لاحد يتشــــره .. هذيان م ع ف و س

[هين]

اول شي جيعان حدي .. ومصدع
يعني لاحد يتشره ... خلوكم وساع صدور
وصوموا ... الله يكتب اجرنا واجركم
الموضوع كله واحد بالمكتب .. صايم
ماعنده احد يسولف عليه بهل ظهرية ..
طرت عليه الدنيا وهمومها .. على شكل شريط اخبار
الحياه صارت سريعه .. والايام كافخه ..
مع مرور الوقت وتسارع الاحداث ..
صارت الحياة تخوف ..
الموت صار شي عادي عند الناس ..
الملهيات كثير ..
والمعاصي شي عادي ..
برغم التقدم والنعمة الي الناس فيها ..
الا ان كل الناس تصيح وتقول طفششش ..

بنتي عمرها 3 سنوات كل يومين تقول بابا طفششش
حتى هل صغيره عرفت مفردة طفشش لاحوووول

وش فينا ماعاد نتحمل ..
ولا عاد عندنا طولة بال ..
كل شي نسويه مجرد تأدية واجب ..
وعلشان لا يقولون فلان ... او علان بس ..

منو يذكر طعم العيد لاجانا ؟ يوووه
واليوم حتى ايام العيد الممله تحسها ثقيله ؟
كل الناس تبكي وتندب الحظ على الماضي ؟
حتى هل وقت الحالي برغم سلبياته بعد كم سنه بيصير ماضي جميل ؟

هل هو احساس ادمي الحنين للماضي وتصوره
بافضل الصور ام انه انجذاب لواقع وتغير للاسواء ؟؟

تمنيت ارجع واحس بلذة الموية وانا عطشان مثل قبل ..
استغفر الله ياربي حتى المويه تشربها بلا لذه ..

زمنا زمن التكنلوجيا والانترنت
والفضائيات والجوالات وبلاويها الي كل يوم شكل

احيانا اسأل نفسي هل سؤال ؟
ياترى هل نحن جيل محظوظ ام سيئ ؟

وهل نتحمل تبعات اشياء مالنا ذنب فيها غير انها ظهرت بوقتنا وفي جيلنا ؟


يارب سترك ورحمتك وعفوك

اللهم امين يارب العالمين

الاسئلة كثيره ...
حاس اني صدعت فيكم .. صح
طيب اعتذر لكل راس صدع
ولكل عيون زغللت
ولكل وقت ضاع
بسبتي ..
مابي احد يزعل مني ..
حاس ودي ابكي .. تجون نبكي كلنا
يمكن نرتاح .. لو لفترة بسيطه ..


ياهل ترى حتى البكاء باقي له طعم ؟؟؟

انا احسسه بكاء من ابو ريالين


اعتذر لهذا الهذيان الغير مرتب ... هين

[ملح وقبلة :$]

اقتباس بنتي عمرها 3 سنوات كل يومين تقول بابا طفششش حتى هل صغيره عرفت مفردة طفشش لاحوووول

ههههههههههههههههههههههه ياعمري عمرة هالصغنبوطه

اشتر لها ايبود و راح تنسى هالكلمه زي اختي


اجابه ع تساؤلاتك ..

انت كتبتها هه

اقتباس زمنا زمن التكنلوجيا والانترنت والفضائيات والجوالات وبلاويها الي كل يوم شكل

اتوقع هذا هو السبب

اقتباس حاس ودي ابكي .. تجون نبكي كلنا يمكن نرتاح .. لو لفترة بسيطه ..

ايه هيين والله


شابعتن صياح لين قلت بس



يالله الله يوفقك يارب وتستانس وتشرب مويتك بلذه اهم شي

وشكرا ع الموضوع وهذيانك المعفوس

[ملح وقبلة :$]

.

ووشسمه نسيت اقول الفراغ بعد هو السبب ..


يعني لو يلقى الشخص حاجه تشغله او هوايه معينه .. .


يمكن يتغير شوي

[خريجة ولكن ..!]

لا بجد مو هذيانك لوحدك هذا أصبح هذيان الجميع

لكن نصيحه للجميع وأنا أولكم

اذا ضاق صدرك لاتجلس تفكر
أجلس استغفر أو اقراء قرآن وتوكل على الله كثرة التفكير تسبب الهموم والامراض


كل ماكان الأنسان قريب من ربه مايهمه شئ من مشاغل الدنيا
وتذكر أن هذا قدرنا
وقدرنا أن نعيش في زمننا هذاوهو أفضل من غيرة ونحن قوم نؤمن بالقدر خيره وشره

شكرا لهذيانك

[امجاد]

نعمتان مغبوط فيهما كثير من الناس الصحة والفراغ
فاذا اجتمعت تلك النعمتان مع فراغ روحي اكيد بيكون طفش لدرجة الانتحار هماوكمدا

لكن حسبمااشوف الي طفشانين في هالدنيا هم الفارغين يعني من الناحية الدينية احياناالله بالخير
ولا ماعنده هدف طول وقته يحط يدة على خدة ويفكر
ويقول طفش ويتويل على ايام كان وكنا ويازمان الوصل بالاندلس

لكن لو يكون مريض ويسهرة مرضة ولا ينام كان حمد ربه على النعمة
لو فاقد احد حواسة وجوارحة

اشغل نفسك اقراء اكتب رتب لاتجلس مكتوف اليدين

اكثر من الحمد والشكر فبها تزيد النعم

>>>برايفت
ترى انا مو بعيده عن هالجو
تطري علي سالفة الطفش احيانا
حتى عالجها لي شخص اتدرون كيف
اول خطوة اصبحنا نكثر الزيارة لدور النقاهه وبعض اقسام المستشفيات التي فيها الامراضالمستعصية او االاعاقات

هنا تتوقف وتتامل قليلاوتبكي كثيرا وتحمد الله ان فضلك وانعم عليك بالصحة

[goree]

الله يسعد قلبك يآ هين ...


وبالفعل أصبحت ظآهرة الطفش والملل
على جميع الألسن
حتى الصغآر سنآ ..

والسبب

ليس هنآك مآيشغلهم ..

وكل الحيآة صآرت مرفهه ..
وأعتقد أن الإنسآن يمل من إستمرآر الرفآهية في حيآته ..
وأن يجد كل مآيرغب به موجود ومتوفر ..

[أبو الوليد]

[align=center].








الله يصرف عنا وعن الجميع الهم والحزن



موضوع جميل والأخوة ما قصروا في المشاركة





::
وفقكم الباري

.. .. ومضـــــــــــــــــــــة .. ..

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[/align]