[ALIGN=CENTER][TABLE="width:70%;"][CELL="filter:;"][ALIGN=center]سافري لكن وداعه .. أنسي ماضي ذكرياتي
وهاكِ باقي ذكرياتك .. الهدية والرسالة
أبعدي وإن كان ظنّك .. إنّ في بُعدك شَتاتي
خلّك أبعد من خيالي .. خلّي قربك استحالة
غيبي قدر الاستطاعة .. عن عيوني وألتفاتي
فارقي لأقصى زمانك .. والهوى مالك وماله
دامك اصغيتي بقلبك .. قبل سمعك للوشاتي
ما فرقتي عن حقود ٍ .. قلبه أسود من فعاله
ما جرحني من كلامك .. ما نصفتي تضحياتي
بس كانت النتيجة .. مال ميزان العدالة
تدّعين أنك ضحية للمشاكل .. من سواتي
والمشاكل كلّ أبوها .. من سواتك والجهالة
يكفي أني شلت سرّك ويّا جرحك .. من سُكاتي
جرحك اللي سرّ نزفه .. من وفا هالقلب شاله
هيّنة أليا رخصتي .. عشرتي ويّا غلاتي
هيّنة أليا جفيتي .. والجفا يا حيّ فاله
تحسبيني لأجل أحبك .. هان تقديري لذاتي
إلا حُبي للكرامة .. موتي أتحلّي بداله
ماني خبرك ذاك الأوّل .. يومي غارق في سُباتي
وأنتِ ما أنتِ ذيك الأولى..شوفي حالك وش جرا له
يا كثر ما كنت أردّد.. أنتِ بالدنيا غناتي
يا كثر ما كنت أحبك .. حيل أحبك للثمالة
كنتِ أغلى ما ملكته .. إلا أغلى من حياتي
كنتِ نبضي والمشاعر .. جمر شوقي واشتعاله
كنتِ أصدق من ظنوني .. كنتِ أجمل أغنياتي
كنتِ حتى بانفعالك .. مثل طفلة بانفعاله
كنتِ أروع من قصيدة .. ولعيونك أمسياتي
وفـعيوني لا وقفتي .. صورتك عالم لحاله
أنتِ أوّل للأمانة .. حلم عمري وأمنياتي
قبل ما أعلن .. موت حُبك واندثاره وارتحاله
إيه يا بنت الأصايل .. شيمتي معنى سُكاتي
وش يحدّ اللي عزيز ٍ .. للمذلة في سؤاله
للسكوت أسمى معاني .. من هروج ٍ تافهاتي
ونوب كلمة وحدة تغني .. اختصار ٍ للمقالة
الوكاد أني نسيتك .. وأنتِ أنسي ذكرياتي
دام أخذتي ما بقا لك .. الهدية والرسالة
وسلامــتكم(منقول ) [/ALIGN][/CELL][/TABLE][/ALIGN]
المواضيع المتشابهه
العرض العادي
