السلام عليكم ورحمة الله
.
.
وأسعد الله أوقاتكم بكل خير
لايختلف اثنان على أن الشعر الشعبي يمر خلال هذه السنوات بذروة ازدهاره وذلك بظهور أجيال من الشعراء الشباب الذين استطاعوا الجمع بين أصالة الموروث الشعبي وثقافة وتطوّر المدنية الحديثة في قصائدهم ... وتطول القائمه بأسماء أولئك الشعراء ... ومنهم الشاعر المبدع :
سعود عبدالله بن مهدي العجمي
وهو أحد الشعراء الذين يكتبون الشعر بإحساس صادق وجميل
حيث أنه أحب الشعر للشعر ...
وتمتاز قصائده بالجزاله والسلاسه والثقافه وروعة التصاوير .. ولنبرة (الحزن) المميزه في قصائد سعود الشئ المميز!
حيث يقول :
( الحزن و الحرمان والهم و سعود)
اربع معاني,, انجلـت (بالابـاده)
الا ((( سؤااالٍ ))) ولّع القلب وتزود
ناره وتحرق مابقى مـن ,, اراده
(( هل الذي يبذل بدنياه مجهـود!!
يلقى بذا الدنيا نصيب اجتهـاده؟ ))
وتميّز سعود بقصائد (الحكمه) والتي تدل على شاعريه كبيره .. حيث يقول :
اذا الفتى ماشال بالصبـر همـه
يموت مايلقـى ويجنـي ثمـاره
وان ماتعزوا فيه خالـه وعمـه
يقعد مع الشوفات في وسط داره
وان كان ماعاش لرضا ابيه وامه
ولا ترى باقي حياته ! خسـاره
وله كذلك :
احد يجي ويغيب .. مادورت ظرفه ؟
و احد ٍ تطٌول غيبته ! ما غاب زولـه
تعلّم تفكر ؟ قبل مـا تجيـك قرفـه
ترى ! .. عقول الناس ماهي بمعسوله
ما هو ( مهم ) ؟ انك تقول اللي تعرفه
بس ( المهم ) ! انك تعرف اللي تقولـه
وأيضآ :
اما تجي الفزعه من الراس للراس ؟
ولا فـلا للنـاس بالنـاس حاجـه
وواحده من الفرائد يقول فيها :
مهما تجٌملت وفعلت الطيب .. لاترجي اجـر
المودمي .. ما يملا عينه بالزمن كود التراب
لو كل كلب ٍ لا نبح لقٌمت في حلقـه حجـر
بتخلٌص الاحجار عندي ولا سكت نبح الكلاب
والحكمه هنا غير شكل
نكتم ونشكي من الاحـزان فـي خلـوه
واليوم ؟ في صمت ... لا نكتم ولا نشكي
لو ان ؟ دنيا الشقـا ياصاحبـي حلـوه
ماكان ؟ شفت الطفل يولد وهو يبكي !!!
ولـ(فراق) الحبايب الأثر الأكبر .. حيث انك تشعر أن الحرف دمعآ .. وان الكلمات تخرج تلقائيآ من القلب إلى القلب ...
يقول سعود :
يوم راحت معك ( لحظات ) عمري تبوع
جيت ادور على ( لحظه ) مضت لي معاك
ماتذكرت !! غير اللحظـه اللـي تلـوع
يوم قلتي الـوداع .. وسمـح الله خطـاك
ويقول في أحد القصائد :
شوف .. وش صرنا وشوف .. شلون كنا ؟
يـوم ممشانـا ,, علـى نفـس الوتـيـره
افترقنـا صـرت مـنـا وانــت مـنـا
وانتهـى وقـت ٍ جمعنـا فـي حـريـره
وكذلك :
تصدقين !! اني نسيت .. انك نسيتيني
وتصدقين !! اني ذكرت ؟ .. اني نسيت انسى
كنت احسب ان الصد قاسي ؟ لاجفيتيني
حتى ! تفارقنا وعرفت .. ان الفراق اقسى !
