ياصاحبي لا تلعـن النـاس والوقـت
النـاس ضاقـت مـن خفايـا وجعهـا
حاول تبرّق بالزمـن .. كـان برقـتّ
سنـة إلــة الـكـون ربــي وضعـهـا
صبرك على بلواك لو ذقت ماذقـت
وان طولّـت لا تسمـع بقـول بعـهـا
ياكثـر ماشفـت بحياتـي ولا ضقـت
لو ضـاق صـدري ونتـي ماسمعهـا
ضاقت مسافات الوطا كل ماشتقـت
ماتتـبـع النـفـس العـزيـزه ولعـهـا
لا مرت الذكرى على البـال مافقـت
أنزف قصيـدي فـي غياهـب دلعهـا
يـا كذبـةٍ فيهـا مـع الوقـت صدقـت
كــل الـمـواقـف بـالـوفـا مانفـعـهـا
صبرت صبر أيوب ماكنـي أرهقـت
مثـل الكريـم الـلـي عبـاتـه رقعـهـا
ماشكـي لغيـر الله مهمـا تضايـقـت
مثـل النـداوي لا تضـايـق شلعـهـا
أشوم عن بعض المشاريه لا سقت
خيـل الهقـاوي والرسـن مامنعـهـا
ياليتنـي فـي واقـعـي .. ماتحقـقـت
ماعفـت نــاسٍ عـذرهـا ماشفعـهـا
الـراس شامـخ ماذكـر بيـوم دنقـت
علـى الفخـر كـف الملامـه صفعهـا
ماجاد حظـي فـي زمانـي ولا رقـت
ولا جيت أدوّر عن خطاهـا سنعهـا
أموت وافي .. حالـفٍ يـوم مابقـت
نفسـي عـن الحقـران ربـي رفعهـا
ولو تشتكي للناس من لوعة الوقت
النـفـس ماتـبـرى خفـايـا وجـعـهـا
.
.
المواضيع المتشابهه
العرض العادي
