تسلوف لي عن الضيقة

[مخاوي الشوق]

تسولف لي عن الضيقه وانا كلي ألم وأحزان

وأنا من وين ماناظر بعيني شفـت ضيقاتـي

تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي

[نجـد]

اكثرمن/روووووعه
الله يبعد عنك الضيق
جد ابيات تحكي معناة
دائمآ مبدع ليس بجديد عليك هالتميز
بانتظار قادمك الاروع
دمت بالوجووود

[مخاوي الشوق]

الله عليك يانجد كلاماتك تشجيعيه من الدرجة الاولى تسلمين يالغلا لاهنتي

[دانة الكون]

الله يبعد عنك الضيقه
ابيات مؤثره
صح لسان الشاعر
الف شكر

[مخاوي الشوق]

والله لايجيبها لقلبك يادانة الكون الضيقة تسلمين على مرورك الحلو كحلاوة روحك

[عذبة الاوصاف]

ابعد الله عنك كل هم وضييق وعن الجمميع يااارب

ابياااات روووعه كالعاااده

دمت بود

[مخاوي الشوق]

انشاء الله الجميع الله يبعد عنهم الهم

الف شكر ياعذبة الاوصاف يالغالية على مرورك