ويقول :
ماذبحني غير دمعه .. جات من عقب ابتسامه
ولاقهرني غير شي ٍ شفت .. عمره ؟ ماطرالي
ياهبايب ذعذعي صوبـي وغنـي ياحمامـه
الندم مافاد مخطي .. والبكـى مـارد غالـي
وبـ(العتاب) أجاد سعود إجاده كبيره .. حيث أنك تشعر بقصائده كأنها شعورك .. وأنها تحكي لسان حال المغرم الذي فارق أحبابه دون رغبه ... او ان أحبابه بخلوا بالوصل واللقاء !!
يقول سعود :
ياهل الهوى .. وين اللي قدره عن جميع الناس فاق
وينه تركني ! مالتفت صوبي ولا كنـه يـرى ؟
المشكلـه ماهـي جفـا ولا وداع ولا فــراق !
المشكله لامن هويـت انسـان عنـك مـادرى ؟
وفي احدى روائعه يقول :
حس فيني ! وارحم عيون ٍ سهيره
مابي الا شي ؟ وعيوني تريّـت
شي واحد بس !! مابي شي غيره
موت فيني مثل ماني فيك ميّت ؟
وهنا عتاب ممزوج بحسره :
تدري ؟ متى ! تخنقني العبره واحس أني وحيد
لا قلت : تامرني بشي ؟ وقلت لي : سلامتـك
وهنا عتاب وانذار شديد اللهجه
توك تجي ! مشتاق ؟ .. لا لا تأخرت
فـات الآوان و ذكرياتـك عتيـمـه
خلاص انا عقب المفـارق تغيـرت
حتى العذر .. ما عاد للعـذر قيمـه
ويحذر سعود من التكبّر في هذه اللوحه الجميله
كانـك ! تكابـر بالتغلـي .. ولاتـبـت
فـلا .. تصيـر انسـان .. للـود جاحـد
بتعرف لامن غبت عني ! .. وانا غبـت !
وشلون ؟ ( موت اثنين ) في ( وقت واحد )
وفي صفحة (الحب) .. وشوق اللقاء تميّزت قصائد سعود بالواقعيه حيث يملأ فراغات وأسطر العشق بأجمل ألوان المحبه والغرام ..
يقول سعود :
كل جرح ٍ من < فراقك > لانويت اجيب ,, طبه
بذكر أنك كنت غالي ؟ وكنـت للقلـب اشتياقـه
اخذ مني * قاعده * صارت بفكر العقـل قبـه
واخذها مني * قناعه * في & مفاهيم العلاقه &
ممكن ! بيوم ( الصداقه ) تكبر وتصبح ( محبه )
بس لا يمكن ؟ بيوم (( الحب يتحول صداقـه))
وللصراحه جمال ...
تظهر هنا :
قلت : من هـو اللـي ؟ تحبيـن ورحـل !
طـال صمـت الليـل فيهـا ليـن لـنـت
قلت : من! هو! اللـي !! تحبينـه اجـل ؟؟
اضحكت لي بالدموع .. وقالت : انت !!!!؟؟
وهنا الصمت أبلغ من الكلام (لله درك يابوعبدالله)
الصوت ماينفـع ؟ ليـا فاتنـي الفـوت
والفوت ما وصل لصوتي .. وصاتـي
يمكن ؟ اكون بدنيتك ,, حـب مكبـوت
ويمكـن تكونيـن ؟ بحياتـي وفـاتـي
ماعاد تفرق ؟ بيـن فرقـاك والمـوت!
مدامك انتي ( الروح ) وقربك ( حياتي )
ربمّا هنا طغت الانانيه ولكنه الحب .. وسعود يقول :
اسمع ( وصاتي ) قبل لاتدمع العين
لا اعلنت عن دنيا المحبه مسيـري
اذا تفارقنا .. ابـي منـك شييـن
مابيك تكرهني .. ولاتحب غيري !
