نحن و العرب والعالم .....

[مسبار]

اسم السلسلة: نحن والعرب والعالم


بقلم واحد مصري


السعوديون يتمتعون بروح الفكاهة , ويعشقون الضحك أكثر من عشقهم لكرة القدم , وبمجرد أن يعرف طال عمره , أن جنابك يا باشا مصرى , حتى يطالبك بآخر نكتة , ظناً منه أن كل مصرى , من سلالة عادل إمام , وأنه قد ملأ شنطة هدومه , بجوار القمصان والفانلات , نكت وفوازير وقفشات , وأنه مهما كانت مصر نكد فى نكد , فبرضه المصريين دول وتد , ومهما اتظبطوا , مش ممكن يعيطوا


ولكن آخر ما كنت أتوقعه , أن يكون الأخوة السعوديون , بهذا الكممن خفة الدم , ولكن يبدو أن العيشة المريَحة , تحب البحبحة , وقد وردنى من أحد الأصدقاء السعوديين , نكتة متداولة بينهم هذه الأيام ,قد تتجاوز مستوى الإضحاك , إلى جعلك تستلقى على قفاك , وإما تفكر فى مغزاها , أوتضحك وخلاص عليها , وإليكم النكتة كما سمعتها


أعلنت شركة أمريكية عن مناقصة , لبناء سور حول أحد مشروعاتها , وتقدم للمناقصة ثلاثة مقاولين أجانب , الأول هندى , والثانى فلبينى , والثالث سعودى


وعند فتح المظاريف ,كانت العطاءات كالتالى : الهندىطلب 5 مليون دولار , الفلبينى طلب 10 مليون دولار , السعودى طلب 15 مليون دولار


وإستدعت اللجنة المقاول السعودى , وقالوا له : نحن لم نستدعيك لترسية المناقصة عليك


فقال لهم : ولكنى متأكد من رسوها علي


فقالوا له : كيف وأنت قدمت أعلى العطاءات وهو 15 مليون دولار


فقال لهم : وأعلم أيضاً أن الهندى قدم 5 مليون , والفلبينى قدم 10 مليون


فقالوا له : وكيف نرسيه عليك


فقال لهم: المسألة بسيطة , أنا آخد 5 مليون , وأعطى أعضاء اللجنة 5 مليون


فقالوا له: وماذا عن 5 مليون الأخيرة


فقال لهم: وش اتجنيتوا انتوا , هادى للهندى اللى راح يبنى السور


والسعوديون يجيدون فنون الوساطة , وكسب المال من تسليك الأمور, ونظراً لإرتفاع نسبة البطالة, بين الشباب السعودى , والتى وصلت لمعدلات كبيرة , حتى صار عادياً جداً , أن يسألك واحد سعودى عن وظيفة بالشركة تبعك, وأنت لا تملك بالطبع مساعدته , لسببين : الأول بالطبع , إن جنابك مهما علا قدرك , فى الشركة بتاعتك , لكن ما لكش لا فى الطور ولا فىالطحين , وخصوصا فى حكاية التعيين , ثانياً : الأخ يبحث عن عمل مكتبى براتب , مش أقل من 5000 ريال , وهو الحد الأدنى المحدد من الحكومة للسعوديين, بينما الأجنبى ممكن ياخد 1500 بس, وبالتالى الشركات الخاصة تتحايل على ذلك , بأن يقوم الشيخ صاحب الشركة , بتعيين العيلة وعيلة العيلة على الورق فقط , لإستكمال نسبة السعودة "25%" , وهى نسبة العمالة السعودية , التى يجب تواجدها بأى شركة خاصة , ثم إستقدامعمالة اجنبية , برواتب على القد , وبيشتغلواجد الجد , يوم الجمعة وكمان يوم الحد


ولجأت الحكومة , لحل مشكلة البطالة , بإلزام الشركات بتعيين مندوبين سعوديين , لتخليص الأوراق مع الهيئات الحكومية , وطبعاً الشركات الصغيرة , مش بتعين حد , فيكون الحل بالطبع , هو تخليص المعاملة مع مندوب , واقف على باب المصلحة , نظير مبلغ متفق عليه , والنتيجة أنك تجد عشرات , من المندوبين مستنيين , على باب أى مصلحةحكومية , فى إنتظارالزبائن الأجانب


ونظراً لأن السعوديين , لا يحبون الأعمال الحرفية , فمستحيل أن تجد , سباك أو كهربائى ولا مؤاخذة سعودى , فالحل لهذه المسألة, هو بيع السجلات التجارية ,وطبعاً طبيعى إنك تلاقى , بقالة رشا , وصالون حلاقة لمى, ومطعم رجاء , ودول بقى سيدات الأعمال , اللى بيقولك أنهم فى الخليج , قاعدين فى البيوت , وأسماؤهم بس على اليفط , يعنى لو عايز تفتح , ميكانيكى واللا سمكرى سيارات , يبقى لازم يكون بإسم سعودى , شركة بينك وبينه , لكن رسمى إنت شغال عنده , وهوا كفيلك فى المكسب طبعاً , لكن فى الخسارة ميعرفكش , والبعض الآخر , بياخد مبلغ مقطوع كل شهر , ويريح دماغه ,مع عدم مسؤوليته عن أىحاجة


وطبعاً لو السعودى , معجبوش الحال , أو طمع فى فلوس أكتر , خصوصاً لو شافك بتكبر , وعديت وركبت لاندكروزر , أكيد هيقولك هات يا حلو , يبقى حضرتك لازم تدفع , أوممكن يكنسلك "يلغى الأقامة " , وساعتها كل حساباتك فى البنوك هتتجمد , وسيارتك اللى أكيد بالتقسيط هتتسحب , ومهما كنت هناك يا حلو غنى , هترجع يا مولاى كما خلقتنى , وتترحل من هناكيا أمور , زى الهندى اللى هيبنى السور !!!

0


منقووووووووووول

[صانع الإبداع]

~ * ~
سلمت
والله يعطيك العاااافية
~ * ~

[عاشق القمم]

.. يعطيك العافية ...!!