
ماهو بحقٍ تولعني وتنساني
ان كان عندك حكى بي خامل السده
فأنت مصدق وانا حقي وماجاني
اهرج على ماتورّى والبخت بدّه
لا تستحي يابعد حيي وحيّاني
ترى حلاة الهوى لاطالت المده
ماهوب يومٍ صديق ويوم قوماني
وان كان منته مصافيني على الشده
وقت الرخا واجدٍ ربعي وصدقاني





5- الاشاوير - للشاعر: شالح بن هدلان

للإستماع

http://arabsh.com/sounds/0d374d436c/الاشاوير-wma.html

انا ليا كثرت الاشاوير ما اشير
حلفت ما آتي بارزٍ مادعاني
وانا خويّه بالليال المعاسير
ولا الرخى كلٍ يسد بمكاني
شوري ليا هجب توالي المظاهير
شلفا عليها رايب الدم قاني
شلفا معودها لجدع المشاهير
يوم السبايا كنها الديدحاني
مانيب خبلٍ مايعرف المعاذير
قدني على قطع الفرج مرجعاني
انسى الندى وحدرت صوب الجوافير
وان حدروا سندت لمريغاني
ناخذ بخير ان المريبخ مسايير
ومادبّر المولى على العبد كانِ







6- على خير اشوفك - للشاعر: عبدالله السياري الخالدي

للإستماع

http://arabsh.com/sounds/0d36444a60/...اشوفك-wma.html

على خير اشوفك كان حنا من الحيين
مصير الليالي تجمع الحي مع حيّه
سرى النوم مع مسراه واحفت دموع العين
كفوفٍ تكفه كفة الشمس للفيّه
بـ امان الكريم ارحل وانا في انتظارك لين
تدور الليالي دورةٍ ترجعك ليّه
لك الله ماعن ناظري غبت لو يومين
كواني فراقك كيّةٍ فوقها كيّه
ولا والله ارخصتك ولا شفت غيرك زين
انا ادري بحبك لي وانا صادق النيّه
اباصلك لو تبعد وانا حافي الرجلين
صريع الغواني لو جحد فيه ماريّه
تموت القلوب الخاليه بين زين وشين
وتعيش القلوب اللي على الود مبنيّه
ترى البعد بعد القلب ماهوب بعد العين
الا صار من ودعك يوعدك بالجيّه








7- تعال اسكن وسط صدري - للشاعر: عايض ناجي اليامي

للإستماع
http://arabsh.com/sounds/0d36444b66/...-صدري-wma.html


تعال اسكن وسط صدري وبدد وحشة الوجدان
واذا حسيت بالغربه تسلّى رتّب ضلوعي
تعال اسكن بصدرٍ ماتمتّع في دفاه انسان
سوى اللي من عرفت وحبهم بالقلب مشروعِ
هلا بك وسط صدري وانتبه للقلب والشريان
ماهو خوفٍ عليه الا غلاكم فيه مزروعِ
ياورد طايفي ياجوريٍ مايزرعه لبنان
ياهتّان الربيع المختلف بالكم والنوعِ
لفى طيفك ولج بمنزلك يالغالي التحنان
عسى طيفك بشوفك ياشفاة الروح متبوعِ
على وزن اليتيم اللي كتبته مامعاه اخوان
نويت اكتم مشاعر خاطرٍ بالحيل مليوعِ
علشان الوحيد اللي ذنوبه مالها غفران
ذكرته مانسيته لو ذنوبه فيني تروعِ
رقيق احساس والالماس منه يغار بالاثمان
كريمٍ في شعوره باتجاهي ماقطع جوعي
بخيلٍ بالوصل للي تجرع منة الحرمان
تقبلت الكرم بس البخل ماهو من طبوعي
قبل كانت مشاعر داخلية ضامها الكتمان
على صدفة تفجر في حشاي وتوقد شموعي
هلا ياوردة في خاطري ماضمها البستان
اسج احيان لكن لو ذكرتك ضاعت سنوعي
هلا ياللؤلؤ والمكنون في المحار يالمرجان
هلا يا سر سجّاة الخيال وسبة فزوعي
تعال اسكن وسط صدري وبدد وحشة الوجدان
واذا حسيت بالغربة تسلى رتب ضلوعي
تعال اسكن بصدرٍ ماتمتع في دفاه انسان
سوى اللي من عرفت وحبهم بالقلب مشروعِ



