مليون بوسه مـــــا تسد اعجابي
والله ولا تسوى حـــــلاة عيونك
اضحك ترا حبك غدا مـحـــرابي
فيه ابتهل يا دنيتي وآصــــونك
أهواك ليما الليل سد ابــــوابــي
وأقراك ليما الصبح شاف جفونك
روحي اضمك في عظيم كــتــابـي
وأنزف على صدر الورق "مجنونك"
واكتبك لين الحبر عـــدا اعتابي
وادري قصيدي ما يجيب ردونك !
لو قلت"أحبك"كل قلب (ن) ذابِ
الحب وأهل الحب مــــا يشرونك
وإن قلت " أعيشك " ظنني كذابِ
والله واتنفس صـــغـــيــر شؤونك
مليون جرح (ن) مـــا يسد عتابي
لو قلت أنـــــا أقدر أسير بدونك
وشهي الحياة إن ما عشت بأهدابي
وش هو أنـا إن ما سكنت متونك
كلي عشقتك مـــا بقى بــــأعنابي
شي (ن) تحبه غير باس جنونك
بوسه على بوسه تزيد حـسـابي
مليون مــن قلبي وأبــي مليونك
خلني بروحك جنتك واحيا بي
اضحك وفرِّحْ بــالهوى مضنونك
بالله أحبك دوك كــل أسـبـابي
دونتها في بــــوســتــي لعيونك
العرض العادي
