راضي على الي صار ........الى

[عائض الدشن]

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


منقول

[الأصمعي]

اخي العزيز

بدأت نصك بتأنيث ثم سردت بالتذكير

بكلمة الجديلات التي تقصد بها الجديل والجديل للمرأه رغم ان كلمة جديلات لن تجديها بأي قاموس عربي

ثم بدأت بالتذكير بالقصيده


لدي استفسارات ان سمحت

نا بحبل انسان ماهي دعايات

لم افهم تركيبة البييت ؟

مامعني كلمة ذكرات ؟




الأصمعي (ناصر الشعر)

[عائض الدشن]

اخي الاصمعي .....بما ان القصيدة منقولة ...........ومن وجهة نضري ذكرات ( بمعنى ...ذكريات ,,,,,)

وشاكر لك ,,

[عاشق القمم]

انتقاء رآآآئع ..
لك الشكر ..

[دانة الكون]

روووووووووعه روووووووووووعه
سلمت ع الانتقاء المميز

الله يعطيك العافيه.

[صانع الإبداع]

’’

* أبيات رائعة ..
ألف شكر لك ..

[شموخيے غير]

يع ـطيكـ الع ـافيه ع الطرح

[الراهي]

..
>>
الله يعطيكـ العافية
على الإختيار
وتسلم يدينكـ
..
.

[بشير حمد شنان]

يعطيك العافية وصح لسان الهاجري وتحياتي لك

[سارة الحلوه]

الله يعطيك العافية