ملف
وأصبح ملفك داخل القلب معزول
وحفظت به من دم قلبي قصيدة
تحرير
وسويت لك تحرير عن كل مجهول
متوسطٍ بين الخفوق وريدة
عرض
وقدمت لك عرضٍ من القلب منقول
لأجل أثبت إنك بالضماير وحيدة
المفضلة
وبالمفظلة قلبي عن الغير محمول
... ما أضفت غيرك ياللي أخلاقك فريدة
الخلف .. الأمام
وللخلف لو ترجع ترى الخلف مقفول
رح للأمام وفك صفحة جديدة
عنوان
وأكتب على العنوان للغير مشغول
حنّا سكنّا وأرسلي في بريدة
تسجيل الخروج
وإن كان ودك تترك القلب مشغول
سجل خروج وشب فيني وقيده
إيقاف
وإن شفتني هالك على الدرب لا حول
أضغط على إيقاف وأقري القصيدة
تحديث
وأضغط على تحديث وتشوف مدلول
وكل الكلام اللي قريته تعيده
المواضيع المتشابهه
العرض العادي
