[poem=font="Arial,4,black,normal,normal" bkcolor="transparent" bkimage="backgrounds/1.gif" border="double,4,gray" type=0 line=0 align=center use=ex num="0,black"]
ليـلة البـــارح .. رقد بعضي ينازعــه أغلبي = ليلة ٍ بآخــــــــــــــــر ليـالي الحج غـدراً مظـلمة
كـنّي اللـــــــــــــــــي نـايـمٍ ما بين داب وعقـربي = هي حقيـقــــــــــــة ؟ هي خيالٍ سجّ ؟ هي حلم احلمه ؟
قمت من صـوتٍ دعـانــــــــــي وانثنيت على ركبي = وإلاَّ أنا أناظر قبـالــــــــــــــــــــــي ( ناقـةٍ متكلـمه ) :
( يا نيـازك لو عرجـتي فوق دخــــــــــــان أشهبي = اعلـقي في زئبـقي فـــــــــــــــــــي مارجٍ متنجــمه )
قلت : وش قومك ؟ وش انتي ؟ واصدقي لا تكذبي = جاوبتـني شاعـره من الجـــــــــــــن وانظم مبهـمه
وقبل تنـشــدني ترى اسمي ( أَبْكمه ) يا صاحبي = وإدر كانك ما دريت إن أشعر الجــــــــــــــن ابكمه !
اسكن ( البَرْلــَس ) على وادي يسمى ( المحلبي ) = في نهــــــــــــاية ( طور موسى ) جلّ ربٍّ كلّـمه
جيت اباسمع منك شعـر الوصـف .. واشبّ لهبي = كان توصف مثـــــــــل (جدّك) ياعسى الله يرحـمه
جـدّك اللي من سمـــــع شعره ذهل واستغربي = مثل وصفه لاجمل سنينـــــه ( بـ..نوق مدرهمه )
قلت : حيــاك ارحـبي ثم ارحـبـــــــي ثم ارحـبي = في ضيـافة شـاعرٍ يثـنــــــــــــي القصيد ويلجـمه
شاعــرٍ ورَّد هواجيـسه علــــــــــــى ما هو يبي = وأعذب الشعـــــر أصدقه في أغربه في أجهـمه
من شيــوخ دحيـم جدانــــه.. وخـــــــاله تغلـبي = إن طلع عزّ وشـرف.. والأَّ طمـــــن في مكرمة
قد ورثـت الطيب قبل الشـعــــــر من جدي وابي = ولابـتي سيـل الحقــــــــــــــوق اللي تـزابر مرزمه
واشـهد إني من سنـام الشعـــــر دسمّـت شنبي = وهاتي أشعر شاعرٍ من الجــــــن .. نذرٍ لا أفحمه
ودام يستهويك شعــرالوصف با أنظم وأطـربي = عـ.. القـوافــــــــــــــي نفسها قدامك الحين انظـمه
واصفٍ حلو التــرايب والقــــــــوام الأكـعبي = وأبتدي : بسم الله الرحمن سِمْعــــــي يا ( بْكمه )
جـادلٍ بحجـاجها.. فجــــــــرٍ زبنـه المغــربي = عـنز ريـمٍ نثـّرتـني بيــــــــــــــــــن خزر وسلهـمه
في سـواد عيـونها .. فاجـــر يقول إنه : نبي = كل صـابي يتبعـه ويصـــــــــــــــدقه .. يهـدر دمه
وفي لحظـها .. حـاكمٍٍ سفــــــاح متهـور غبي = يطلب الرحـمة لميتـــــــــــــــه يوم شبـع من لحمه
وفي هدبـها .. مدهلٍ راعـيـــــه شيــخٍ يعـربي = أجــوديٍ نوب يعزمنــــــــــــي .. وأنا نوب اعزمه
راعـني خـالٍ بوجنتهـــــــا تقلْ .. عبْد مْسـبي = حارس ٍ روض الزهـــــــــــر من كل يمناً مجـرمـه
ومن قليـب اللول .. جاء ثعبــــان فضي لولبي = من لعق سمّـه .. يقـــــــــول : الشهد مرّ وعلقـمه
كلما بلّل شفـق عنــابهــــــــــــــــا قال : عْجــبي = راح ينشد لولها هي مشركــــــــــه ؟ هي مسلمة ؟
ويوم جاء اللول بيجاوب قلت : ربــي رووف بي = ناض برّاق الثمان .. وســــــــــــال وادي عكـرمه
الندى .. عـودٍ غدا بأوجــانهـــــــا .. طفل يحبي = والعطر.. راعي باثـرْها يحـــــــــــدي ابله وغنمه
ومن جـدايلها.. تجـــلاَّ فـارسٍ قال : العبي = واستفزي الريـح يا بنت الهبــــــــــوب المدهمـه
وفي نحـرها .. كـافر ٍ لعيـونـي يقول : إذنبي = كل ما ياكل رطب شوفي .. حذفنـــــــــــي بعجـمه
في ترايـبها .. ثمر طـاح بنهـــم عين اشعـبي = جاء يقول لخصـــــرها الميـاس : حذرا ما انهـمه
انثـنى الخصــر وتمـايــــل .. قال : قبلك مرّبي = توه اللي كان ضيفــــــــــــــــي وانظر آثـار قدمـه
الجمل .. هجّ وتـذيّر يــــــــــوم شاف الأحــدبي = والحدب قال : إش معــــه ؟ ما ينظر لحدب سنمه
كل نضـره روّحت حبلــــــى .. تجي معها صبي = راح جـوعه ينشـــــــــــــــد أمه وش بلاها تفطمه ؟
لا مشت .. في مشيها خطو الكحـيــــل الأشهبي = لا انثنت ( حايل ثنيـــــــــــــّه ) لا ربـاع ولا قحمه
كنها لا لدّت النظرة خجـــــــــــــــــل عا المنكــبي = صادقٍ .. يستـودع الفتـّان ســــــــــــــــــــرٍّ يكتـمه
في خجلها .. بنت شيخٍ طاحت بحـــــــــــب أجنبي = في غنجها .. مهـرةٍ تتلي الصهيــــــــــــل بهمهـمه
في رضاها.. حصـنــــــــــــيٍ يتـلذذ بحمـض عنبي = في عتبها .. ظالـمٍ حطـــــــــــــــــوه قاضي محكـمة
لا اقبلت .. مثل الحمام - ولا ادبرت .. مثل الظبي = لا اوقفت .. طير الهداد - ولا جْلســت .. تقل رْخمه
لا وردتي يا مغـــاتيري علــــــــــــى العدّ اشـربي = وهيجـني : يا حـــــــــــي ذا المبسم ومنهو مبسمه
مبسمٍ يوم يتبسم كل عــــــــــــــــــرقٍ صـاح بي = وتلّني .. قـوم الثـمــــــــــــه .. نذرٍ علي أن تلثـمه
أذن الفجر ووقفت .. إلاّ ( اْبكمــــه ) تقْل : طْلبي = ( ياالدحيـمي ها القصـيدة سمّهـــــــــــا بالملحـمة ) [/poem]
الدحــــــــــــــــــــــــــــــــــيـــــــــــ ـــــــــــــــــمــــــــــــــــــــــــــي
المواضيع المتشابهه
العرض العادي