وللأحلام والآمال .. في هذه القصيده .. ابداع :
ليا اشرقت شمس الضحى .. راح بالي !
واذكر جـروح ٍ .. بالحشـا محتويهـا
ان جيت .. اشوف الناس تضحك قبالي
وان رحت .. شفت الدار تبكـي عليهـا
ياليتنـي يـا ليـل .. معهـا لحـالـي
في ديرة ٍ .. ماتشـرق الشمـس فيهـا
وهنا الإختيار الأصعب ...
قالت لي : يا سعود .. أأسمعني و أأعذرنـي ؟
مــاودي اردك بحـاجـه ؟ ولا اديـنــك
ان جيت تطلبنـي شـي ٍ ؟؟؟ فيـه تجبرنـي
احتار !!! واسكت .. واحط ايدي على ايدينـك
اخاف ... لا قلت : ( لا ) تبعد وتهجرنـي !!؟
واخاف ... لا قلت : ( ايه ) آطيح من عينك !؟
و(للتحدي) ... والكبرياء حضور لأحرف سعود .. اخترت منهما هاذان البيتان :
تراني حساس ؟ وانتا !! تجرح احساسي ؟
وجرح الاحاسيس .. عندي اكبر مصيبـه
الله يعينـك !؟ اذا حطيـتـك بـراسـي
لني لاحطيت شي براسي ,,, اجيبـه !!!
نهايةً لاحظنا كثافة الإبداع والشعر الراقي الذي يكتبه المبدع : سعود بن مهدي
وأتمنى له من كل قلبي .. استمرار هذا الإبداع وأن يحقق سعود طموحه الشعري ... وتصل ابداعاته إلى كل متذوق للشعر الجميل والرائع ..
وفي الختام أترككم مع هذه السيمفونيه الرائعه التي يعزفها المبدع سعود بن مهدي
ياسيد ( القلب ) .. جيتـك ضايـق ٍ صـدري
والناس فـي ضيقتـي .. ماظـن ؟ تدريبـي
ان كاني ! اخطيت في حقك .. وانا مـدري ؟
بعـتـذر والـزمـن كـافـل بتهـذيـبـي
غيرك ؟ بكى دم ,, يومه ماعـرف ! قـدري
وراح يترجـى .. يلبـي لــي مطاليـبـي
علمني الوقت .. كيف اقسـى علـى عمـري
والله يـرحـم مــن اهـدانـي عذاريـبـي
ان راح عمري ؟ بلا معنى ,, وانا بصغـري
بكـره شسـوي إلامنـه .. طغـى شيـبـي
كني على الحزن ضيف .. ودمعتـي صبـري
اليـن ! مـا صـارت همومـي معازيـبـي
ادري ! ان (( كلي عيوب )) .. وطيبتي عذري
واكبر عيوبـي ! مـع العالـم كثـر طيبـي
الظاهر ان الفراق المر .. جـا ( بـدري ) ؟
لكـن ؟ الاكيـد السبـب بفراقنـا ! عيـبـي
ياليتني !! قبـل لا امشـي ! وقبـل اسـري
لو يـوم واحـد معـك ! تصفـى مشاريبـي
ودي ا شوفك ثواني .. وانت ؟ ما تـدري !!
واقول : يا نفس .. من شوف الغضي طيبـي
(( أعتذر لسعود قبلكم إن قصرت في إظهار هذه الشاعريه بالصوره الصحيحيه .. حيث أنني لا أعتبر نفسي كاتب ولا ناقد .. أكثر مما اعتبر نفسي متنفس للشعر الجميل ))
وترقبـووو سعـود معنــا
وتقبلوا مني فائق الود والإحترام
أ
خ
و
ك
م
:
:
:
العرض العادي
