الجرح ما يداوي بالجرح يا فـلان
عمر الجفا ما كان للجـرح شافـي
جرح الجفا يا صاح سبب لي أغبان
والقلب من همه للإحـزان عافـي
طال الزمن ولا قصر أبقى إنسـان
لنسان في طبعـه للـزلات لافـي
هجرك تجبر بالحشا شيـد أركـان
حطـم بقلبـي جميـل المـرافـي
لا تعتذر بالجرح ! للجرح سلطان
أدموع عيني تشهـد بكـل خافـي
شخصك تمادي والمدى عاد له كان
سالت جروح الروح والدمع ضافي
حيدك عضيدي بالحشا صيتكم دان
يومك تنادي ..لو عسى أجيك حافي
وأثر الهجر يا سيدي بشرعكم بـان
وألي نشدته وهم ... والوصل زافي
تعكرت حلـو الليالـي بالإحـزان
من بعد ما كان الهوى شهد صافـي
فلا تنتظر مني وصـالٍ ولـو زان
القلب مفيوع من الرجا..عاد كافـي
أنا عزيزة نفس مارضي بالإهـوان
ما رضى بذل إنسان لو فوق نافـي
المواضيع المتشابهه
العرض العادي