8- ودعتك الله ياوطن عنك ابغيب - للشاعر: حسن الشهراني

للإستماع

http://arabsh.com/sounds/0d36444865/ودعتك-الله-wma.html
ودعتك الله ياوطن عنك ابغيب
ودعتك الله فيك ناسِ عزازِ
مرفوع راسي مستهين المصاعيب
اسمي سعودي ويتجلى جوازي
عندي وطن عداه ربي العذاريب
كله تواريخٍ تزيد اعتزازي
ماله مثالٍ لا شروق ولا مغيب
يكفيني ان به مسجدين الحجازِ
يكفيني ان به والديني اهل الطيب
يكفيني ان به عزوتي واعتنازي
ولا انسى به أخواني فيلحقني العيب
داموا معي مااحتاج بندق وغازِ
ودعتك الله كرت الاقلاع بالجيب
مضطر ابسافر واقفل جهازي
ودعتك الله ياوطن عنك ابغيب
ودعتك الله فيك ناسٍ عزازِ




9- سراب وضحكةٍ صفراء - للشاعر: علي المفضي

للإستماع
http://arabsh.com/sounds/0d36444b61/سراب-wma.html



سراب وضحكةٍ صفراء بلا رحمه وامل كذاب
واحاديثٍ تدوس من البياض اللون والمعنى
تزور عيوننا نفحة هناء وتموت عند الباب
تذبح صادق النيّه وتسري في مواجعنا
نسد الدرب في وجه الظنون ونجرح البواب
نمشي في طريق الصبح لين اللين يصفعنا
مجانين البياض قلوبنا تضحك ولا ترتاب
ولو شمس الهجير تذيب املنا في مرابعنا
نفيض اخلاص نعطي من محبتنا بدون حساب
نحسب الناس كل الناس نسخه من طبايعنا
نرش الدرب للنشوان ولعينه نصير اهداب
ونبكي لابكى المجروح حر بكاه يدفعنا
نحب النور لأجل النور لو نور النواظر ذاب
تحملنا عنانا لو غرقنا في مدامعنا
لنا في هامة العليا سكن ومن النهار ثياب
لنا من نفحة الطيب الشذى والحق يقنعنا
نعيش اغراب بين الناس وان متنا نموت اغراب
تنسانا العيون اللي لأجل سلوانها ضعنا
غلط لكن وش الحيله طبيعه والطبع غلاب
نتوب وننقض التوبه ونور الصدق يتبعنا









10- ودعتك الله على حروة لقا - للشاعر: عثمان الشهري

للإستماع
http://arabsh.com/sounds/0d36444b6c/...-لقاء-wma.html


ودعتك الله على حروة لقا
رح والوفاء في زهابي داخره
بأبقى على ماتظنه وتهقى
ميناء الامل في انتظار الباخره
مايقطن الياس فيني لو بقى
في العمر يوم احتريتك لآخره
حسبي على الوقت فينا ما اتقى
ربه بهدم الحياه الفاخره
ضحك لنا في البدايه لا سقى
يوم انضحك فيه ضحكه ساخره
اخذك مني وقلبي مالقى
نبضه وسوس المفارق ناخره
وألمك من قلبي لعيني رقى
واحداث الاثنين فيني زاخره
استدرج العين وان جات بتقى
هليت شئٍ بها لك ذاخره
ستارة الصدر بوابة شقا
الحزن بيته وراها صاخره
تعال انا ماني والصبر اصدقاء
بيّحت عودي على مباخره
روحي تحبك على وضح النقا
وان رحت راحت وهي متفاخره
اذا سمعت النبأ لك البقى
والله يسامحك دنيا واخره










[/align][/frame]

[شمس الرائدية]

’’

آختيار رائع ..

تسلم يدينك ي آلغلا ..’’

[الدووووخي]

اختياااااااااااااار رااائــع ..

الف شكر ..

[دانة الكون]

البوم راااائع
و اختيار مميز

الله يعطيك العافيه.

[مصقوعه بقدر]

البـــــــــــوم جميل

يعطيك العافيه

[الياسمين]

الرائع توووواجدكم

[خفجاااويه]

تسلمين يا فممممممممممممممممر

وسلمت يمنااااااااااااك

[صانع الإبداع]

’’

ألبوم رآآآئع ..
الله يعطيك العآفية ..

[ححرف!]

!




مجججهود رائع منكم .. !
الفف شكر لكم والله يوفقكم .. !!

[بشاش]

سلمت على الموضوع



يعطيك العافية