بسم الله الرحمن الرحيم
البارحه هضت قيفاني وهـاضـتني
هواجسن جات مجتمعات وأشتاتي
هواجسن لابغيت أسج بـارتـني
وأكن من خـوف بعض الـناس عبراتي
أخاف من واحدن توي مصادقني
يضحك وألا غبت نمام<ن> وشمــاتـي
هاذاك مابغـاهـ ودي به يفارقني
وصداقته غلطتن من كبـر غلطـاتي
رفيقي اللي لما احتجته يشاركني
والطيب لجدادهـ المـــــــــاضين عاداتي
ياسيف أنا يا خوك قلبي معذبني
وأنتو صغارن وفي ذا السن بوراتي
بوصيك يازرع قلبي ربًك تفهمني
بوصيك يامسندي في خمس خصلاتي
الأوله طلبت اللي مدتـه تغــني
عالم دبيـب النــمل في ليل ظلماتي
والثانيه عز جارك والقدر مثني
ولا يجي لك عند الجــار هقواتي
والثالثه ألا لفاك الضيف متعني
أقره وخل خلفـك على جزل العطياتي
والرابعه يافتى لا تخلف الظني ِ
لما لفـى واحــد <ن> له فيك هقواتي
والخامسه ضم مالك ومن زرع يجني
الوقت لا تـــــامنه ترا فيه عولاتي
انشــاء الله انها تحوز على رضــاكم واعذرونا على القصور والتاخير ....
المواضيع المتشابهه
العرض العادي
