جاني الخبر يا صاحبي واظلم الكون
قدام عيني ثــم نطقــت بالشـهـاده
على العموم اقولها الف مليون
مبروك من قلب شكالك ابعاده
مبروك لايهم سوالف وضنون
من عاشق يهديك فرحة فؤاده
سو الفرح اليوم وابليس ملعون
واللي يشب النار يحنى رماده
انا اول العالم على القصر يلفون
اول معازيم الفرح والحداده
ابشر انا برقص على العرس بالهون
الكل يعبر فرحته باجتهاده
لو البلا رقصى يقولون مزيون
المشكله القلب يفضح وداده
يوم العذاري في دخولك يغنون
وعروستك باحلى ثواني السعاده
كنت اتمنى بدالها والله اكون
واحط انا كفي تحت راسك وساده
وشلون ابي اكتم صرختي يوم تمشون
تكفى ... خذني للعروسه قلاده
حتى معازيم الفرح قامو يمشون
واصبحت انا وحدي بدون استفاده
وطفو علي النور من غير يدرون
قصر الفرح يا قبر(..شوق..) ومهاده
وصيتي لو جاك بنت وانا امون
سميتها لك (..شوق..) قبل الولاده
المواضيع المتشابهه
العرض العادي
