اربع حيوانات ، من التراث

[اميرة]

الاسد والثعلب والفأر والقرد





الاسد جائع .. شاف الثعلب ... هجم عليه بدو ياكله



الثعلب: له يا اسد ، ليش بتهجم علي ؟؟


الاسد : جوعان بدي اكلك.


الثعلب المكار : عامل حالك شجاع وبتهجم علي وانا مش جايب قوتي معي ؟؟






الاسد : كيف يعني مش جايب قوتك معك ؟؟

الثعلب : عادي. احنا الثعالب ممكن جدا نترك قوتنا في مكان وبعدين نرجع ناخذها ، انا اليوم تركت قوتي في البيت، وانت عامل حالك شجاع وبتهجم علي وانا مش جايب قوتي ؟؟ اذا كنت شجاع فعلا وملك الغابة بحق استناني لما اجيب قوتي وبعدها اشوف مين اللي الاقوى انا ولا انت .

الاسد : اف ، شو بتفكر حالك ؟ شو كانت قوتك ؟ شو بتقدر تعمل ؟؟

الثعلب : استناني بجيب قوتي وبرجع لك ، والله الا امرمشك. ( يعني اكل عظمك مش بس لحمك )

الاسد غضب : اعلى ما في خيلك اركب .. انا بستناك واشوف هالقوة اللي بتحكي عنها .

الثعلب: يا سلام !! اروح اجيب قوتي من البيت ، ولما ارجع تكون هارب ؟؟ شو الضمان انك راح تستناني ؟؟

الاسد: ولك بدك ضمان من ملك الغابة ؟؟ فعلا اللي اختشوا ماتوا .

الثعلب: طبعا بدي ضمان . شكلك مش متخيل قوة الثعلب الحقيقية .

الاسد : خذ الضمان اللي بدك اياه .

الثعلب: الحل الوحيد اني اجيب حبل واربطك في مكانك حتى اضمن انك مش راح تهرب

الاسد : بسيطة موافق.

الثعلب: ربط الاسد، وشد الحبل باحكام والاسد ما قدر يتحرك . وبعدها صار الثعلب يرقص حول الاسد ويضحك عليه ويقول له: يا اهبل ، يا متخلف ، يا غبي . قوتي في تفكيري مش في عضلاتي .. شوف كيف تحايلت عليك وخليتك مربوط ما بتقدر تتحرك ، وانت اللي كنت جاي تاكلني هههههه، انت ملك الغابة صح، وقوي صح ، بس حمااااااااااااااار .


وراح الثعلب وترك الاسد.... الاسد يزمجر ، لكن صوت عالفاضي ، عاجز عن الحركة .. حتى مر من عنده فار .

الفار: مالك يا ملك الغابة؟






الاسد: شوف الثعلب المكار شو عمل في، خدعني وضحك علي.. وحكى له القصة .

الفار: وااااااااااااال ضحك عليك وربطك .. اخص على هالزمن !!! ثعلب يربط الاسد ؟؟ الله اكبر !!! طيب ايش الحل ؟؟

الاسد: الحل بايدك انت .

الفار : كيف؟

الاسد: انت الوحيد اللي بتقدر تقطع الحبل باسنانك .

الفار: اقطع الحبل وبعدها تاكلني ؟؟

الاسد: اقطع الحبل والك الامان . انا ما بدي شيء الا اني اكون حر ، بعد اللي صار في ما بقدر ارفع عيني باصغر حيوان في الغابة، انا اسد وملك بس تبهدلت على ايد الثعلب.

الفار: قطع الحبل باسنانه وهرب .

راح الاسد على بيته ، وحمل اغراضه وامتعته وعصاه، وقرر يهاجر من الغابة .. شافه القرد.


القرد: وين يا ملك الغابة ؟؟ اللي بشوفك بقول انك راحل .




الاسد : انا فعلا راحل.

الاقرد: اف !! حدا في الدنيا بكون ملك وبرحل من مملكته وبتركها ؟؟ !! شو هالزمن الاعوج ؟؟

الاسد: المكان اللي بربط فيه الثعلب، وبحل فيه الفار ، ما بنعاش فيه .


انتهى


الا ترى ان هذه القصة التراثية تنطبق على حالنا اليوم ؟؟ الا ترى ان الرجل المناسب في المكان المناسب في الكتب المنهجية فقط ؟؟ الا ترى ان العقل اقوى من العضلات !!!

[سـَمآ ♪]

الله يعطيك الف عافيه...|~

[دانة الكون]

الله يعطيك العافيه.

[الدووووخي]

الله يعطيك العافيه على الطرح ..

[ضحكة خجولة]

شـكــ وبارك الله فيك ـــرا لك ... لك مني أجمل تحية .

[alaawi]

الله يعطيك العافيه ..

موضوع تشكر عليه..

مشكوووووور ...

[مستحيل اجرح]

شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم

[شمس الرائدية]

’


آطروحه رآئعه ..
سلمت آلآيادي و بإنتظآر جديدك ..’’

[ثلجة وردية]

يعطيك الف عاافيه
شكري وتقديري لك ع الطرح الرااائع
ودي وآحترامي