زوجوهـ وبيعقـــل..!

[شهوده]

بسم الله الرحمن الرحيم


السلام عليكم ورحمه الله وبركاته

اصبحنا نرى الكثير من المنحرفين في مجتمعنا وليس
المنحرفين سلوكيا فقط بل سلوكيا فكريا واخلاقيا وحتى عقائديا
إما بسبب سوء تربيه او بسبب المجتمع والأنحراف الأخلاقي
أصبح شائع وبكثره حتى بين فئة الفتيات ..
عندما يكون الفتى منحرف ويجلب عشرات المصائب في اليوم لأهله ,,,
تذهب الأم لأختها أو لصديقتها او لأي كان شاكيه ذاك الولد
المزعج المنحرف وبغض النظر عن نوع الأنحراف
وتهمس تلك الأخت في اذن أختها مسعفة اياها بالحل السريع
( اسمعي كلامي وانا اختك زوجيه وبيعقل)

ياللهول ...!
منحرف زوجوهـ
صايع زوجوهـ
خربان زوجوهـ
وبيعقل .. !

طيب واذا ماعقل ....؟
واحيانا يصرخ هو بأستهزاء تبوني أعقل

( زوجوني ).. !!

والبعض الأخر يقول زوجوني ولا بنحرف <<< وهذه الفئه مضحكه
لأنه إما ان يكون جادا في رغبته في الزواج او انه يجده سبب
مقنع لأنحرافه ..



ما اريد الوصول اليه
هل حقا هذا هو الحل لكل منحرف أخلاقيا وسلوكيا وانا اعني بكلمة منحرف شامله لكل شيء ..
هل حقا الزواج حل لكل منحرف..
حسنا فليكن ..

تزوج الفتى.. لكنه لم ينصلح ؟؟
هل من الجائز أن تكون الفتاة (بنات الناس ) حقل تجارب لمدى قابلية الرجل للإنصلاح من عدمها ؟؟

***
أرجو مشاركتي بأرائكم...

[نايف عايد]

يعطيك العافيه اختي شهوده على موضوعك..

فالزواح سبحان الله سببا في أستقرار النفس والتهدئه السلوك والطباع وهناك حالات كثيرة تغيرت بعد الزواج قد كانت سيئة السلوك في إلى أفضل..

فعدم أستقرار النفس وعدم أشباعها جنسيا ومعنويا سببا في إنحراف سلوك البعض وتفاوت إنخفاض الراحه في نفس والمحيط مايعكسه لنا سوء تصرف سوء سلوك الفرد المكبوت غرائزيا..


أما الزواج ففيه ستر لطرفين فقد يكون الطرفين مكبوتين غرائزيا والزواج فك لهذا الكبت والراحه..

ولا يأتي الزواج إلا بموافقة الطرفين والسؤال قبل التصريح بالموافقه..

فأرى هو الطريق الصحيح لتحسين السلوك خاصه المشاكسين..

نسأل الله للجميع التوفيق..

تحياتي لك واشواقي..

[شيخة الزين]

ايــه واللـه يـاشهـودة كثير مانسمـع هالجملــه [زوجــوهـ وبيعقـل] ويكـون هالولــد مو قـد المسؤليـة ودآشـر وبدوون وظيفــة وحـآلتـه يرثى لهـا !!
والبنت اللي يخطبوهـا له ويــن ضمير اهلـه يبلونهـا فيـه ترضونهـا على وحـدة من بنـآتكـم !!
وآآخــرشيئ تكونون دمرتـوا حيـاة بنت النــاس بالطـلآق ولكــن قبل كـذا انتــم يـاأهـل البنت لابــدمن السؤآل عن الشـآب مواي احــد تزوجونــه واهـم شيئ تسـألوون عن صلآتــه لأن الصلاة تهــذب الاخــلآق [[وتـرى في قلة نفــع هالمثــل معــاهــم بس مـآ أأيـــدهـ اطلآقا]]

تسلميــن شهــودة بـأنتظــآر جديدكـ

[شهوده]

