اسعد الله اوقاتكم
عليك الله يا ذكـر الوليـف اللـي غـلاه اجتـاح
غلا النفس وملـك قلبـي واحاسيسـه ووجدانـه
لك الله مـن عرفتـك والمـزون وبرقهـا لا لاح
اغض الطرف عنها لو عـروق الكبـد ضميانـه
انا اللي كل ما عرّض سرابـك عـزّم المـرواح
على شان العرب ما تنشده عـن دمعـة اعيانـه
يخفّي ما جراله مـن غرابيـل واسـى واجـراح
عن عيون البشر واصحابـه الغاليـن واخوانـه
وليا منه نشده اللي حياتـه فـي طـرب وافـراح
قفل باب الجواب وثقلـت الكلمـه علـى السانـه
وانا اللي لا بغى يفضفض عن همومه بدون امزاح
ما يلقى اللي يلدّ الـه النظـر ويخفـف احزانـه
يبي يرتاح واليا اقبـل ظـلام الليـل مـا يرتـاح
يزور الهـم ميـدان الخفـوق ويطلـق اعنانـه
على ذالحال لين انه انبـرى حالـه وسـدّه بـاح
ذبحـه الليـل والتفكيـر وهمومـه وكتمـانـه
يقولون الهموم ان طولـت تلحـق علـى الارواح
وانا اقول انّ نفسي من همـوم الوقـت شبعانـه
على قول المثل يا صابر اصبـر للفـرج مفتـاح
وراح العمـر منـي والفـرج مـا فـك بيبانـه
على وصل الذي شوفه ريـاضٍ عطرهـا فـوّاح
تحيـر العيـن فيهـا والعقـل يختـل ميـزانـه
تراك انت الوحيد اللي يعوضنـي عـن اللـي راح
ترّفـق والحيـاه اللـي بدونـك مالهـا خـانـه
على رجواك وان صارت مقابيل الليـال اشحـاح
ليا منّي خسرتك ويش انا عايـش علـى شانـه
لو انك طير لامنه كفـخ عـوّد علـى الملـواح
ما دار الحول وهمومـي تهـز القلـب واركانـه
الشاعر ..محمد ابن هندي
المواضيع المتشابهه
العرض العادي
