يارفيقي هموم الوقت صابنّي
..... ضاق صدر الشمال وشانت احوالي
الامل والفرح ماهن على ظنّي
.......... كان رجلي معوّدها على العالي
كم نطحت الليال اللي يحدنّي
............ لو تميل الدروب اميّل اعقالي
طحت واقف وضاحك للملا سني
.......... ميتٍ ن ماوضح للناس غربالي
المصايب تهبّ ولا يهزّني
............ما تهز الرياح بصوتها اجبالي
والصعايب مع الصدمات شدنّي
.......... مارتخي للزمن لو قطّع احبالي
كثّر اللهْ خير ايــام ربنّي
....... اشرب (المرّ) لكن (حالي) افعالي
كلّ شيبات راسي لو يعننّي
.......... من تصاريف وقتٍ ن ماتهيالي
من قديم الزمن لليوم يبلنّي
............ كلّ شيبه لها قصّه وتفصالي
لكن اللي شغل فكري و جننّي
.... غدر من هو تحسـْبهْ صاحب اموالي
قبلها ماحسبت ولا يهمنّي
.......... ولاعليّه من اهل القيل والقالي
خلقتي والجزايل دوم يوحنّي
...... من ابوي اكتسبت الطيب والخالي
فوق ضلع المراجل دايم اغنّي
......... وازعج اللي تردّى بلحن موالي
ما شكيت الجروح اللي يحرقنّي
......... والله اني ادوس الجرح لو طالي
بيّح الله سدود اللي يبيحنّي
........ واكشفت لك خفايا قلب به صالي
ياوجودي وجد من ساكنه جنّي
............ مايفيده علاج و يابري حالي
ياعطا لاتحسب القاف من فنّي
............... لكن الهم كافر دوم يبرالي
ترْجَمتْ مابجوفي من صغر سنّي
........ لين ضاعت ملامح حلم الاطفالي
تدري اني حزين ودايم آونّي
.......... سكّر اذان وجدك .. ريّح البالي
شعر : مشاري بن فالح السعيداوي البدري
( هاجس الحرمان )
المواضيع المتشابهه
العرض العادي