نايف عايد
نعم الراي سلمت اناملك
يعطيك العافيه ع الطله
بانتظر باقي الاراء

[أبووصال]

انا اوافق الاخ نايف بانه لازم يكون هناك اخبار لكلا الطرفين , يعني يابنتي ترا هذا الرجال اللي جاء( سلوقي) بس ولد ناس تافه بس موظف سافل بس (عاد هذي مالها علاج) يعني لابد يخبرون البنت والمشكله بعض البنات تبي تتزوج وبس يعني هي تدري انها ماراح تصلحه لكن تقول احاول لانها تبي تهرب من جحيم اهلها الذي لايطاق الى جحيم الزوج هنا وقفه ...لابد ان الاهل يكون لهم دور في كذا يعني والله اعرف ان ولد فلان سربوت ليش نزوجه وهنا يجب يكون هناك توعيه من الجميع والاخذ بيد جميع الاطراف في سبيل تحقيق السعاده للجميع .
فالاهل الذين يمشون بهذه الطريقه انا اعتبرهم ظالمين لانفسهم ولغيرهم


اخوكم ابووصال

[شهوده]

شيخه الزين
الله يسسسسلمك
وصح لسسسسانك كلامك عين العقل
منوره

[شهوده]

اقتباس المشاركة الأصلية كتبت بواسطة أبووصال انا اوافق الاخ نايف بانه لازم يكون هناك اخبار لكلا الطرفين , يعني يابنتي ترا هذا الرجال اللي جاء( سلوقي) بس ولد ناس تافه بس موظف سافل بس (عاد هذي مالها علاج) يعني لابد يخبرون البنت والمشكله بعض البنات تبي تتزوج وبس يعني هي تدري انها ماراح تصلحه لكن تقول احاول لانها تبي تهرب من جحيم اهلها الذي لايطاق الى جحيم الزوج هنا وقفه ...لابد ان الاهل يكون لهم دور في كذا يعني والله اعرف ان ولد فلان سربوت ليش نزوجه وهنا يجب يكون هناك توعيه من الجميع والاخذ بيد جميع الاطراف في سبيل تحقيق السعاده للجميع . فالاهل الذين يمشون بهذه الطريقه انا اعتبرهم ظالمين لانفسهم ولغيرهم اخوكم ابووصال

والله كلامك صحيح ميه بالميه
بس ماتوقع فيه وحده بتتمنى اي واحد عشان جحيم اهلها
انتظار رجال سنع عشان صحيح افتك
مو اطلع من جحيم وادخل جحيم ثاني
مثل ما يقول صاحب المثل ’’جيتك ياعبد المعين تعين لقيتك ياعبد المعين تبي تُعاااان’’

يعطيك الف عافيه اخوي
والله لايحرمنا منك
منور

[دانة الكون]

هلا وغلا بشهوده
موضوع حلو بصراحه ومنشر بكثره
وضحاياه كثير.

وبالنسبه لتساؤلك:
لا طبعاً مو حل ابداً وفيه ظلم للطرف الاخر

وصح موجودين كثير من هذي الفئه
والمصيبه انهم يبلون بنات الناس وانتي وحظك عاد
تعدل كان بها
ما تعدل واستمر على حاله حياتك الي بتضيع
*اما انها تستمر معاه وتعاني
*او انها تتطلق وتصير سالفه الناس لانه الرجال ما يعيبه شيء بنظرهم .


انا الي قاهرني و ودي اعرفه ليش ما يعدلون ولدهم ليش يبلون بنات المسلمين
لا ويدورون العاقله يقولون تعقله وتعدله
انتم يا اهله عندكم من كم سنه ما عدلتو تبونها تعدله لكم "من شب على شيء شاب عليه"الا من رحم الله .

بس الي تنصح بزوجيه ويعقل
ترضين تكون بنتك بمكان هذي الزوجه وخاصه إذا كنتي تعرفينه وتعرفين سوالفه.
ما اعتقد ترضين فلا تظلمون بنات الناس بحجه العقل >>علموهم وهم لهم حريه القرار اما الخداع والغش حرام،،،
بتقولون ليش ما سالوا عنه!!!!
المتعارف عليه في مجتمعنا ان اي شخص تساله عن العريس
بيجاوب بالمدح وزين وايه وخاصه إذا كان موضوع زواج ويكون يعرفه
والعذر هنا
(نبيه ينصلح حاله ويتعدل )على حساب حياه شخص ثاني
(نبيها تروح بنصيبها ولا نقطع نصيبها )وبعدين وما اتفقوا ولا انصلح حاله وتطلقت وش استفادت هنا


يعطيك العافيه شهوده.

[شهوده]

دانه الكون
الله يعافيك انتي

أنا معك
بنات الناس ما هم محطات تجارب
رح عقّل ولدك أول وبعدين زوجه
إذا إنت ما قدرت تعقله فطبيعي إن البنت المسكينة ما راح تقدر عليه
إلا إذا كانوا أقوى منك .. وهذي نادراً ما تصير بحكم طبيعة النساء اللاتي خلقهن الله ضعيفات
منوره حبيبتي

[أبووصال]

اقتباس المشاركة الأصلية كتبت بواسطة شهوده والله كلامك صحيح ميه بالميه بس ماتوقع فيه وحده بتتمنى اي واحد عشان جحيم اهلها انتظار رجال سنع عشان صيح افتك مو اطلع من جحيم وادخل جحيم ثاني مثل ما يقول صاحب المثل ’’جيتك ياعبد المعين تعين لقيتك ياعبد المعين تبي تُعاااان’’ يعطيك الف عافيه اخوي والله لايحرمنا منك منور

اختي انتي تقولين كذا لانك ماتعرفي اللي انا اعرفه انا اعرف عائله كلموني مره قالوا ابووصال شف لبنتنا عريس .البنت عمرها 17سنه (الحين المنتدى كله يدور رقم ابووصال):d قلت ليش توها قالوا خوالها لان البنت طفشت عندهم اختها عمرها 14 سنه عندها تخلف عقلي فالبنت اختها دايم وراها ,الام تقول جيبي اختك ودي اختك غسلي اختك ناهيك عن اخر الليل تقوم البنت تضرب اخوانها وهم نايمين وتسببت في جروح قويه لهم لدرجة اني تكلمت مع الام وقلت حرام عليك تسوي بعيالك كذا وديها مستشفى ينومونها عندهم .قالت يابووصال قلبي مايسمح لي .قلت طيب عيالك الحين طفشوا من هالوضع وهذي بنتك تبي تتزوج هروب من الامر ولاتلومينها يعني تكلفينها بامور فيها نوع من الاشمئزاز .قالت اذا مابغت الباب مفتوح لها وتتزوج وبكيفها بس انا بنتي عندي .هنا لاتلومون البنت المسكينه ولاتلومون الام ولو اني اعتب على الام اكثر .
طبعا البنت المسكينه لو يجيها واحد متزوج والا مطلق والا خربان ماتزوج راح توافق علما ان عندنا طبيعه اذا كان ولد فلان ونعم .طيب ولد فلان خربان ويطيح في بنت الناس ويهملها .فتكون هنا صناعة الخطاء بداية من الاهل ....


ابووصال

الله يستر على البنت ويصلح امها ويهديها
صح الظنا غالي والبعيد والمريض اغلى بس مو معناتها تفرطين بمستقبل بنتك وتحملينها مسؤوليه وهي توها صغيره علشان يفضى الجو وتقل المشاكل.
والبنت الله يهديها ما تدري يمكن يجيها الي يعذبها ويوريها الويل وساعتها تتحسف وتتحسر على عيشتها قبل وتقول "ياليت و لو" بوقت ما تنفعها فيها.

مشكله مجتمعنا ولد فلان لا خلاص زوجوه ابوه رجال ماشاء الله عليه والكل يشهد له واخوه فيه وفيه لا عايلتهم ما عليها وجده كذا وكذا طيب "هو" الشخص المقصود من هذا كله وين موقعه من هالكلام بس علشان ابوه >>طيب وش الضمان انه نفس ابوه او باخلاق ابوه او اخوه او جده الي تمدحون .